Glauberita

A glauberita é un mineral do grupo dos sulfatos, de fórmula química Na₂Ca(SO₄)₂. A súa denominación débese ao seu contido de sulfato sódico (Na₂SO₄), antigamente coñecido como «Sal de Glauber», recibindo este nome polo alquimista alemán Johann Rudolf Glauber (1604-1668).

Glauberita
Fórmula química	Na2Ca(SO4)2
Clase	Sulfato
Sistema cristalino	Monoclínico
Cor	Incolora, gris, gris esbrancuxada, amarelo, amarelo esbrancuxada
Brillo	Vítreo
Dureza	2,5 - 3 (escala de Mohs)
Fractura	Irregular, factura concoide
Exfoliación	Perfecta
Raia	Branca
Densidade	2,77 g/cm3

Propiedades

A glauberita é un mineral incoloro ou de cor clara, que cristaliza no sistema monoclínico. Mostra fractura irregular ou concoide. Ten un sabor lixeiramente salino.

Formación

É un compoñente común de depósitos de evaporita continentais e marítimos. Tamén se encontra como sublimados arredor de fumarolas así como en cavidades de lava basáltica recheas de mineral. Tamén pode formar parte de depósitos de nitrato en climas áridos.

En evaporitas aparece asociada con halita, polihalita, anhidrita e thenardita. Tamén se asocia con este último mineral en fumarolas e depósitos de nitratos.

Depósitos

O depósito tipo deste mineral encóntrase en Villarrubia de Santiago (provincia de Toledo). Tamén en España hai depósitos de glauberita en Chinchón e Ciempozuelos (Madrid), en Agoncillo e Alcanadre (A Rioxa), e en Remolinos (Zaragoza).

En América hai depósitos en Sierra Gorda e Iquique (Chile), así como na provincia de Loayza (Bolivia).

Véxase tamén

Outros artigos

• Lista de minerais

Ligazóns externas

• Glauberite (Mindat.org)
• Glauberite Mineral Data (Webmineral)
• Glauberite (Handbook of Mineralogy) Arquivado 14 de decembro de 2010 en Wayback Machine.