Coímbra

Coímbra
	Coimbra (pt)
Localización
	40°12′40″N 8°25′44″O / 40.2111, -8.4289
Estado	Portugal
Distritos	Distrito de Coimbra
Capital de	Distrito de Coimbra ; Portugal (1129–1255); Reino de Portugal (1129–1255)
Contén a división administrativa	Almalaguês ; Antuzede e Vil de Matos (pt) ; Assafarge e Antanhol (pt) ; Brasfemes (pt) ; Ceira (pt) ; Cernache (pt) ; Coimbra (Sé Nova, Santa Cruz, Almedina e São Bartolomeu) (pt) ; Eiras e São Paulo de Frades (pt) ; Santa Clara e Castelo Viegas (pt) ; Santo António dos Olivais (pt) ; Souselas e Botão (pt) ; São João do Campo (pt) ; São Martinho de Árvore e Lamarosa (pt) ; São Martinho do Bispo e Ribeira de Frades (pt) ; São Silvestre (pt) ; Taveiro, Ameal e Arzila ; Torres do Mondego (pt) ; Trouxemil e Torre de Vilela (pt)
Poboación
Poboación	143.396 (2011) (452,6 hab./km²)
Xeografía
Situado na entidade territorial estatística	Região de Coimbra (pt)
Superficie	316,83 km²
Altitude	43 m
Comparte fronteira con	Cantanhede (pt) ; Vila Nova de Poiares (pt) ; Penacova, Portugal ; Miranda do Corvo ; Montemor-o-Velho ; Condeixa-a-Nova (pt) ; Mealhada
Datos históricos
Precedido por	Emínio (pt)
Día festivo	festa patronal (4 de xullo)
Santo padrón	Sabela de Portugal
Organización política
Membro de	União das Cidades Capitais Luso-Afro-Américo-Asiáticas (2010–)
Identificador descritivo
Código postal	3000
Fuso horario	UTC±00:00; UTC 01:00
Prefixo telefónico	239
Outro
Irmandado con	Macau ; Beira (pt) ; Santos ../... 21
Sitio web	cm-coimbra.pt

Coímbra^[1] (en portugués Coimbra) é unha cidade portuguesa, capital do Distrito de Coímbra, situada na rexión Centro e subrexión do Baixo Mondego, con preto de 106 800 habitantes. A pouco máis de 200 km de Lisboa e a 100 km do Porto, está bañada polo río Mondego. Foi capital nacional da cultura en 2003.

É sede dun municipio con 316,83 km² de área e 148 474 habitantes (2001), subdividido en 31 freguesías. O municipio é limitado a norte polo municipio de Mealhada, a leste por Penacova, Vila Nova de Poiares e Miranda do Corvo, a sur por Condeixa-a-Nova, a oeste por Montemor-o-Velho e a noroeste por Cantanhede.

Historia

Cidade de rúas estreitas, patios, escadiñas e arcos medievais, Coímbra foi berce de seis reis de Portugal e da Dinastía de Borgoña, así como da primeira Universidade portuguesa, unha das máis antigas da Europa.

Os romanos chamaron á cidade, que se erguía no outeiro sobre o río Mondego, Aeminium. Máis tarde, co aumento da súa importancia pasou a ser sede de Diocese, substituíndo a cidade romana de Conímbriga, de onde derivou o seu novo nome. Durante o dominio mouro, Coímbra tórnase nun importante posto comercial entre o norte cristián e o sur árabe, cunha forte comunidade mozárabe. En 1064 a cidade é definitivamente reconquistada por Fernando Magno de León.

Coímbra renace e tórnase a cidade máis importante por baixo do río Douro, capital dun vasto condado gobernado polo mozárabe Sesnando. Co Condado portucalense, o conde D. Henrique e a raíña D. Teresa fan dela a súa residencia, e foi alí onde nace o primeiro rei de Portugal, D. Afonso Henriques, que fai dela a capital do condado, substituíndo Guimarães (ademais esta mudanza da capital para os campos do Mondego virase a revelar vital para facer viábel a independencia do novo país, a todos os niveis: económico, político e social). Capitalidade que Coímbra conservará ata 1255, cando a capital pasa a ser Lisboa.

No século XII, Coímbra presentaba xa unha estrutura urbana, dividida entre a cidade alta, designada por Alta ou Almedina, onde vivían os aristócratas, os cregos e, máis tarde, os estudantes, e a Baixa, do comercio, do artesanado e dos barrios ribeiráns.

Desde mediados do século XVI, a historia da cidade pasa a xirar en torno á historia da Universidade de Coímbra, sendo no século XIX cando a cidade se comeza a se expandir alén do seu casco amurallado, que chega mesmo a desaparecer coa reformas levadas a cabo polo Marqués de Pombal.

A primeira metade do século XIX trae tempos difíciles para Coímbra, coa ocupación da cidade polas tropas de Junot e Masséna, durante a invasión francesa e, posteriormente, a extinción das ordes relixiosas. Porén, na segunda metade do século XIX, a cidade viría a recuperar o esplendor perdido – en 1856 xorde o primeiro telégrafo eléctrico na cidade e a iluminación a gas, en 1864 é inaugurado o ferrocarril e 11 anos despois nace a ponte férrea sobre as augas do río Mondego.

Monumentos

Porta e Torre de Almedina

Como o propio nome indica, era a porta da Medina, entrada principal da cidade (Coímbra) intramuros.

Sita na parte máis baixa da muralla constituía o aceso de maior importancia militar e civil e o que tiña maior movemento. Foi, orixinariamente, unha porta entre dous cubos avanzados que, máis tarde, foron ligados por medio dun arco fundo e levantado o forte torreón. A Torre é probabelmente unha das torres máis defensivas de maior imponencia no perímetro da muralla, debido á vulnerabilidade do lugar.