Eurico

Eurico, nado cara a 420 e finado no 484, foi rei dos visigodos.

Eurico

Nome orixinal	(la) Euricus, Evaricus, Erwig
Biografía
Nacemento	(got) Aiwareiks 420
Morte	28 de decembro de 484 (63/64 anos) Arles, Francia
Rei dos visigodos
466 (Gregoriano) – 484 (Gregoriano) ← Teodorico II, rei visigodo – Alarico II →
Actividade
Ocupación	monarca
Outro
Título	Rei dos visigodos
Familia	Baltingos
Cónxuxe	Ragnahilda
Fillos	Alarico II
Pai	Teodorico I, rei visigodo
Irmáns	Teodorico II, rei visigodo Turismundo Ricímero Frederico Himnerido muller de Requiario
Cronoloxía
472	Toma de Caesaraugusta polo exército visigodo
Descrito pola fonte	Paulys Realenzyklopädie der klassischen Altertumswissenschaft Allgemeine Deutsche Biographie Meyers Konversations-Lexikon, 4ª edición (1885–1890)

A imaxe que se ve aquí deste rei forma parte dunha serie de estatuas dedicadas a todos os monarcas de España, mandadas facer para a decoración do Palacio Real de Madrid no reinado de Fernando VI. Nun principio a idea era que adornasen a cornixa do palacio. Os autores son Olivieri e Felipe de Castro. Parece ser que nunca chegaron ao seu destino e colocáronse en distintos lugares da cidade (praza de Oriente, O Retiro, porta de Toledo) e algunhas se levaron a outras provincias.

Traxectoria

Accedeu ao trono logo de asasinar o seu irmán Teodorico II no ano 466. Era fillo de Teodorico I e sucedeuno o seu fillo Alarico II. Casou con Ragnaxilda, unha suposta filla de Meroveo, rei dos francos. O reinado de Eurico coincidiu coa disolución do Imperio Romano de Occidente, ao ser destronado o último emperador Rómulo Augústulo en 476. Os visigodos asinaran un foedus con Roma no 418, en virtude do cal convertéronse en federados do Imperio e permitir asentarse no sur das Galias. Este rei independizou o reino visigodo e aboliu a dependencia anterior.

Apoderouse de diversos territorios das Galias e Hispania. Guerreou nas Galias contra os francos e saxóns. Foi o seu reino nese momento o máis poderoso e influente de Europa. A súa corte residía en Tolosa, aínda que nominalmente en Arles. Pero foi sobre todo Tolosa a cidade que tivo a categoría do que agora consideramos como capital do reino. A historiografía española menciónao como Reino de Tolosa e abarcaba unha grande extensión da Península Ibérica (salvo a rexión de Galiza, controlada polos Suevos), e gran parte da Galia ao oeste do Rhin e ao sur do Loira.

Foi un rei que demostrou un gran talento político. Publicou unha corpo legal de dereito visigodo, o Codex Euricianus ou Código de Eurico. Tamén foi un fanático ariano.

Véxase tamén

Outros artigos

• Reino visigodo
• Lista dos reis visigodos
• Moeda visigoda

Predecesor: Teodorico II

Rei dos visigodos  466-484

Sucesor: Alarico II