Balantidium coli
| Balantidium coli | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 Trofozoíto de Balantidium coli | |||||||||||||||||||
| Clasificación científica | |||||||||||||||||||
| |||||||||||||||||||
| Nome binomial | |||||||||||||||||||
| 'Balantidium coli' (Malmsten, 1857) | |||||||||||||||||||
Balantidium coli é unha especie de protozoo ciliado parasito que causa en humanos a enfermidade chamada balantidíase.[1][2] É o único protozoo ciliado coñecido patóxeno para os humanos.[1][2]
Morfoloxía
editarBalantidium coli ten dous estadios no seu desenvolvemento, un estadio de trofozoíto e outro de quiste. Os trofozoítos teñen un grande tamaño de ata 170 microns de longo (xeralmente de 30 a 150) e teñen dous núcleos, mscronñúcleo e micronúcleo. O macronúcleo é longo e con forma de salchicha, e o micronúcleo esférico e está situado moi preto e a miúdo queda tapado polo macronúcleo. A abertura da célula chamada peristoma, situada no extremo anterior puntiagudo dá paso ao citostoma ou "boca". Os quistes son menores que os trofozoítos, arredondados e cunha rexa e pesada parede constituída por unha ou dúas capas. Xeralmente só son visibles no quiste o macronúcleo e ás veces os cilios e vacúolos contráctiles. Os trofozoítos e quistes vivos son amarelados ou verdosos.[3]
Transmisión
editarBalantidium é o único protozoo ciliado que infecta aos humanos, causando balantidíase. A balantidíase é unha enfermidade zoonótica e os humanos adquírena pola ruta fecal-oral a partir do seu hóspede normal, que é o porco, no cal é asintomática. A inxestión de auga contaminada é o mecanismo de transmisión máis común.[4]
Patoxenia
editarBalantidium coli vive no cego e colon de humanos, porcos, ratas e outros mamíferos. Non se transmite facilmente dunha especie hóspede a outra, porque necesita un período de tempo para adaptarse á flora simbiótica do novo hóspede. Unha vez que se adaptou a un hóspede novo, pode converterse nun serio patóxeno, especialmente en humanos. Os trofozoítos multiplícanse e enquístanse debido á deshidratación das feces.[5]
A infección ten lugar cando se tragan os quistes, xeralmente ao tomar auga ou alimentos contaminados. A infección por Balantidium en individuos inmuncompetentes non é imposible, pero raramente causa unha enfermidade grave no tracto gastrointestinal. Pode vivir no tracto gastrointestinal sen causar síntomas de disenteríacon con tal de que exista un balance entre o protozoo e o hóspede. A infección prodúcese con maior probabilidade en persoas malnutridas debido á baixa acidez do seu estómago ou en persoas con sistemas inmunitarios comprometidos.[4]
Na enfermidade aguda, pode producirse unha diarrea explosiva cada vinte minutos, e tamén poden darse casos de perforación do colon, que poden poñer en perigo a vida.[4]
O protozoo é sensible á tetraciclina e o metronidazol, e non se observou a aparición de resistencias.[4]
Ciclo de vida
editar
Cando se inxire un quiste do protozoo ao consumir auga ou alimentos contaminados,[1][6] este chega ao sistema dixestivo do hóspede.[7] O quiste está en parte protexido pola súa parede do pH ácido estomacal, pero xeralmente non resiste pH menores de 5, o que explica que sobreviva máis facilmente nos estómagos de persoas malnutridas que teñen menor acidez estomacal.[6][7] unha vez que o quiste chega ao intestino delgado, produce os trofozoítos.[1][7] Os trofozoítos colonizan o intestino groso, onde viven no lume e aliméntanse da flora intestinal.[1][7] Algúns trofozoítos invaden a parede do colon utilizando encimas proteolíticos e multiplicándose, e algúns volven ao lume.[1][6][7] No lume os trofozoítos poden desintegrarse ou enquistarse.[1][7] O enquistamento é causado pola deshidratación dos contidos intestinais e xeralmente ten lugar na porción distal do intestino groso, pero pode tamén ocorrer fóra do hóspede nas feces.[1][7] Os quistes maduros libéranse ao ambiente exterior, onde poden infectar a un novo hóspede.[1][7]
Epidemioloxía
editarA balantidíase en humanos é máis común en Filipinas, pero pode darse en todo o mundo, especialmente onde as persoas están en contacto estreito cos porcos. A doenza considérase rara e só se dá no 1% da poboación humana.[5] Causa máis problemas nos países subdesenvolvidos, onde as augas poden estar contaminadas con feces porcinas e humanas.[4]
Notas
editar- ↑ 1,0 1,1 1,2 1,3 1,4 1,5 1,6 1,7 1,8 "Parasites and Health: Balantidiasis [Balantidium coli]." DPDx - Balantidiasis. 5 Dec. 2008. CDC Division of Parasitic Diseases. 16 de maio de 2009 <http://www.dpd.cdc.gov/dpdx/HTML/Balantidiasis.htm Arquivado 03 de decembro de 2013 en Wayback Machine.>.
- ↑ 2,0 2,1 Ramachandran, Ambili. "Introduction." The Parasite: Balantidium coli The Disease: Balantidiasis. 23 de maio de 2003. Stanford University. 16 de maio de 2009 <http://www.stanford.edu/group/parasites/ParaSites2003/Balantidium/Balantidium_coli_ParaSite.htm Arquivado 14 de abril de 2013 en Wayback Machine.>.
- ↑ Ramachandran, Ambili. "Morphology." The Parasite: Balantidium coli The Disease: Balantidiasis. 23 de maio de 2003. Stanford University. 7 de decembro de 2009 http://www.stanford.edu/group/parasites/ParaSites2003/Balantidium/Morphology.htm Arquivado 14 de abril de 2013 en Wayback Machine..
- ↑ 4,0 4,1 4,2 4,3 4,4 Schister, Frederick L. and Lynn Ramirez-Avila (2008). "Current World Status of Balantidium coli". Clinical Microbiology Review 21 (4): 626–638. PMC 2570149. PMID 18854484. doi:10.1128/CMR.00021-08.
- ↑ 5,0 5,1 Roberts, Larry S. and John Janovy, Jr. (2009). Foundations of Parasitology Eighth Edition. New York: McGraw-Hill. ISBN 978-0-07-302827-9.
- ↑ 6,0 6,1 6,2 Roberts, Larry S., and John Janovy Jr. Gerald D. Schmidt & Larry S. Roberts' Foundations of Parasitology. 8th ed. New York: McGraw-Hill, 2009.
- ↑ 7,0 7,1 7,2 7,3 7,4 7,5 7,6 7,7 Ramachandran, Ambili. "Life Cycle of Balantidium coli." The Parasite: Balantidium coli The Disease: Balantidiasis. 23 de maio de 2003. Stanford University. 16 de maio de 2009 <http://www.stanford.edu/group/parasites/ParaSites2003/Balantidium/Life_Cycle.htm Arquivado 20 de xaneiro de 2013 en Wayback Machine.>.
Véxase tamén
editarLigazóns externas
editar- "DPDx - Balantidiasis". CDC Division of Parasitic Diseases. Arquivado dende o orixinal o 03 de decembro de 2013.