Benxamín Casal

Benxamín Casal
Nome orixinal	(es) Benxamín Casal Vila
Biografía
Nacemento	12 de xaneiro de 1935 ; Lugo, España
Morte	30 de agosto de 2013 (78 anos); Lugo, España
Deputado do Parlamento de Galicia
Actividade
Ocupación	escritor, político, empresario
Partido político	Partido Socialista Obrero Español
Membro de	Real Academia Galega

Benxamín Casal Vila, nado o 12 de xaneiro de 1935 en Lugo e finado o 30 de agosto de 2013 na mesma cidade, foi un intelectual, escritor, economista e político galego.

Traxectoria

Licenciado (1962) e doutorado (1967) en Enxeñería Agrónoma pola Universidade de Madrid. En 1970 acadou tamén a licenciatura en Ciencias Económicas pola Universidade de Santiago de Compostela. Foi profesor na Escola de Enxeñería Técnica Agrícola de Lugo (1968-1972) e na Escola Técnica Superior de Enxeñeiros Agrónomos de Lugo (1988). Membro do grupo Brais Pinto, foi conselleiro de Enerxía e Industria (1978-79) da Xunta preautonómica e deputado no Parlamento de Galicia (1981-1985) como galeguista histórico polo PSdeG.

Foi vicepresidente e posteriormente presidente da Editorial Galaxia, así como director da Gran Enciclopedia Galega entre 2003 e o seu falecemento en 2013. Escribiu artigos na Revista Galega de Estudios Agrarios, Desarrollo Agrícola, El Progreso, La Voz de Galicia e El Ideal Gallego.

A Galicia Campesina, BBdCG.

Obra

A incidencia en Galicia do Plan Enerxético Nacional (1978, Xunta de Galicia).
Achegamento á Minería Galega (1979, Xunta de Galicia).
A Terra Cha luguesa. Estudio da súa realidade agraria (1984, Seminario de Estudos Galegos).
A Galicia campesina (1984, Biblioteca Básica da Cultura Galega)
O campo galego (1992, Biblioteca 114, El Correo Galego).
Tradutor de Galicia: Ensaio xeográfico de análise e interpretación dun vello complexo agrario, 2 vols. Santiago de Compostela. Xunta de Galicia. Consellería de Agricultura, Gandería e Política Agroalimentaria-Caixanova. 2001, 1407 páxs (ISBN 84 4532 7690) de Abel Bouhier.^[1]

Notas

↑ La Voz de Galicia (ed.). "El congreso-homenaje a Abel Bouhier presentó su obra traducida al gallego".

Véxase tamén

Bibliografía

Dicionario biográfico de Galicia. Ir Indo Edicións. 2010-2011.

Ligazóns externas

Ficha biogràfica en www.galegos.info
Capítulo 397: Gran Enciclopedia Galega de Ben falado, programa da TVG, 28/12/2012.

[1] La Voz de Galicia (ed.). "El congreso-homenaje a Abel Bouhier presentó su obra traducida al gallego".

[1]