Francesc Macià

Francesc Macià i Llussà, nado en Vilanova i la Geltrú o 21 de outubro de 1859 e finado en Barcelona o 25 de decembro de 1933, foi un político e militar catalán de ideoloxía republicana e independentista catalá. Foi tenente coronel do exército de terra, 122º Presidente da Generalitat de Cataluña (sucedido por Lluís Companys i Jover) e un dos fundadores dos partidos Estat Català e Esquerra Republicana de Catalunya.

Francesc Macià

Biografía
Nacemento	(ca) Francesc Macià i Llussà 21 de setembro de 1859 Vilanova i la Geltrú, España
Morte	25 de decembro de 1933 (74 anos) Barcelona, España
Causa da morte	Apendicite
Lugar de sepultura	Camposanto de Montjuïc, plaça de la Fe 41°21′21″N 2°09′17″L
Deputado nas Cortes republicanas
19 de novembro de 1933 – 25 de decembro de 1933 Lexislatura: II lexislatura da Segunda República Española Circunscrición electoral: Barcelona (capital) (en)
122º Presidente da Generalitat de Cataluña
14 de decembro de 1932 – 25 de decembro de 1933 ← Josep de Vilamala (en) – Lluís Companys →
Deputado do Parlamento de Cataluña
1932 – 1933
Deputado nas Cortes republicanas
13 de xullo de 1931 – 9 de outubro de 1933 Lexislatura: I lexislatura da Segunda República Española Circunscrición electoral: Lérida (en)
Deputado nas Cortes republicanas
9 de xullo de 1931 – 31 de agosto de 1931 – Pedro Rahola (en)  → Lexislatura: I lexislatura da Segunda República Española Circunscrición electoral: Barcelona (capital) (en)
1º Presidente de Esquerra Republicana de Catalunya
22 de febreiro de 1931 – 25 de decembro de 1933 ← sen valor – Lluís Companys →
Deputado das Cortes
30 de marzo de 1907 – 15 de setembro de 1923 ← Luis Armiñán Pérez Circunscrición electoral: Q65210009
Actividade
Lugar de traballo	Madrid Barcelona
Ocupación	político, militar
Partido político	Estat Català Esquerra Republicana de Catalunya
Carreira militar
Rama militar	Forzas Armadas de España
Rango militar	tenente coronel
Familia
Cónxuxe	Eugènia Lamarca i de Mier
Fillos	Josefina Macià i Lamarca, Q113551823
Sinatura
Descrito pola fonte	Svensk uppslagsbok

Traxectoria

Aos quince anos ingresou na Academia de Enxeñeiros Militares de Guadalaxara. Aos seis meses termina formación e pasa destinado como tenente a Madrid na sección de telegrafía. Foi destinado a Sevilla co grao de Capitán (1882) e despois a Lleida, onde chegaría a Tenente Coronel. Casou con Eugenia Lamarca filla de terratenentes leridanos.

Con todo tivo que saír da institución militar logo de condenar o ataque dalgúns oficiais do exército ao semanario La Veu de Catalunya en 1905. Daquela, algúns oficiais asaltaron a imprenta na que se elaboraba o semanario que publicara unha caricatura da revista Cu-Cut que consideraron vexatoria para os oficiais destinados en Cataluña. No canto de tomarse medidas contra os militares déuselles a razón e os autores da caricatura foron xulgados por un Tribunal Militar.

Monumento a Macià en Barcelona

Logo dunha fracasada viaxe a Moscova para pedir axuda ás autoridades comunistas decidiu contar exclusivamente coas súas forzas e organizar directamente unha incursión armada en Cataluña.

En 1922 fundou o partido separatista Estat Català (Estado Catalán), en 1931 o partido fusiónase con Esquerra Republicana de Catalunya gozando de autonomía interna. En 1926 con Estat Català intentou unha acción armada contra a ditadura de Primo de Rivera, desde Prats-de-Mollo-la-Preste (o denominado «complot de Prats de Molló»), en Francia. Este intento foi abortado pola Gendarmería francesa, pero lle fará gañar moita popularidade en Cataluña. Abortado o complot, Macià foi detido e desterrado a Bélxica. Tras residir uns cantos meses en Bruxelas, entrou clandestinamente na Arxentina, onde residiu máis de medio ano. Fundou na Habana o Partido Separatista Revolucionario de Cataluña, do cal foi presidente e no que estudou por primeira vez a posibilidade de constituír unha República Catalá (setembro-outubro de 1928).

Caída a ditadura do xeneral Primo de Rivera (xaneiro de 1930), Macià regresa a Cataluña finalmente o 22 de febreiro de 1931.

En 1931, logo dunhas eleccións que deron a maioría ao seu novo partido, Esquerra Republicana de Catalunya, Macià proclamou a República Catalá desde o Palacio da Generalitat de Cataluña. Máis adiante, cando o proxecto de constituír España como un estado federal non saia adiante, verase obrigado a aceptar un Estatuto de Autonomía para Cataluña. Foi presidente da Generalitat ata a súa morte, acaecida en 1933. Foi substituído á fronte da Generalitat de Cataluña por Lluís Companys.

Véxase tamén

Ligazóns externas

• Texto da proclamación da República Catalá de 1931
• Vídeo de Francesc Macià
• Vídeo de Inauguración do Parlament de Catalunya de Macià

Generalitat de Cataluña
Segue a: Josep de Vilamala	Francesc Macià (1932-1933)	Precede a: Lluís Companys
	President