Igrexa de Santa Sofía de Sofía

A igrexa de Santa Sofía (búlgaro: Църква Света София, Sveta Sophia) é unha igrexa situada en Sofía, Bulgaria. O nome da cidade tomou o da igrexa no século XIV.

Igrexa de Santa Sofía de Sofía
Datos xerais
País	Bulgaria
Tipo	Igrexa
Advocación	Santa Sofía
Localización	Oborishte District
Coordenadas	42°41′47″N 23°19′53″L
Culto
Diocese	Eparquía de Sofia
Arquitectura
Construción	Séculos IV-VI
Estilo	Arquitectura bizantina, Arquitectura paleocristiá
Igrexa de Santa Sofía de Sofía
[ editar datos en Wikidata ]

Historia

Lateral da igrexa

Neste lugar atopábase a necrópole romana da ciadade de Serdica e un teatro romano. A fundación da igrexa remóntase ao século VI coa construción da igrexa primitiva sobre a localización doutras dúas igrexas anteriores ao século IV. Ao longo dos séculos, construíronse outras igrexas, que foron derruidas por forzas invasoras coma os godos e os hunos. A estrutura actual de planta basilical, con dúas torres e unha cúpula, parece ser a quinta estrutura do lugar, construída durante o reinado do emperador bizantino Xustiniano I a redor do século VI. Considérase, polo tanto, unha versión moderna da Santa Sofía de Istambul.

Durante o Segundo Imperio Búlgaro (séculos XII ao XIV) a igrexa foi sede do obispado, tomando nesta época a cidade o nome do monasterioː Sofía. No século XVI, durante a época otomá, a igrexa converteuse en mesquitaː os frescos orixinais dos século XII foron derruidos e engadíronse minaretes. No século XIX, dous terremotos derruiron un dos minaretes e a mesquita foi abandonada. A restauración comezou despois do 1900.

No exterior da igrexa atópase o Monumento ao Soldado Descoñecido en honra aos soldados falecidos na primeira guerra mundial.

Características

Interior: vista da nave

A igrexa de Santa Sofía é un dos mellores exemplos de arquitecura paleocristiá no sueste de Europa. O edificio actual ten planta cruciforme con tres altares. O chan da igrexa está cuberto con ornamentos paleocristiás e mosaicos de fauna e flora. A igrexa atópase situada sobre unha necrópole antiga e atoparonse varias tumbas ao redor e dentro da igrexa. Algunhas delas incluso contiñan frescos orixinais.

Debido a que Santa Sofía representa a santa sabedoría, no interior hai iconas representando a Sofía e a Cristo Emmanuel, unha figura dun xove Cristo sentado sobre un arco da vella. A igrexa tamén alberga iconas de santos históricos, como San Xurxo ou San Vladimir.

Galería

• 
  Igrexa de Santa Sofía co Monumento ao Soldado Descoñecido.
• 
  Vista da fachada na actualidade.
• 
  Vista da fachada en 1878.
• 
  Vista da igrexa a redor de 1915.

Véxase tamén

Ligazóns externas

• Fotografías históricas da igrexa