Charlotte, Carolina do Norte

Charlotte, Carolina do Norte
	Charlotte (en)
	Bandeira
Alcume	Hornet's Nest
Epónimo	Carlota de Mecklemburgo-Strelitz
Localización
	35°13′37″N 80°50′36″O / 35.2269, -80.8433
Estado	Estados Unidos de América
Estado federado	Carolina do Norte
County of North Carolina (en)	Condado de Mecklenburg (pt)
Capital de	Condado de Mecklenburg (pt)
Poboación
Poboación	874.579 (2020) (1.098,52 hab./km²)
Número de fogares	338.985 (2020)
Lingua oficial	lingua inglesa
Xeografía
Situado na entidade territorial estatística	Charlotte metropolitan area (en) (Poboación:2.660.329)
Superficie	796,141399 km²
Auga	0,6634 % (1 de abril de 2010)
Altitude	229 m
Creación	1768
Organización política
• Mayor of Charlotte, North Carolina (en)	Vi Lyles (pt) (2017–)
Identificador descritivo
Código postal	28201–28237, 28240–28247, 28250, 28253–28256, 28258, 28260–28262, 28265–28266, 28269–28275, 28277–28278, 28280–28290, 28296–28297, 28299, 28201, 28203, 28207, 28208, 28212, 28214, 28216, 28219, 28220, 28223, 28226, 28227, 28232, 28234, 28240, 28243, 28246, 28253, 28260, 28266, 28271, 28272, 28273, 28274, 28277, 28280, 28282, 28284, 28287, 28289 e 28296
Fuso horario	Zona de Tempo Oriental
Outro
Irmandado con	Arequipa ; Wrocław ; Kumasi ; Hadera (pt) ; Limoges ; Manaus ; Krefeld ; Baoding (pt) (1987–); Voronej (pt) (1991–)
Sitio web	charlottenc.gov

Charlotte é a cidade máis grande de Carolina do Norte nos Estados Unidos. Situada no piemonte dos Apalaches, ó leste do val do río Catawba xunto a fronteira con Carolina do Sur. Importante nó de comunicacións, hoxe constitúe o centro fabril, comercial e financeiro dá ampla rexión que a circunda entre Washington, D.C. e Atlanta. Charlotte é coñecida como un centro financeiro, xa que dous dos bancos máis grandes dos Estados Unidos (Wachovia & BankAmerica) teñen a súa sede corporativa na cidade.

Xeografía

De acordo coa Oficina do Censo dos Estados Unidos, a cidade ten unha área de 629 km², dos cales 627,5 km² son terreos sólidos e os restantes 1,6 km², auga (0,25%).

Clima

Está situada na zona de clima húmido subtropical. Ten invernos moderados e veráns quentes e húmidos. Durante o mes de xaneiro, as temperaturas mínimas polas mañás son, de media, 0 °C e as medias máximas son 11 °C. En xullo, as medias oscilan entre 22 e 32 °C. Recibe uns 1.105 mm de choiva ao ano.

Historia

En 1755, na intersección de dous sendeiros comerciais indios ao pé dos Apalaches preto do río Catawba, Thomas Polk construíu a súa casa. A ruta NL-SO era parte ademais da Great Wagon Road, principal comunicación do tempo entre Pensilvania e as Carolinas. Cos anos converteuse na rúa Tryon e a SL-NO na rúa Trade, configurando no cruceiro The Square (Independence Square), o centro da actual cidade. Foi en 1770 cando se deseñou a cuadrícula de desenvolvemento sobor deses eixos da poboación que, dous anos antes en 1768, fora nomeada coma Charlotte (en honor da raíña consorte de Xurxo III) ^[1]^[2]. Ese cruzamento das dúas rúas configuraba catro cuadrantes, catro distritos ou wards, que ata hoxe articulan o uptown da cidade ^[3].

Permaneceu dentro dos límites da cuadrícula inicial coma pequena vila, centro dunha área eminentemente rural, ata mediados do século XIX. E mesmo despois da Guerra Civil, cun gran crecemento coma centro ferroviario e de procesamento do algodón, soamente acadaba os 7.000h en 1880 e 18.000h en 1900 ^[4]^[5].

O crecemento continuou de maneira lenta e progresiva durante a primeira metade do século XX ^[6], pero o verdadeiro salto de Charlotte para se converteres na metrópole da rexión entre Washington e Atlanta (Carolina), veu da man da súa conversión en centro bancario a nivel nacional nos anos setenta e oitenta ^[7].

Área metropolitana

A poboación de Charlotte é de 863.359 habitantes, de acordo cun estimado do censo estadounidense do 2004. A zona metropolitana de Charlotte-Gastonia-Salisbury está composta dos condados de Mecklenburg, Gaston, Lincoln, Cabarrus, Union, Iredell, Cleveland, Anson, Rowan e Stanly en Carolina do Norte. Cruza a fronteira estatal chegando a Carolina do Sur cos condados de York, Lancaster e Chester. A poboación da área metropolitana é de 1 897 034 habitantes (2004).

Demografía

En 2004, vivían en Charlotte 614.330 persoas, e 801.137 no conxunto do condado (Mecklenburg). A densidade de poboación de Charlotte é de 861,9 hab/km². A poboación na súa zona metropolitana segundo o censo do 2000 era de 1,5 millóns de habitantes. Segundo estudos, a poboación do condado de Mecklenburg para o 2010 alcanzará a cifra de 1 millón de habitantes.

Deporte

Charlotte estivo representada no baloncesto estadounidense polos Charlotte Hornets entre 1998 e 2002, e polos Charlotte Bobcats a partir de 2004. O equipo Carolina Panthers da National Football League ten sede en Charlotte. A cidade tamén está representada en divisións menores do fútbol asociación e o hockey sobre xeo.

Gran parte dos equipos do tres divisións nacionais da NASCAR teñen as súas bases a poucos quilómetros de Charlotte. O tres inclúen no seu calendario o óvalo de Charlotte Motor Speedway. Agora está a vivir en Charlotte o retirado loitador da WWE Ric Flair.

Cidades irmáns

Charlotte ten nove cidades irmáns:

Arequipa, Perú (dende 1962)
Baoding, China (dende 1987)
Krefeld, Alemaña (dende 1985)
Kumasi, Ghana (dende 1996)
Limoges, Francia (dende 1992)

Voronezh, Rusia (dende 1991)
Wrocław, Polonia (dende 1993)
Manaus, Brasil (dende 2009)
Hadera, Israel (dende 2010)

Notas

↑ "Cuadrícula inicial de Charlotte". Arquivado dende o orixinal o 16 de marzo de 2012. Consultado o 06 de marzo de 2010.
↑ [1]^{[Ligazón morta]}
↑ Mapa do centenario da Independencia cos catro wards do centro da cidade, 1775-1875 [2]^{[Ligazón morta]}
↑ "Mapa de Charlotte, 1877". Arquivado dende o orixinal o 06 de xaneiro de 2012. Consultado o 03 de setembro de 2018.
↑ Mapa da cidade en 1919
↑ Charlotte en 1935^{[Ligazón morta]}
↑ "Gráfico do crecemento de Charlotte no tempo". Arquivado dende o orixinal o 07 de xaneiro de 2012. Consultado o 06 de marzo de 2010.

Véxase tamén

Outros artigos

Casa da Moeda de Charlotte

Ligazóns externas

↑ Annual Estimates of the Resident Population for Incorporated Places of 50,000 or More, Ranked by July 1, 2017

[1] "Cuadrícula inicial de Charlotte". Arquivado dende o orixinal o 16 de marzo de 2012. Consultado o 06 de marzo de 2010.

[2] [1]^{[Ligazón morta]}

[3] Mapa do centenario da Independencia cos catro wards do centro da cidade, 1775-1875 [2]^{[Ligazón morta]}

[4] "Mapa de Charlotte, 1877". Arquivado dende o orixinal o 06 de xaneiro de 2012. Consultado o 03 de setembro de 2018.

[5] Mapa da cidade en 1919

[6] Charlotte en 1935^{[Ligazón morta]}

[7] "Gráfico do crecemento de Charlotte no tempo". Arquivado dende o orixinal o 07 de xaneiro de 2012. Consultado o 06 de marzo de 2010.

[8] Annual Estimates of the Resident Population for Incorporated Places of 50,000 or More, Ranked by July 1, 2017

[1]

[2]

[3]

[4]

[5]

[6]

[7]

[1]

Listaxe	Cidade	Estado	Pob.	Listaxe	Cidade	Estado	Pob.
1	Nova York	Nova York	8.622.698	11	Austin	Texas	950.715
2	Os Ánxeles	California	3.999.759	12	Jacksonville	Florida	892.062
3	Chicago	Illinois	2.716.450	13	San Francisco	California	884.363
4	Houston	Texas	2.312.717	14	Columbus	Ohio	879.170
5	Phoenix	Arizona	1.626.078	15	Fort Worth	Texas	874.168
6	Filadelfia	Pensilvania	1.580.863	16	Indianapolis	Indiana	863.002
7	San Antonio	Texas	1.511.946	17	Charlotte	Carolina do Norte	859.035
8	San Diego	California	1.419.516	18	Seattle	Washington	724.745
9	Dallas	Texas	1.341.075	19	Denver	Colorado	704.621
10	San Jose	California	1.035.317	20	Washington, D.C.	Distrito de Columbia	693.972
Datos do censo de 2017.^[1]