Cidadela de Pamplona

A Cidadela de Pamplona (en castelán: Ciudadela de Pamplona, en éuscaro: Iruñeko zitadela) ou Castelo Novo (en castelán: Castillo Nuevo, en éuscaro: Gaztelu Berria) é unha fortificación renacentista de antigo uso militar, construída entre os séculos XVI e XVII na cidade de Pamplona, capital da Comunidade Foral de Navarra, que na actualidade se mantén gran parte dela en pé como xardín e con actividades culturais nos seus edificios.

Cidadela de Pamplona

Tipo	cidadela monumento fortificação abaluartada (pt)
Parte de	Camiño de Santiago navarro
Localización
División administrativa	Pamplona, España
42°48′43″N 1°38′57″O
Características
Ben de interese cultural
Data	8 de febreiro de 1973
Identificador	RI-51-0003896
Parte dun sitio do Patrimonio da Humanidade
Data	?
Identificador	180
Historia
Cronoloxía
1571-1645	construción

Filipe II ordenou a súa construción en 1571, dentro dun plan de renovación e fortalecemento xeral das fortificacións da cidade. Pódese dar por concluída en 1645, aínda así reforzouse con "medias lúas" exteriores en 1685 e na primeira metade do século XVIII, que reforzaban o sistema defensivo. En 1964 perdeu o seu carácter militar, converténdose nun parque moi frecuentado e con usos culturais nos antigos edificios castrenses.

Na actualidade localízase no centro da cidade, encontrándose rodeada por todas as partes polo parque coñecido como Vuelta del Castillo, a zona verde máis grande de Pamplona e que permaneceu durante séculos sen construír por motivos de defensa.

Galería de imaxes

• 
  Interior da Cidadela
• 
  Vista dende o parque
• 
  Monólito en homenaxe aos fusilados
• 
  Planta da Cidadela
• 
  Porta do Socorro

Véxase tamén

Ligazóns externas

• Información na páxina de Turismo de Navarra (en castelán)
• Información na páxina de Turismo de Pamplona (en castelán)