Xesús Pimentel

Xesús Alonso Pimentel, tamén chamado Cuchús Pimentel, nado en Palencia en 1959, é un guitarrista lugués.

Xesús Pimentel

Biografía
Nacemento	1959 (65/66 anos) Palencia, España
Actividade
Ocupación	guitarrista
Familia
Pais	Xesús Alonso Montero   e Emilia Pimentel Iglesias
Irmáns	Emilio Alonso Pimentel

Traxectoria

Naceu en Palencia, onde daba clase o seu pai, o escritor e polígrafo Xesús Alonso Montero, mais axiña foron vivir a Lugo. Pimentel formouse en guitarra clásica primeiro, e en guitarra de jazz despois, se ben destaca fundamentalmente polo seu traballo como guitarrista de flamenco. Nos seus tempos mozos traballou en grupos de rock, como N.H.U. ou Noroeste, así como no conxunto de jazz Baio Ensemble.

Participou no disco La sal de la vida, canda Uxía Senlle, Rasha e María Salgado. Acompañou habitualmente o mozo cantaor lugués El Kiki.

Discografía

• La Sal de la Vida (Nubenegra), 1997, en colaboración con Rasha, María Salgado e Uxía.
• Música de Galicia (Do Fol), 1999
• Pimenteira, Stone Records, 1994, con Marcos Teira

Véxase tamén

Bibliografía

• "Alonso Pimentel, Xesús". Dicionario biográfico de Galicia 3. Ir Indo Edicións. 2010-2011. p. 323. 
• "Cuchús Pimentel". Gran Enciclopedia Galega (DVD). El Progreso. 2005. ISBN 84-87804-88-8. 

Ligazóns externas

• ""Armas de diversión masiva". Entrevista a Cuchus Pimentel. "Sueño de Calíope" nº 35". Facebook. 20 de xaneiro de 2021.