Candidatura Democrática Galega
A Candidatura Democrática Galega foi presentada de xeito conxunto nas eleccións xerais de 1977, celebradas o 15 de xuño, para o Senado de España. Estaba formada polo MCG, o PPG, o PCG, o PSOE e máis o PSG.
| Candidatura Democrática Galega | |
|---|---|
| Historia | |
| Fundación | Eleccións xerais de España de 1977 (ao Senado), eleccións xerais de España de 1979 (ao Senado) |
| Posicións políticas | |
| Ideoloxía | Centro-esquerda Galeguismo Autonomismo |
| Co apoio do PSOE en 1977. | |
Características
editarAgrupaba diversas personalidades do centro-esquerda galeguista e recibía o apoio do PSOE, que só se presentou en solitario en Lugo, onde non houbo candidatura de CDG. Resultaron elixidos tres senadores: Manuel Iglesias Corral (provincia da Coruña),[1] Valentín Paz-Andrade (provincia de Pontevedra)[2] e Celso Montero (provincia de Ourense).[3] Celso Montero integrouse no grupo parlamentario do PSOE, en tanto que Paz-Andrade e Iglesias pasaron ao grupo Mixto (Manuel Iglesias integrouse no grupo parlamentario de Unión de Centro Democrático en agosto de 1978).
A coalición mantívose nas eleccións de 1979, pero só Paz-Andrade se mantivo nela, mentres que Montero e Iglesias foron reelixidos respectivamente polo PSOE e UCD. CDG presentou candidatura en Pontevedra, sendo elixido Paz-Andrade o candidato máis votado da coalición pero sen conseguir saír elixido. Os outros candidatos foron Nicanor Ocampo e Maximino Sanmartín.[4]
Notas
editar- ↑ Manuel Iglesias Corral na web do Senado de España.
- ↑ Valentín Paz Andrade na web do Senado de España.
- ↑ Celso Montero na web do Senado de España.
- ↑ Resultados de las elecciones de 1979 al Senado en 1979 Arquivado 02 de decembro de 2011 en Wayback Machine..
Véxase tamén
editarBibliografía
editar- Candidatura Democrática Galega, EGU.
Ligazóns externas
editar- "Especial Eleccións 2004. Que pasou no Senado?". Vieiros. 16 de maio de 2008. Archived from the original on 16 de maio de 2008. Consultado o 04 de outubro de 2021.