H.G. Wells

Herbert George Wells, máis coñecido como H. G. Wells, nado o 21 de setembro de 1866 en Atlas House, Bromley, Kent , e finado o 13 de agosto de 1946, foi un escritor británico. Estivo nomeado catro veces ao Premio Nobel de Literatura.

H.G. Wells

(1920)
Biografía
Nacemento	(en) Herbert George Wells 21 de setembro de 1866 Bromley, Reino Unido (pt)
Morte	13 de agosto de 1946 (79 anos) Londres, Reino Unido
Causa da morte	Tumor hepático (pt)
Presidente PEN International
1932 – 1935 ← John Galsworthy – Jules Romains →
Datos persoais
Ideoloxía política	Socialismo
Educación	Royal College of Science (en) Universidade de Londres
Actividade
Campo de traballo	Ciencia ficción, Escrita creativa e profesional, literatura de non ficción e literatura de ciencia ficción
Ocupación	escritor, escritor de ciencia ficción, novelista, sociólogo, idista, historiador, xornalista, guionista
Período de actividade	1895 -
Partido político	Partido Laborista
Membro de	Sociedade Fabiana
Xénero artístico	Ciencia ficción, biografía e ensaio
Profesores	Thomas Henry Huxley
Pseudónimo literario	H. G. Wells Septimus Browne Reginald Bliss Sosthenes Smith
Obra
Obras destacables (1895) A máquina do tempo (1896) A illa do doutor Moreau (1897) O home invisible (1898) A guerra dos mundos (1901) The First Men in the Moon (en) (1912) Marriage (pt) (1917) The Soul of a Bishop (en) (1919) The Outline of History (en) (1933) The Shape of Things to Come (pt)
Arquivos en	Centro Harry Ransom [ MS-4465] The Rare Book & Manuscript Library (en) MSS00071
Familia
Cónxuxe	Amy Catherine Robbins (1895–1927) Isabel Mary Wells (1891–1894)
Parella	Elizabeth von Arnim (1910–1913) Odette Keun Moura Budberg Margaret Sanger Rebecca West Amber Reeves
Fillos	G. P. Wells  () Amy Catherine Robbins Frank Wells  () Amy Catherine Robbins Anthony West  () Rebecca West
Pais	Joseph Wells   e Sarah Neal
Irmáns	Francis Charles Wells Frederick Joseph Wells
Cronoloxía
marzo de 1933-outubro de 1933	queima de libros na Alemaña nazi
Premios
(1997)  Science Fiction and Fantasy Hall of Fame
Sinatura
Descrito pola fonte	Grande Enciclopedia Soviética 1969-1978, (sec:Уэллс Герберт Джордж) Encyclopædia Britannica Dicionario Enciclopédico Granat

Biografía

Primeiros anos, estudos e relacións

Naceu o 21 de setembro de 1866 en Bromley, hoxe incluído no Gran Londres, daquela en Kent, como terceiro fillo de Joseph Wells e da súa esposa Sarah Neal. A familia pertencía á empobrecida clase media-baixa. Os seus pais eran antigos criados que estableceran un pequeno negocio, ademais o pai xogaba ao crícket profesionalmente. En 1874 como consecuencia dunha fractura dunha perna, H. G. Wells tivo que pasar un tempo na cama, durante ese tempo afeccionouse á lectura. En 1877 o seu pai lesionouse e tivo que deixar o crícket, Wells para a axudar á economía familiar empregouse como aprendiz nunha tenda de tecidos. En 1883 logrou un emprego de mestre na Midhurst Grammar school ata que conseguiu unha bolsa de estudos na Escola Normal de Ciencias de Londres, onde estuda bioloxía con T.H. Huxley e participa no debate político achegándose ás posicións socialistas da Sociedade Fabiana, foi un dos fundadores do xornal da súa escola, The Science School Journal. En 1887 perdeu a bolsa ao suspender xeoloxía e marcha a vivir cunha tía súa que ten unha filla, Isabel, coa que Wells casou en 1891, pero en 1894 déixaa por unha alumna súa, Amy Catherine, con quen tivo dous fillos. Ademais Wells tivo relacións coa feminista Margaret Sanger e coas escritoras Amber Reeves e Rebecca West. Wells mantivo correspondencia coa galega Hildegart Rodríguez Carballeira, e tiña a pretensión de que fose a súa secretaria en Londres en 1933, pero Hildegart foi asasinada ao pouco pola súa nai Aurora R. Carballeira.

Diversidade de xéneros

Wells foi un autor prolífico que escribiu nunha variedade de xéneros literarios, incluíndo ciencia ficción, ducias de novelas, relatos, obras de crítica social, sátiras, biografías e autobiografías. É lembrado polas súas novelas de ciencia ficción e é frecuentemente citado como o "pai da ciencia ficción" xunto con Jules Verne e Hugo Gernsback.

Visión social

Durante a súa vida foi recoñecido como un crítico social con visión de futuro, mesmo profética, que dedicou o seu talento literario ao desenvolvemento dunha visión progresista escala global. Wells estudou orixinalmente bioloxía e as súas ideas sobre cuestións éticas desenvolvéronse nun contexto específico e fundamentalmente darwinista. Tamén foi sempre un socialista que moitas veces (aínda que non sempre, como no inicio da primeira guerra mundial) simpatizaba coas opinións pacifistas. Os seus traballos posteriores foron cada vez máis políticos e didácticas, deixando de lado a ciencia ficción, mentres que ás veces indicaba en documentos oficiais que a súa profesión era o xornalismo. Novelas como Kipps ou The Story of Mr. Polly, que describen a vida de clase media baixa, levou a suxerir que era un digno sucesor de Charles Dickens, aínda que Wells retratou numerosos estratos sociais e mesmo intentou, en Tono-Bungay (1909), un diagnóstico da sociedade inglesa no seu conxunto. Padecendo diabetes, Wells cofundou The Diabetic Association (hoxe coñecida como Diabetes UK) en 1934 con fins benéficos. Por mor dos seus escritos relacionados coa ciencia, en 1970 decidiuse na súa honra chamar H. G. Wells a un astroblema lunar situado no lado afastado da Lúa.

Na ciencia ficción

Imaxinou viaxar no tempo, invasións alieníxenas, invisibilidade e enxeñería biolóxica. Entre as súas obras máis destacadas están A máquina do tempo (1895, levada ao cine polo seu bisneto Simon Wells como A máquina do tempo en 2002), A illa do doutor Moreau (1896), O home invisible ( 1897), A guerra dos mundos (1898) e A guerra no aire (1907).

Como futurista, escribiu varias obras utópicas e previu a chegada dos avións, tanques, viaxes espaciais, armas nucleares, televisión por satélite, e foi dos poucos, con Isaac Asimov, que predixo algo similar a Internet.

Obra

Herbert George Wells

En 1888 publica o seu primeiro relato, The Chronic Argonauts, en The Science School Journal, pero foi con The Time Machine (A máguina do tempo) (1895), The Island of Dr. Moreau (A illa do doutor Moreau), The Invisible Man (O home invisible) (1896) e The War of the Worlds (A guerra dos mundos) (1898) cos que acada a popularidade. Con clara influencia de Jules Verne, trata temas que se converterán en clásicos da ciencia ficción como o da fantasía científica, o cuestionamento da propia humanidade ou a invasión extraterrestre. Escribiu tamén unha serie de novelas utópicas como In the Days of the Comet ou The Shape of Things to Come

Listaxe

• A máquina do tempo (The Time Machine, 1895)
• The Stolen Bacillus and Other Incidents (1895)
• A illa do doutor Moreau (The Island of Doctor Moreau), 1896)
• The Wheels of Chance (1896)
• O home invisible (The Invisible Man, 1897)
• A guerra dos mundos (The War of the Worlds, 1897)
• Dos días do porvir (A Story of the Days to Come, 1899)
• When the Sleeper Wakes (1899)
• Love and Mr. Lewisham (1900)
• The First Men in the Moon (1901)
• Mankind in the Making (1903)
• The Scepticism of the Instrument (1903)
• The Food of the Gods and How It Came to Earth (1904)
• Kipps (1905)
• A Modern Utopia (1905)
• Nos días do cometa (In the Days of the Comet, 1906)
• The War in the Air (1908)
• First and Last Things (1908)
• Ann Veronica (1909)
• Tono-Bungay (1909)
• The History of Mr Polly (1910)
• The New Machiavelli (1911)
• The Country of the Blind and Other Stories (1911)
• The Sleeper Awakes (1911) - Edición revisada de When the Sleeper Wakes
• Floor Games (1911)
• Marriage (1912)
• Little Wars (1913)
• The World Set Free (1914)
• The Research Magnificent (1915)
• God the Invisible King (1917)
• War and the Future (1917)
• The Soul of a Bishop (1917)
• The Outline of History I, II 1920, 1931, 1940 (1949, 1956, 1961, 1971)
• The Secret Places of the Heart (1922)
• Men Like Gods (1923)
• The World of William Clissold (1926)
• Meanwhile (1927)
• Mr Blettsworthy on Rampole Island (1928)
• The Open Conspiracy (1928)
• The Shape of Things to Come (1933)
• An Experiment in Autobiography (1934
• Star-Begotten (1937)
• Crux Ansata (1943)

Véxase tamén

Ligazóns externas

• Obra de H. G. Wells no Proxecto Gutenberg. (en inglés)