Guillermo Vicente

Guillermo Vicente Santiago, nado no Brasil en 1896 e finado en Pintán (A Guarda) o 10 de xaneiro de 1940, foi un industrial, xornalista e político galego.

Guillermo Vicente

Biografía
Nacemento	1896 Brasil
Morte	10 de xaneiro de 1940 (43/44 anos) Pintán, España
Causa da morte	tuberculose
Alcalde de Tui
16 de xullo de 1936 – 26 de xullo de 1936 ← Benito Pérez Álvarez – José Peñarredonda Fernández →
Actividade
Ocupación	xornalista, político

Traxectoria

Empregado no Banco Nacional da Arxentina, logo na Guarda traballou na corresponsalía de banca da familia Nandín e máis tarde trasladouse a Tui. Era o propietario e director da imprenta onde se editaba La Integridad e os semanarios Tierra (1932) e Tribuna (1933), que dirixiu. Tamén foi colaborador e correspondente dos semanarios Heraldo Guardés e Nuevo Heraldo.

Militou en Acción Republicana, e despois en Izquierda Republicana da que foi presidente do grupo de Tui. Foi elixido alcalde de Tui o 16 de xullo de 1936. Co golpe de Estado do 18 de xullo de 1936 presidiu o Comité de Defensa da República. Cando caeu a resistencia, botouse ao monte con Antón Alonso Ríos. Tras vagar varios días por distintos lugares, déronlles acollida nunha casa en Torroña, onde permaneceron agochados dende o 31 de xullo até o día 11 de agosto. Polo perigo de seren atopados, decidiron marchar varios días para volver outra vez o 14 de agosto, permanecendo até o 19 de agosto. Alí chegaron a saber que andaban na súa procura. Guillermo debido a problemas pulmonares non puido seguir no monte e decidiu agocharse no domicilio familiar en Pintán, onde permaneceu nun zulo en tan malas condicións que a enfermidade agravouse a pesar das medicinas receitadas polo médico Darío Álvarez Blázquez. Faleceu a causa de tuberculose o 1 de maio de 1940. Abríronlle expediente de responsabilidades políticas e como resultado foi condenado polo tribunal o 30 de xuño de 1941 a quince anos de inhabilitación, dez anos de extrañamento e á perda dos bens embargados.

Véxase tamén

Bibliografía

• Añoveros Trías de Bes, Xabier; Martínez Gamallo, Loli (2007). Los alcaldes de Tui del siglo XX. Historia de la ciudad a través de los plenos municipales. Pontevedra: Deputación. ISBN 978-84-612-2481-4. 

Ligazóns externas

• Biografía e imaxes
• Expediente de responsabilidades políticas contra Guillermo Vicente de Santiago

Predecesor: Benito Pérez Álvarez

Alcalde de Tui  16/7/1936 - 26/7/1936

Sucesor: José Peñarredonda Fernández