Isidoro Araújo de Lira
Isidoro Araújo Alcalde, chamado Isidoro Araujo de Lira, nado en Bouzas o 3 de xaneiro de 1816 e finado na Habana o 7 de maio de 1861, foi un xornalista e escritor galego.
.jpg)  | |
| Biografía | |
|---|---|
| Nacemento | 3 de xaneiro de 1816 Vigo, España |
| Morte | 7 de maio de 1861 (45 anos) A Habana, Cuba |
| Actividade | |
| Ocupación | xornalista |
| Descrito pola fonte | Ensayo de un catálogo de periodistas españoles del siglo XIX (1903-1904), (sec:Araujo de Lira (Isidoro), p.21) Dicionario biográfico de Galicia Enciclopedia Galega Universal |
  | |
Traxectoria
editar
Estudou humanidades en Tui e filosofía no mosteiro beneditino de Samos. En 1835, cando ten efecto a desamortización coa exclaustración dos bieitos, marcha a Madrid onde comeza a traballar no Ministerio de Gobernación. Posteriormente trasládase a traballar ao goberno civil de Salamanca, onde permanece ata 1839.
Nese ano emigra a Cuba e establécese como mestre na Habana. Alí comeza de cheo a escribir. Primeiro redacta a novela por entregas Ana Mir no xornal Noticioso y Lucero, que publica entre 1840 e 1841. No xornal tamén comeza a escribir artigos de opinión, co pseudónimo de Lira, e conseguindo máis cotas de poder no medio. Tanto é así que cando o xornal se refunda co nome de Diario de la Marina, en 1844, Araújo faise copropietario e primeiro director.
Araújo participou en lobbies de empresarios cubanos na España peninsular, onde realizou varias viaxes. Nunha delas, en 1854 participou na fundación en Madrid do Diario Español. Regresado á illa, exerceu de xornalista e de voceiro dos intereses dos comerciantes españois na illa. Faleceu como consecuencia das feridas recibidas nun duelo.
O seu neto foi o tamén xornalista Isidoro Bugallal e o político e presidente de España Gabino Bugallal.
Obra
editar- Ana Mir, novela por entregas.
- Memoria sobre el estado político y administrativo de Cuba, ensaio.
Véxase tamén
editarWikimedia Commons ten máis contidos multimedia na categoría: Isidoro Araújo de Lira  |
Bibliografía
editar- Dicionario biográfico de Galicia. Ir Indo Edicións. 2010-2011.
- "Araújo de Lira, Isidoro". Enciclopedia Galega Universal. Ir Indo. 1999-2002. ISBN 84-7680-288-9.
- Couceiro Freijomil, A. (1951). "ARAUJO DE LIRA, Isidoro". Diccionario bio-bibliográfico de escritores (en castelán) I. Santiago de Compostela: Bibliófilos Gallegos. p. 79.
- Giráldez Lomba, Antonio (2010). 200 memorias de Vigo (en castelán). Caixanova, Faro de Vigo e Alcaldía de Vigo. VG 955-2010.
- Otero Guldrís, Francisco (2005). "Araújo de Lira, Isidoro". Gran Enciclopedia Galega Silverio Cañada (DVD). El Progreso. ISBN 84-87804-88-8.