Wikipedia

Gran Premio da China de 2009

O Gran Premio da China de 2009 (formalmente o VI Gran Premio da China Petronas) foi unha carreira de Fórmula 1 celebrada o 19 de abril de 2009 no Circuíto Internacional de Shanghai, Shanghai, República Popular da China. Foi a terceira carreira do Campionato Mundial de Fórmula 1 de 2009, trasladando así o Gran Premio da China da fin do campionato (como viña sendo anteriormente) ao comezo nesta temporada.

Modelo:Competición deportivaGran Premio da China de 2009
Imaxe
Nome oficialVI Chinese Grand Prix Editar o valor en Wikidata
TipoGran Premio de China Editar o valor en Wikidata
Deporteautomobilismo Editar o valor en Wikidata
Parte deCampionato Mundial de Fórmula 1 de 2009 Editar o valor en Wikidata
Distancia do evento56 Editar o valor en Wikidata
Localización  e  Datas
LocalizaciónCircuíto Internacional de Xangai (Jiading (pt) Traducir) 31°20′20″N 121°13′11″L / 31.338888888889, 121.21972222222 Editar o valor en Wikidata
Lonxitude5,451 km Editar o valor en Wikidata
PaísRepública Popular da China Editar o valor en Wikidata
Data19 de abril de 2009 Editar o valor en Wikidata
Competición
Primeiro postoSebastian Vettel Editar o valor en Wikidata
Pole positionSebastian Vettel Editar o valor en Wikidata
Volta máis rápidaRubens Barrichello Editar o valor en Wikidata

Sebastian Vettel de Red Bull Racing gañou a carreira despois de empezar desde a pole position. Tanto a vitoria coma a pole position eran as primeiras para o equipo Red Bull[1]. Mark Webber, tamén de Red Bull, acabou segundo seguido polos dous Brawn GP de Jenson Button e Rubens Barrichello. Os coches McLaren de Heikki Kovalainen e Lewis Hamilton remataron quinto e sexto, diante do Toyota de Timo Glock e o Toro Rosso de Sébastien Buemi, que foron sétimo e oitavo.

Ata hoxe, o GP da China nunca foi gañado pola mesma persoa por dúas veces.

Resumo

editar

Vista xeral

editar

Jenson Button de Brawn GP chega cunha vantaxe de 5 puntos no Campionato de pilotos sobre o seu compañeiro de equipo Rubens Barrichello e de 1,5 puntos sobre Jarno Trulli de Toyota. Asemade no Campionato de construtores, Brawn GP adianta en 9,5 puntos a Toyota. Renault e BMW Sauber están 12,5 puntos por debaixo na terceira praza. Só dúas escuderías, Force India e Ferrari, chegan sen ningún punto nos seus marcadores.

Antes da carreira, o Tribunal da Fédération Internationale de l'Automobile (FIA) confirmou a legalidade dos difusores deseñados polos equipos Brawn GP, Williams e Toyota[2]. Despois desta decisión, Renault e McLaren decidiron correr cun deseño de difusores máis actualizado nos seus coches durante o conxunto da carreira[3][4]. Foi un movemento apresurado por parte de ambos os dous equipos, con axustes no Renault de Alonso por primeira vez o sábado antes da carreira[5].

Ferrari anunciou que o seu director de equipo Luca Baldisserri foi apartado das operacións de pista para ser substituído polo enxeñeiro de carreira Chris Dyer[6]. O remodelado foi emprendido despois de que Ferrari non obtivese ningún punto nas dúas primeiras carreiras da temporada[7]. Ferrari tamén anunciou que ambos os seus condutores, Kimi Räikkönen e Felipe Massa, non utilizarían o sistema KERS na carreira, citando problemas de fiabilidade e seguridade[8]. BMW Sauber, por outra parte, declaraba que Robert Kubica utilizaría o KERS por primeira vez durante a sesión de práctica do venres. Kubica non utilizara o sistema nas dúas primeiras carreiras xa que no equipo tiñan preocupacións por que o peso adicional o puxese nunha desvantaxe[9]. Non obstante, Kubica escollía non correr co dispositivo despois desta práctica, ao igual có equipo Renault, reducindo a cantidade de coches equipados co KERS a tres[10].

Ademais, os equipos e condutores italianos indicaron o seu apoio ás vítimas do terremoto de L'Aquila de 2009 a través dunha iniciativa de caridade co lema "Abruzzo nel cuore" (Abruzos no meu corazón) fomentada polos condutores italianos Jarno Trulli e Giancarlo Fisichella.[11][12] Ferrari mostraba o texto "Abruzzo nel cuore" sobre os seus coches, mentres que Trulli tiña o logo na súa funda[13]. E os coches de Toro Rosso tiñan a mensaxe "Vicini All'Abruzzo" (Todos veciños dos Abruzos)[11].

Adestramentos libres e clasificación

editar
"O coche parecía un pouco mellor. Podo sentir máis estabilidade e mellor carga aerodinámica na parte frontal. Definitivamente demos un paso adiante de cara a esta carreira. O coche parece moito máis forte polas esquinas e creo que conseguimos unha liña de base moi positiva para o que resta de fin de semana. Na miña primeira execución das opcións sentíao bastante consistente."
—Lewis Hamilton, sobre o rendemento do seu coche durante as sesións de práctica do venres[14]

Celebráronse tres sesións de práctica antes da carreira; dúas sesións o venres, 17 de abril de 2009, cada unha de 90 minutos, e outra de 60 o sábado, 18 de abril de 2009. O McLaren do Campión do Mundo Lewis Hamilton foi o máis rápido ao final da primeira sesión de práctica a mañá do venres, quedando por diante dos coches de Brawn GP de Jenson Button e Rubens Barrichello. O compañeiro de equipo de McLaren de Hamilton, Heikki Kovalainen, era o cuarto máis rápido[15]. Hamilton, cuxo McLaren MP4-24 estaba en posesión dun difusor provisional e un alerón frontal novo, rexistrou a súa volta máis rápida cun tempo de 1:37.334, ao redor dunha décima de segundo por riba de Button[16]. O Red Bull de Mark Webber foi quinto na sesión, con Trulli e Timo Glock de Toyota sexto e oitavo. Fernando Alonso, Nico Rosberg e Sébastien Bourdais compleban a táboa dos dez mellores tempos[17]. Button foi o máis rápido na segunda práctica do venres, seguido de Rosberg e Barrichello. Os pilotos de Red Bull Webber e Sebastian Vettel, quen foron os que encabezaron as follas de tempos durante as fases iniciais da sesión, clasificaban ao final cuarto e quinto respectivamente[18]. Os coches de Toyota de novo obtiveron resultados competitivos, con Trulli e Glock na sexta e oitava posicións e co Williams de Kazuki Nakajima entre eles. Os dous McLaren non puideron repetir os resultados da sesión matinal: Kovalainen acabou noveno e Hamilton, décimo terceiro[17].

O Williams de Rosberg foi o máis rápido na sesión de práctica da mañá do sábado. Rosberg, que esvaraba e saía fóra da pista á grava ao comezo da sesión, cronometrou un tempo de 1:36.133, seguido por Trulli e Hamilton[19]. Button acabou cuarto, seguido do Renault de Nelson Piquet, Jr., que rexistrou a quinta volta máis rápida da sesión. Por outra banda, o compañeiro de equipo de Piquet, Fernando Alonso, cuxo Renault R29 estreaba un difusor novo e corría sen o sistema KERS, podería soamente obter un tempo bo abondo para acadar a 19ª praza[20]. O BMW Sauber de Robert Kubica, quen tamén retiraba o seu KERS para esta sesión, melloraba significativamente os seus resultados da sesión anterior[17]. Ademais, o Toyota TF109 de Timo Glock sufriu problemas na caixa de cambios moi cedo na sesión e tiña que a cambiar para a seguinte sesión, a de clasificación. Deste xeito, Glock recibía unha sanción consistente na perda de cinco lugares na grella por este cambio[21].

 
Fernando Alonso quedaba en segundo lugar, demostrando que o seu Renault mellorara.
"...se soamente tes unha volta e cometes calquera erro, se vas cargado ou o que sexa, non hai segunda posibilidade e significa que é a fin. Non era fácil pero estou moi, moi feliz. Incriblemente conseguimos a pole position ao final."
—Sebastian Vettel, na conferencia de prensa tras a sesión[22]

A sesión de clasificación da tarde do sábado foi dividida en tres partes. Sebastian Vettel logrou a súa segunda pole position da súa carreira deportiva e a primeira do seu equipo, Red Bull Racing[23]. Vettel, quen só correu unha volta lanzada en cada unha das dúas primeiras partes da sesión debido a problemas cos palieres do seu coche, desprazaba a Fernando Alonso por dous décimas de segundo nos últimos momentos da terceira parte[24]. O outro piloto de Red Bull, Mark Webber, acabou en terceiro lugar, inmediatamente diante dos coches Brawn GP de Barrichello e Button. Kimi Räikkönen, despois dunha actuación decepcionante durante práctica, asegurou a oitava posición detrás dun Trulli sexto e dun Rosberg en sétimo lugar. Hamilton e o Toro Rosso de Sébastien Buemi completaron as dez primeiras posicións da grella[25]. Nick Heidfeld, Heikki Kovalainen, Felipe Massa, Timo Glock e Kazuki Nakajima fixeron tempos para saír desde o undécimo ata o décimo quinto posto na grella. Os pilotos eliminados na primeira sesión e que clasificaron desde a décimo sexta á vixésima praza foron Sébastien Bourdais, Nelson Piquet, Robert Kubica, Adrian Sutil e Giancarlo Fisichella[25]. Debido á sanción de cinco lugares, Glock foi atrasado ata o décimo noveno lugar e Nakajima, Bourdais, Piquet, Kubica e Sutil avanzaron unha posición na grella de saída[26].

Carreira

editar
 
Sebastian Vettel obtivo a primeira vitoria do equipo Red Bull Racing na Fórmula 1.
 
Mark Webber completou unha carreira perfecta ao mando do seu Red Bull, finalizando segundo.
 
Jenson Button mantivo o seu liderado no campionato acabando terceiro.

Robert Kubica e Timo Glock empezaron desde o pit lane. Debido á forte chuvia, as primeiras oito voltas da carreira foron dirixidas polo coche de seguridade. Sutil, Rosberg e Alonso facían a súa primeira parada durante o tempo no que estivo o coche de seguridade en pista, así que quedaron ao final da fileira de monoprazas cando se deu bandeira verde. Lewis Hamilton conseguiu un rápido progreso e adiantou a Jarno Trulli e Kimi Räikkönen, antes de que na volta 12 un trompo o volvese atrasar ata a décima posición. Mentres tanto, Jenson Button adiantou a Rubens Barrichello e colocouse terceiro despois de que o brasileiro se fose longo na trazada.

Trulli e Räikkönen foron bastante lentos nas primeiras voltas e foron perdendo posicións. Hamilton volveu progresar unha vez máis e acadaba o posto sete na volta 11, antes de cometer outro erro que o deixaba nun lugar máis atrás. Webber fixo a súa primeira parada programada na volta 14 e Vettel na seguinte. Neste punto, Button desfíxose de Barrichello, Vettel, Buemi, Massa e Webber.

Na volta 17, Robert Kubica chocou contra Jarno Trulli tras ir emparellados ata o final da última curva. Kubica danou o seu aleron dianteiro e Trulli o seu traseiro, o que lle fixo arrastrarse lentamente unha volta ata o pit para retirarse. O coche de seguridade saíu de novo debido a algúns anacos de restos dos coches deixados na pista. Mentres evitaba ao lento Trulli, Vettel sufriu unha colisión menor con Buemi, danando a súa parte dianteira. Buemi fixo entón a súa parada, xunto con Sutil e cos dous pilotos de Brawn GP.

Felipe Massa sufriu un problema eléctrico co coche de seguridade en pista, que o obrigou a deterse na recta posterior. Na reanudación, Sébastien Bourdais trompeou antes da bandeira verde e baixou moitos lugares. A carreira continuou con Vettel na cabeza, por diante de Button, Webber, Räikkönen, Hamilton, Barrichello, Kovalainen e Buemi (conformando as oito primeiras posicións).

Piquet chocou na volta 28 e danou a parte frontal, aínda que foi quen de continuar. Na volta seguinte, Button non conseguiu frear a tempo, permitindo a Webber o adiantamento. Webber saiuse do asfalto dúas voltas máis tarde e Button recuperou o posto que perdera, ata que Webber o pasou pola zona exterior na curva 7.

Hamilton fixo a súa única parada programada na volta 33, e o seu compañeiro de equipo Kovalainen facía o mesmo unha volta máis tarde. Vettel parou na volta 37 e Webber na 39, mentres que os dous coches de Brawn continuaron ata a 42 (Button) e a 43 (Barrichello). Buemi foi o último condutor en facer a parada, na volta 45, tras a cal a orde de carreira era: Vettel, Webber, Button, Barrichello, Hamilton, Kovalainen, Sutil e Heidfeld. Nico Rosberg probara pneumáticos intermedios na súa segunda parada pero deu un trompo e volveu ao pit para pór outra vez os de mollado.

 
Rubens Barrichello fixo a volta rápida aínda que só acadou a cuarta praza.

Hamilton seguiu con moitos erros, de xeito que Kovalainen e Sutil foron capaces de pasalo. Entón na volta 51, Sutil chocou fortemente antes da curva 5, rematando aí a súa carreira. Heidfeld tivo que evitar o pneumático de Sutil que rodara pola pista e Glock e Buemi adiantárono.

Vettel permaneceu na cabeza ata a fin, logrando a súa segunda vitoria nun Gran Premio e a primeira para o equipo Red Bull Racing. O seu compañeiro de equipo Webber logrou o seu mellor resultado nunha carreira en segundo lugar, mentres que Button, conformando o resto do podio, conseguía o seu terceiro podio consecutivo. Barrichello acababa cuarto, quinto Kovalainen, sexto Hamilton, sétimo Glock e oitavo Buemi.

No podio, houbo unha confusión cando "God Save the Queen", a himno nacional británico soou en honor a Red Bull no canto de "Land der Berge, Land am Strome", o himno nacional austríaco. Red Bull Racing ten a súa base no Reino Unido, pero está rexistrada coa autoridade de carreira nacional austríaca, reflectindo a súa propiedade austríaca.

Clasificación

editar
Os monoprazas que empregaron o sistema KERS están marcados cun "‡".

Cualificación

editar
Pos Nº Nome Construtor Parte 1 Parte 2 Parte 3 Grella
1 15   Sebastian Vettel Red Bull-Renault 1:36.565 1:35.130 1:36.184 1
2 7   Fernando Alonso Renault 1:36.443 1:35.803 1:36.381 2
3 14   Mark Webber Red Bull-Renault 1:35.751 1:35.173 1:36.466 3
4 23   Rubens Barrichello Brawn-Mercedes 1:35.701 1:35.503 1:36.493 4
5 22   Jenson Button Brawn-Mercedes 1:35.533 1:35.556 1:36.532 5
6 9   Jarno Trulli Toyota 1:36.308 1:35.645 1:36.835 6
7 16   Nico Rosberg Williams-Toyota 1:35.941 1:35.809 1:37.397 7
8 4   Kimi Räikkönen Ferrari 1:36.137 1:35.856 1:38.089 8
9 1‡   Lewis Hamilton McLaren-Mercedes 1:35.776 1:35.740 1:38.595 9
10 12   Sébastien Buemi Toro Rosso-Ferrari 1:36.284 1:35.965 1:39.321 10
11 6‡   Nick Heidfeld BMW Sauber 1:36.525 1:35.975 11
12 2‡   Heikki Kovalainen McLaren-Mercedes 1:36.646 1:36.032 12
13 3   Felipe Massa Ferrari 1:36.178 1:36.033 13
14 10   Timo Glock Toyota 1:36.364 1:36.066 191
15 17   Kazuki Nakajima Williams-Toyota 1:36.673 1:36.193 14
16 11   Sébastien Bourdais Toro Rosso-Ferrari 1:36.906 15
17 8   Nelson Piquet, Jr. Renault 1:36.908 16
18 5   Robert Kubica BMW Sauber 1:36.966 17
19 20   Adrian Sutil Force India-Mercedes 1:37.669 18
20 21   Giancarlo Fisichella Force India-Mercedes 1:37.672 20
  • Nota 1. Timo Glock recibiu unha penalización de 5 prazas por mudar a súa caixa de cambios durante a práctica do sábado[27].

Carreira

editar
Pos Nº Condutor Construtor Voltas Tempo/Retirada Grella Puntos
1 15   Sebastian Vettel Red Bull-Renault 56 1:57:43.485 1 10
2 14   Mark Webber Red Bull-Renault 56 10.970 3 8
3 22   Jenson Button Brawn-Mercedes 56 44.975 5 6
4 23   Rubens Barrichello Brawn-Mercedes 56 1:03.704 4 5
5 2‡   Heikki Kovalainen McLaren-Mercedes 56 1:05.102 12 4
6 1‡   Lewis Hamilton McLaren-Mercedes 56 1:11.866 9 3
7 10   Timo Glock Toyota 56 1:14.476 19 2
8 12   Sébastien Buemi Toro Rosso-Ferrari 56 1:16.439 10 1
9 7   Fernando Alonso Renault 56 1:24.309 2
10 4   Kimi Räikkönen Ferrari 56 1:31.750 8
11 11   Sébastien Bourdais Toro Rosso-Ferrari 56 1:34.156 15
12 6‡   Nick Heidfeld BMW Sauber 56 1:35.834 11
13 5   Robert Kubica BMW Sauber 56 1:46.853 17
14 21   Giancarlo Fisichella Force India-Mercedes 55 1 volta 20
15 16   Nico Rosberg Williams-Toyota 55 1 volta 7
16 8   Nelson Piquet, Jr. Renault 54 2 voltas 16
17 20   Adrian Sutil Force India-Mercedes 50 Accidente 18
Ret 17   Kazuki Nakajima Williams-Toyota 43 Transmisión 14
Ret 3   Felipe Massa Ferrari 20 Fallo eléctrico 13
Ret 9   Jarno Trulli Toyota 18 Colisión 6

Campionato tras a carreira

editar
  • Nota: só se inclúen as cinco primeiras posicións en ambas as clasificacións.

Notas

editar
  1. ↑ "Vettel seals first Red Bull win". BBC Sport. 2009-04-19. Consultado o 2009-04-20. 
  2. ↑ "Jenson Button and Brawn GP claim victory in diffuser row". Times Online (Times Newspapers Ltd). 2009-04-15. Arquivado dende o orixinal o 08 de maio de 2009. Consultado o 2009-04-16. 
  3. ↑ "Renault set to join Brawn after failing to beat them". Guardian.co.uk (Guardian Newpapers and Media Ltd). 2009-04-15. Consultado o 2009-04-16. 
  4. ↑ Holt, Sarah (2009-04-16). "Renault & McLaren change diffuser". BBC Sport (BBC). Consultado o 2009-04-16. 
  5. ↑ Noble, Jonathan (2009-04-18). "Renault fits interim diffuser for Alonso". autosport.com. Consultado o 2009-04-18. 
  6. ↑ "Motor racing-Struggling Ferrari alter pit personnel". Reuters UK (Thomson Reuters). 2009-04-13. Arquivado dende o orixinal o 23 de xaneiro de 2020. Consultado o 2009-04-16. 
  7. ↑ Noble, Jonathan (2009-04-13). "Baldisserri gets factory role in reshuffle". Autosport.com (Haymarket Publications). Consultado o 2009-04-16. 
  8. ↑ "Ferrari abandon Kers for China GP". BBC Sport (BBC). 2009-04-16. Consultado o 2009-04-16. 
  9. ↑ "Teams differ on KERS use". Sky Sports. 2009-04-16. Consultado o 2009-04-16. 
  10. ↑ Noble, Jonathan (2009-04-18). "More teams ditch KERS for China". autosport.com. Consultado o 2009-04-18. 
  11. ↑ 11,0 11,1 "Bourdais returns STR to top ten in Shanghai". Crash.net. 2009-04-17. Arquivado dende o orixinal o 20 de abril de 2009. Consultado o 2009-04-18. 
  12. ↑ "F1 drivers unite for Italy quake relief". Reuters UK (Thomas Reuters). 2009-04-18. Arquivado dende o orixinal o 20 de abril de 2009. Consultado o 2009-04-19. 
  13. ↑ "Ferrari Formula One team puts it in perspective". F1SA. 2009-04-18. Arquivado dende o orixinal o 27 de marzo de 2012. Consultado o 2009-04-18. 
  14. ↑ "Friday practice - selected team and driver quotes". Formula1.com (Formula One Administration Ltd). 2009-04-17. Arquivado dende o orixinal o 19/04/2009. Consultado o 2009-04-19. 
  15. ↑ "Hamilton sets early pace". Sky Sports (BSkyB). 2009-04-17. Consultado o 2009-04-19. 
  16. ↑ Strang, Simon (2009-04-17). "Hamilton sets the early pace in China". Autosport.com (Haymarket Publications). Consultado o 2009-04-19. 
  17. ↑ 17,0 17,1 17,2 "Chinese grand prix practice results". BBC Sport (BBC). Consultado o 2009-04-19. 
  18. ↑ Strang, Simon (2009-04-17). "Button edges Rosberg in second practice". Autosport.com (Haymarket Publications). Consultado o 2009-04-19. 
  19. ↑ "Rosberg exits gravel to set quickest time in China". Reuters UK (Thomas Reuters). 2009-04-18. Arquivado dende o orixinal o 23 de xaneiro de 2020. Consultado o 2009-04-19. 
  20. ↑ "Final practice - Rosberg makes amends for Williams". Formula1.com (Fomula One Administration Ltd.). 2009-04-18. Arquivado dende o orixinal o 21/04/2009. Consultado o 2009-04-19. 
  21. ↑ "Glock to suffer grid penalty". Crash.net. Crash Media Group. 2009-04-18. Arquivado dende o orixinal o 26 de abril de 2009. Consultado o 2009-04-20. 
  22. ↑ "FIA post-qualifying press conference - China". Formula1.com (Fomula One Administration Ltd.). 2009-04-18. Arquivado dende o orixinal o 19/04/2009. Consultado o 2009-04-20. 
  23. ↑ Mulvenney, Nick (2009-04-18). "Vettel on pole for Chinese Grand Prix". Reuters UK (Thomas Reuters). Arquivado dende o orixinal o 23 de xaneiro de 2020. Consultado o 2009-04-19. 
  24. ↑ Beer, Matt (2009-04-18). "Vettel gives Red Bull first F1 pole". Autosport.com (Haymarket Publications). Consultado o 2009-04-19. 
  25. ↑ 25,0 25,1 "Chinese Grand Prix qualifying results". BBC Sport (BBC). Consultado o 2009-04-20. 
  26. ↑ "Chinese Grand Prix starting grid". BBC Sport (BBC). Consultado o 2009-04-20. 
  27. ↑ "5-place grid penalty for Glock". gpupdate.net. 18-04-2009. Consultado o 18-04-2009. 

Véxase tamén

editar

Ligazóns externas

editar


Carreira anterior:
Gran Premio de Malaisia de 2009 		Campionato Mundial de Fórmula 1 da FIA
Temporada 2009 		Carreira seguinte:
Gran Premio de Bahrain de 2009
Carreira anterior:
Gran Premio da China de 2008 		Gran Premio da China Carreira seguinte:
Gran Premio da China de 2010
Traído desde «https://gl.wikipedia.org/w/index.php?title=Gran_Premio_da_China_de_2009&oldid=6910363»