Gran Premio de Austria de 2020
O Gran Premio de Austria de 2020 (oficialmente Formula 1 Rolex Großer Preis von Österreich 2020) foi unha carreira do Campionato do Mundo Fórmula 1 celebrada no Red Bull Ring en Spielberg, Austria, o 5 de xullo de 2020. Foi a 1ª carreira da tempada de Fórmula Un de 2020, e o 34º Gran Premio de Austria e a 33ª vez que é valida para o Campionato do Mundo de Fórmula Un desde a súa creación en 1950, así como a primeira das dúas carreiras consecutivas que se celebrarán no Red Bull Ring.[1] A carreira foi a primeira carreira da tempada celebrada en Europa desde a tempada de 1966 cando comezou co Gran Premio de Mónaco.[2]
| ||
| Nome oficial | Formula 1 Großer Preis von Österreich 2020  | |
|---|---|---|
| Tipo | Gran Premio de Austria | |
| Deporte | competición de Fórmula 1 | |
| Parte de | Campionato Mundial de Fórmula 1 de 2020 | |
| Distancia do evento | 71 | |
| Número de participantes | 20 | |
| Participantes | ||
Valtteri Bottas, Charles Leclerc, Lando Norris, Lewis Hamilton, Carlos Sainz, Sergio Pérez Mendoza, Pierre Gasly, Esteban Ocon, Antonio Giovinazzi, Sebastian Vettel, Nicholas Latifi, Daniil Kvyat, Alexander Albon, Kimi Räikkönen, Romain Grosjean, George Russell, Kevin Magnussen, Lance Stroll, Daniel Ricciardo e Max Verstappen | ||
| Localización e Datas | ||
| Localización | A1-Ring (Spielberg) 47°13′11″N 14°45′53″L / 47.219722222222, 14.764722222222 | |
| Lonxitude | 4,318 km | |
| País | Austria | |
| Data | 5 de xullo de 2020 | |
| Competición | ||
| Primeiro posto | Valtteri Bottas | |
| Pole position | Valtteri Bottas (01:02,939) | |
| Volta máis rápida | Lando Norris (01:07,475) | |
A carreira gañouna o piloto de Mercedes Valtteri Bottas con Charles Leclerc no segundo posto para Ferrari e Lando Norris terminando terceiro por McLaren, o seu primeiro podio na Fórmula Un. Norris converteuse no terceiro piloto máis novo en acadar o podio.
Antecedentes
editarImpacto da pandemia da COVID-19
editarO calendario inicialmente previsto para o campionato 2020 viuse fortemente afectado pola pandemia por coronavirus de 2019-2020. Varios Grandes Premios foron cancelados ou aprazados despois do aborto da rolda de apertura en Australia, o que fixo que a Fédération Internationale de l'Automobile redacte un novo calendario. O inicio do campionato atrasouse ata o 5 de xullo, o Red Bull Ring que albergou o Gran Premio de Austria como rolda de apertura do campionato. Os organizadores da proba asinaron un contrato para acoller unha segunda carreira no circuíto o 12 de xullo (unha semana despois da primeira carreira) que será coñecido como o Gran Premio de Estiria.[3] As carreiras austríacas marcan a primeira vez que un país acolle dúas carreiras consecutivas na mesma tempada desde 1955 cando o Xapón acolleu o Gran Premio do Pacífico de 1995] e o Gran Premio do Xapón de 1995.[a]. Esta carreira tamén marcou a primeira vez na historia do deporte que o mesmo recinto e trazado de circuíto alberga carreiras consecutivas do Campionato do Mundo e a primeira vez que se celebrou unha fin de semana de carreiras na F1 a porta pechada.[4]
Pneus dispoñibles
editar| Pneus para pista seca | Pneus para mollado | |||
|---|---|---|---|---|
 Duros (Tipo C2) |
 Medios (Tipo C3) |
 Brandos (Tipo C4) |
 Intermedios |
 Chuvia |
Clasificación
editarCualificación
editar| Pos. | Nº | Piloto | Construtor | Tempos de cualificación | Grella | ||
|---|---|---|---|---|---|---|---|
| Q1 | Q2 | Q3 | |||||
| 1 | 77 |  Valtteri Bottas
|
Mercedes | 1:04.111 | 1:03.015 | 1:02.939 | 1 |
| 2 | 44 |  Lewis Hamilton
|
Mercedes | 1:04.198 | 1:03.096 | 1:02.951 | 5[5] |
| 3 | 33 |  Max Verstappen
|
Red Bull Racing-Honda | 1:04.024 | 1:04.000 | 1:03.477 | 2 |
| 4 | 4 | Lando Norris
|
McLaren-Renault | 1:04.606 | 1:03.819 | 1:03.626 | 3 |
| 5 | 23 |  Alexander Albon
|
Red Bull Racing-Honda | 1:04.661 | 1:03.746 | 1:03.868[6] | 4 |
| 6 | 11 |  Sergio Pérez
|
Racing Point-BWT Mercedes | 1:04.543 | 1:03.860 | 1:03.868[6] | 6 |
| 7 | 16 |  Charles Leclerc
|
Ferrari | 1:04.500 | 1:04.041 | 1:03.923 | 7 |
| 8 | 55 |  Carlos Sainz
|
McLaren-Renault | 1:04.537 | 1:03.971 | 1:03.971 | 8 |
| 9 | 18 |  Lance Stroll
|
Racing Point-BWT Mercedes | 1:04.309 | 1:03.955 | 1:04.029 | 9 |
| 10 | 3 |  Daniel Ricciardo
|
Renault | 1:04.556 | 1:04.023 | 1:04.239 | 10 |
| 11 | 5 |  Sebastian Vettel
|
Ferrari | 1:04.554 | 1:04.206 | 11 | |
| 12 | 10 |  Pierre Gasly
|
AlphaTauri-Honda | 1:04.603 | 1:04.305 | 12 | |
| 13 | 26 |  Daniil Kvyat
|
AlphaTauri-Honda | 1:05.031 | 1:04.431 | 13 | |
| 14 | 31 | Esteban Ocon
|
Renault | 1:04.993 | 1:04.643 | 14 | |
| 15 | 8 | Romain Grosjean
|
Haas-Ferrari | 1:05.094 | 1:04.691 | 15 | |
| 16 | 20 |  Kevin Magnussen
|
Haas-Ferrari | 1:05.164 | 16 | ||
| 17 | 63 | George Russell
|
Williams-Mercedes | 1:05.167 | 17 | ||
| 18 | 99 |  Antonio Giovinazzi
|
Alfa Romeo Racing-Ferrari | 1:05.175 | 18 | ||
| 19 | 7 | Kimi Räikkönen
|
Alfa Romeo Racing-Ferrari | 1:05.224 | 19 | ||
| 20 | 6 | Nicholas Latifi
|
Williams-Mercedes | 1:05.737 | 20 | ||
| 107% tempo: 1:08.505 | |||||||
| Fonte:[7][8] | |||||||
Carreira
editarInforme de carreira
editarPrimeiras voltas
editarA volta de apertura transcorreu sen incidentes, sendo o único cambio de posición entre os dez primeiros [[Sebastian Vettel] que reclamaba o décimo lugar de Daniel Ricciardo. O McLaren de Lando Norris, que clasificara no terceiro lugar, foi superado por Alexander Albon na volta tres e logo por Lewis Lewis ao pouco tempo. Hamilton entrou despois nas posicións do podio ao pasar por Albon na volta nove.
O primeiro incidente da carreira produciuse na volta once cando o Red Bull de Max Verstappen, que marchaba no segundo lugar, comezou a desacelerarse cun problema eléctrico sospeitoso. Puido volver aos boxes onde os seus mecánicos intentaron corrixir o problema, así a todo este non tivo éxito e viuse obrigado a retirarse da carreira.[9] No noveno posto o Racing Point de Lance Stroll comezou a sufrir perda de potencia na volta 16, permitindo acercarse a Vettel e Ricciardo. Non obstante, Ricciardo viuse obrigado a entrar en boxes e retirarse con presuntos problemas de temperatura. Na volta 21, Stroll entrou nos boxes e retirouse da carreira, logo de caer detrás de Vettel e os dous AlphaTauris. Ao mesmo tempo, Romain Grosjean 16º trompeou sobre a grava na curva tres. Caeu á parte traseira da carreira pero foi capaz de continuar, entrando nos boxes ao final da volta para converterse no primeiro piloto en cambiar pneumáticos.
Media carreira
editarNa 25º volta, Kevin Magnussen no 11º posto fixo un recto na segunda curva logo de sufrir unha avaría nos freos, provocando o primeiro coche de seguridade da carreira.[10] Todos os coches que aínda quedaban entraron nos boxes para o seu primeiro cambios de pneumáticos. A orde dos dez primeiros tras a primeira rolda de paradas era Bottas, Hamilton, Albon, Norris, Pérez, Leclerc, Sainz., Vettel, Gasly e Kvyat. O coche de seguridade retirouse na volta 31. No reinicio, Vettel intentou adiantar polo interior de Carlos Sainz na segunda curva. Os coches entraron en contacto e o Ferrari de Vettel trompeou, deixándoo no 15º lugar. Na volta 33, Pérez superou a Norris para facerse co cuarto lugar.
Os dous pilotos de Mercedes, que marchaban primeiro e segundo, foron avisados polos seus enxeñeiros para evitar pasar sobre as beirarrúas. Parece que as vibracións estaban a danar as caixas de cambios dos coches e temíase que isto provocase un fallo que provocase a retirada inmediata.[11] No posto 15º, Grosjean sufriu unha avaría nos freos na volta 50, pero conseguiu chegar aos boxes para retirarse.[10] Ao mesmo tempo, George Russell 13º perdeu a presión do combustible e quedou tirado na herba no interior da terceira curva, despregando o segundo coche de seguridade da carreira. Oito dos catorce pilotos restantes optaron por entrar en boxes para facer o segundo cambio de pneumáticos, incluído Albon que optou por uns pneumáticos de composto brando, mentres que os coches líderes de Mercedes optaron polos pneumáticos de composto duro. A orde dos dez primeiros quedou Bottas, Hamilton, Pérez, Albon, Norris, Leclerc, Gasly, Ocon, Sainz e Giovinazzi.
O coche de seguridade retirouse na volta 54. Non obstante, case inmediatamente despois do reinicio, a roda dianteira dereita do Alfa Romeo de Kimi Räikkönen desprendeuse do coche e viuse obrigado a parar na recta principal, sacando un terceiro coche de seguridade. Pouco antes do despregamento do vehículo de seguridade, Albon superou a Pérez polo terceiro posto. A carreira retomouse na volta 61. Pouco despois do reinicio, Albon intentou adiantar a Hamilton para o segundo lugar polo exterior da curva tres. Os coches entraron en contacto, provocando que Albon trompease na grava. Puido continuar, pero regresou á pista último, no 13º lugar. Pouco despois, Sainz superou a Esteban Ocon e a Pierre Gasly para facerse co sexto lugar.
Últimas voltas
editarNo quinto posto Charles Leclerc comezou a avanzar cara á fronte, superando a Lando Norris na volta 64 e logo a Pérez na volta 66 para facerse co terceiro posto. Na mesma volta, Hamilton recibiu unha penalización de cinco segundos, sendo xulgado polos comisarios por causar a anterior colisión con Albon. A continuación, Pérez recibiu a mesma pena por acelerar no pit lane. Na volta 68, Albon parpou na curva seis cun fallo eléctrico, seguindo unha tendencia de mala fiabilidade para o equipo Redbull [12][9] e Norris superou a Pérez polo cuarto lugar na segunda curva. Na penúltima volta, Daniil Kvyat 11º sufriu unha picada nunha roda que rompeu a súa suspensión, a novena retirada da carreira. Sainz superou a Pérez polo quinto posto na última volta.
Valtteri Bottas cruzou a liña de meta, despois de liderar todas as voltas da carreira, para lograr a oitava vitoria da súa carreira na Fórmula Un e a súa segunda vitoria no Gran Premio de Austria, logo de gañar a edición de 2017. Hamilton cruzou a liña segundo, pero Leclerc fíxose segundo despois de aplicarselle a sanción a Hamilton. Na última volta, nun último impulso, Norris estableceu a volta rápida da carreira e reduciu a súa brecha con Hamilton a 4,8 segundos, quedando terceiro e logrando o podio por primeira vez na súa carreira, mentres que Hamilton clasificouse cuarto e Sainz quinto. O sexto posto de Pérez non se viu afectado pola súa penalización. Gasly gañou puntos para AlphaTauri co sétimo lugar na primeira carreira do equipo desde o seu cambio de nome, e Ocon terminou oitavo no seu regreso ao deporte despois dun ano fóra. Antonio Giovinazzi e Vettel redondearon os postos de puntos, sendo o debutante Nicholas Latifi o único piloto en rematar a carreira fóra dos puntos no undécimo lugar.[13]
Clasificación da carreira
editarPosicións logo da carreira
editar
|
| ||||||||||||||||||||||||||||||||||||||||||||
- Nota: Só están incluídos os cinco primeiros postos en ambos os grupos de clasificación.
Notas
editar- ↑ O Gran Premio de Australia de 1995 foi o último da tempada 1995 e o Gran Premio de Australia de 1996 foi a primeira carreira da 1996, que marca a última vez que un país albergou dous Grandes Premios consecutivos, aínda que non na mesma tempada.
- Referencias
- ↑ "F1 confirms first 8 races of revised 2020 calendar, starting with Austria double header". formula1.com (en inglés). Formula One. 2 de xuño de 2020. Consultado o 2 de xuño de 2020.
- ↑ https://www.motorsportweek.com/2020/04/08/insight-when-f1s-season-last-opened-in-europe/
- ↑ Bach, Ralf (2020-04-18). "Almost done: F1 season opener with two races in Austria". F1-Insider.com (en inglés). Arquivado dende o orixinal o 19 de maio de 2020. Consultado o 2020-06-02.
- ↑ Haldenby, Nicky (11 de xuño de 2020). "Consecutive Formula 1 races held in the same country". Lights Out. Consultado o 22 de xuño de 2020.
- ↑ Lewis Hamilton recibiu unha sanción de tres postos na grella por non frear coas bandeiras amarelas durante a cualificación.
- ↑ 6,0 6,1 Alexander Albon e Sergio Pérez estableceron tempos idénticos na Q3; Albon clasificouse por diante xa que antes fixaba a volta.
- ↑ "Formula 1 Rolex Grosser Preis von Österreich 2020 – Qualifying". Formula1.com. 4 de xullo de 2020. Consultado o 4 de xullo de 2020.
- ↑ 8,0 8,1 "Formula 1 Rolex Grosser Preis von Österreich 2020 – Starting Grid". Formula1.com. 5 de xullo de 2020. Consultado o 5 de xullo de 2020.
- ↑ 9,0 9,1 Mitchell, Scott (5 de xullo de 2020). "Honda: Electrical issues caused Red Bull retirements". the-race.com. Consultado o 5 de xullo de 2020.
- ↑ 10,0 10,1 "Brake failures which put both cars out not Haas’s biggest problem – Grosjean". racefans.net. 5 de xullo de 2020. Consultado o 5 de xullo de 2020.
- ↑ Smith, Luke (5 de xullo de 2020). "Bottas: Austria GP win not easy as Mercedes feared "instant kill" gearbox issue". autosport.com. Consultado o 5 de xullo de 2020.
- ↑ "Tech Tuesday: The front wing dilemma facing Red Bull after Austria exposed oversteer issue". formula1.com. Consultado o 8 de xullo de 2020.
- ↑ Collantine, Keith (5 de xullo de 2020). "Bottas wins as Hamilton and Albon tangle again". racefans.net. Consultado o 5 de xullo de 2020.
- ↑ Inclúe un punto pola volta rápida.
- ↑ Lewis Hamilton cruzou a liña de meta en segundo lugar, pero recibiu unha penalización de cinco segundos por provocar unha colisión con Alexander Albon.
- ↑ Sergio Pérez recibiu unha penalización de cinco segundos por exceso velocidade no carril de boxes.
- ↑ 17,0 17,1 Daniil Kvyat e Alexander Albon clasificaron xa que completaron máis do 90% da distancia da carreira.
- ↑ "Formula 1 Rolex Grosser Preis von Österreich 2020 – Race Result". Formula1.com. 5 de xullo de 2020. Consultado o 5 de xullo de 2020.
- ↑ "Formula 1 Rolex Grosser Preis von Österreich 2020 – Race Lap Chart" (PDF). Fédération Internationale de l'Automobile. 5 de xullo de 2020. Arquivado dende o orixinal (PDF) o 6 de xullo de 2020.
- ↑ 20,0 20,1 "Austria 2020 – Championship". StatsF1. 5 de xullo de 2020. Consultado o 5 de xullo de 2020.
Véxase tamén
editar| A Galipedia ten un portal sobre: Fórmula 1 |
Wikimedia Commons ten máis contidos multimedia na categoría: Gran Premio de Austria de 2020  |
| Carreira anterior: Gran Premio de Abu Zabi de 2019 |
Campionato Mundial de Fórmula 1 da FIA Temporada 2020 |
Carreira seguinte: Gran Premio de Estiria de 2020 |
| Carreira anterior: Gran Premio de Austria de 2019 |
Gran Premio de Austria | Carreira seguinte: Gran Premio de Austria de 2021 |