Ray Lankester

Edwin Ray Lankester, nado o 15 de maio de 1847 e finado o 13 de agosto de 1929, foi un naturalista, zoólogo, e algólogo británico.

Ray Lankester

(1908)
Nome orixinal	(en) Edwin Ray Lankester
Biografía
Nacemento	15 de maio de 1847 Westminster, Reino Unido
Morte	13 de agosto de 1929 (82 anos) Chelsea, Reino Unido
Lugar de sepultura	Golders Green Crematorium (en)
Professor Linacre de Zoologia (pt)
1891 – 1898 ← Henry Nottidge Moseley – Walter Frank Raphael Weldon (pt)  →
Datos persoais
Educación	Christ Church College Downing College (pt) St Paul's School (pt)
Actividade
Campo de traballo	Zooloxía
Ocupación	botánico, ilustrador científico, biólogo, profesor universitario, xornalista, zoólogo, escritor
Empregador	University College de Londres
Membro de	Accademia delle Scienze di Torino (1905–) Academia Naciona de Ciencias dos Estados Unidos (asociado estranxeiro da Academia Nacional de Ciencias) (1903, 1903–) Academia das Artes e das Ciencias dos Estados Unidos Accademia Nazionale delle Scienze detta dei XL Royal Physiographic Society in Lund (en) Academia das Ciencias de San Petersburgo Academia de Ciencias da URSS Academia de Ciencias de Gotinga Royal Society
Alumnos	Robert Francis Scharff e Edwin Stephen Goodrich (pt)
Influencias	Thomas Henry Huxley
Obra
Abreviación dun autor en botánica	Lank.
Familia
Pais	Edwin Lankester   e Phoebe Lankester
Premios
(1920)  Medalla linneana (1913)  Medalla Copley (1908)  Medalha Darwin-Wallace (pt) (1885)  Medalla Real  Knight Commander of the Order of the Bath (en)  membro da Royal Society
Descrito pola fonte	Biblioteca dixital BEIC Alumni Oxonienses: the Members of the University of Oxford, 1715–1886 (en) Proceedings of the American Academy of Arts and Sciences (en)

Traxectoria

Lankester foi catedrático de Zooloxía no University College de Londres entre 1874 e 1890, catedrático de anatomía comparada na Universidade de Oxford entre 1891 e 1898, e director do Museo de Historia Natural entre 1898 e 1907. En 1884 fundou a Asociación de Bioloxía mariña en Plymouth. Lankester exerceu unha grande influencia como profesor e escritor de teorías biolóxicas, anatomía comparada e evolución. En 1913 foi galardoado coa medalla Copley.

Obra

Do mesmo xeito que Francis Balfour, Lankester pertence á xeración de naturalistas que se formou despois da publicación de A orixe das especies, en cuxa aceptación xogaron un papel fundamental as teorías de Ernst Haeckel. Na súa tentativa de integrar os datos da anatomía e a embrioloxía no marco evolucionista, postulou a súa “teoría da plánula” (capas xerminais), moi similar á da Gastraea de Haeckel.

Segundo Lankester, existían tres clases animais: Homoblastica (Protozoa), Diploblastica (Coelenterata) e Triploblastica (caracterizada por unha terceira capa -o mesodermo- e unha cavidade interna a este). Así, a partir da teoría das capas germinales, Lankester demostraba a monofilia de todos os tripoblásticos.

Na fila de atrás, de esquerda a dereita, F. O. Barlow, G. Elliot Smith, Charles Dawson, Arthur Smith Woodward. Na de en fronte: A. S. Underwood, Arthur Keith, W. P. Pycraft e Sir Ray Lankester.

Na cultura popular

Lankester era un home grande, cunha gran presenza, de cálidas simpatías humanas e na súa infancia un gran admirador de Abraham Lincoln. As súas intervencións, respostas e defensas foron moitas veces coloridas e contundentes

Lankester aparece, pouco disfrazado, en varias novelas. É o modelo de Sir Roderick Dover na novela H. G. Wells' Matrimonio (Wells fora un dos seus estudantes), e en Europa de Robert Briffault, que contén un brillante retrato de Lankester, incluíndo a súa amizade con Karl Marx. (Lankester foi unha das oito persoas no funeral de Marx). Tamén ten sido suxerido como modelo para o Profesor Challenger en The Lost World de Arthur Conan Doyle, pero o propio Doyle dixo que Challenger estaba baseado nun profesor de fisioloxía da Universidade de Edimburgo chamado William Rutherford.

Lankester era un personaxe popular e pareceu en caricaturas de revistas como a Vanity Fair.

Caricatura de Ray Lankester en Vanity Fair,

E. Ray Lankester nunca casou. En 1895, foi acusado de conduta desordenada e resistencia ao arresto mentres estaba en compañía dun grupo de prostitutas na rúa, pero foi absolto. (É incorrecto, como se alegaba, que a acusación se refería a delitos homosexuais).

Morreu en Londres o 15 de agosto de 1929.

Pódese ver unha placa conmemorativa finamente decorada no Golders Green Crematorium, Hoop Lane, Londres.

Publicacións

• On the Use of the Term Homology in Modern Zoology, and the Distinction between Homogenetic and Homoplastic Agreements. En: Ann. e Magazine of Natural History, Zoology, Botany, and Geology 4 (6 ) 1870: 34–43
• A Monograph of the Cephalaspidian Fishes (1870)
• Comparative Longevity (1871)
• Developmental History of the Mollusca (1875)
• Degeneration (1880)
• Limulus, han Arachnid (1881)
• Spoilia Maris (1889)
• The Advancement of Sciences (obra colectiva, 1889)
• Zoological Articles 1891)
• A Treatise on Zoology (1900-09) (editor)
• Extinct Animals (1905)
• Nature and Man (1905)
• The Kingdom of Man (1907)
• Monograph of the Okapi (1910)
• Science from han Easy Chair (1910)
• Diversions of A Naturalist (1915)
• Science and Education (1919)
• Secrets of Earth and Sea (1920)
• Great and Small Things (1923)

Honras

Editor

• Quarterly Journal of Microscopical Science (a partir de 1860)
• Treatise on Zoology (1900-1909)
• memorias de Thomas Henry Huxley (1825-1895)

Eponimia

• (Orchidaceae) Stenotyla lankesteriana (Pupulin) Dressler

Abreviaturas

A abreviatura Lankester emprégase para indicar a Ray Lankester como autoridade na descrición e taxonomía en zooloxía.

A abreviatura Lank. emprégase para indicar a R. Lankester como autoridade na descrición e clasificación científica dos vexetais

Véxase tamén

Bibliografía

• «Edwin Ray Lankester». Índice Internacional de Nomes das Plantas (IPNI). Real Xardín Botánico de Kew, Herbario da Universidade Harvard e Herbario Nacional Australiano (eds.). 

• Barnett, Richard (2006). "Education or degeneration: E. Ray Lankester, H. G. Wells and the outline of history" 37 (2) (publicado o xuño de 2006): 203–29. PMID 16769556. doi:10.1016/j.shpsc.2006.03.002. 
• Feuer, Lewis S. (1979). "The friendship of Edwin Ray Lankester and Karl Marx: the last episode in Marx's intellectual evolution" 40 (4): 633–648. JSTOR 2709363. doi:10.2307/2709363. 
• Ghiselin, M T (1996). "Rediscovering the science of the history of life" 18 (1). pp. 123–8. PMID 8992527. 
• Huxley, Julian (1970). Memories. Allen & Unwin. 
• Lester, Joe E. (1995). Ray Lankester: the making of modern British biology (edited, with additions, by Peter J. Bowler). BSHS Monograph #9. 
• Mayr, Ernst (1982). The growth of biological thought. Harvard University Press. 
• Milner, R (1999). "Huxley's bulldog: the battles of E. Ray Lankester (1846-1929)" 257 (3) (publicado o 15 de xuño de 1999): 90–5. PMID 10397781. doi:10.1002/(SICI)1097-0185(19990615)257:3<90::AID-AR5>3.0.CO;2-8. 

Ligazóns externas

• Archive.org Obras dispoñibles en liña