Arturo Carril

Arturo Patricio Carril Amigo, nado en Corcubión o 13 de xullo de 1902 e finado en Buenos Aires o 13 de xullo de 1990, foi un escritor e xornalista galego.

Arturo Carril

Biografía
Nacemento	13 de xullo de 1902 Corcubión, España
Morte	13 de xullo de 1990 (88 anos) Buenos Aires, Arxentina
Actividade
Ocupación	escritor, xornalista

Traxectoria

Marchou novo a Montevideo para librar do servizo militar, e alí comezou a traballar como linotipista. Introduciuse no mundo sindical e político, fundamentalmente anarquista e tamén nacionalista, participando da Irmandade Nacionalista d’América do Sul. Na década dos anos vinte exerceu como correspondente de Correo de Galicia no Uruguai, foi redactor de Terra e colaborou en Céltiga, formando parte da Peña Céltiga. Fundou en 1920 a revista Mundo Teatral e en 1935 La Lectura. Creou a Editorial Mar, na que apareceu a primeira tradución ao castelán da novela de Castelao Os dous de sempre, feita por el en 1937. Na década dos corenta trasladouse a Arxentina, onde continuou co seu labor cultural, e vencellourse á Federación Libertaria Argentina.

Cultivou a poesía, a novela e o ensaio, pero destacou como dramaturgo. Estreou moitas obras no Uruguai e a Arxentina, algunhas premiadas como Estoy sola y te espero, Premio de la Sociedad de Autores Teatrales del Uruguay en 1942. Algunhas obras fixéronse famosas pola censura dos gobernos ditatoriais arxentinos, como Argentina, hora cero. A obra Las viudas de los vivos trata o tema da emigración e desenvólvese en Malpica de Bergantiños. Tamén escribiu ensaios dedicados ao mundo teatral como El Teatro (ayer, hoy y mañana) e de tema político, Teoría del Estado de Transición.

Obras

Teatro

• 3 variaciones sobre un tema. Teatro. Valencia: Editorial Mar, 1938.
• Estoy sola y te espero. Buenos Aires, 1942.
• Nuestro hermano Florencio. Buenos Aires.
• Crónica de una ciudad y su musa, Buenos Aires.
• Las viúdas de los vivos, Buenos Aires.
• Teatro completo de Arturo Carril, Buenos Aires: Ed. Mecenas, 2 vol, 1959.
• Argentina, hora cero. Buenos Aires, 1969.

Novela

• Sobre el río como mar. Buenos Aires.
• Como las ví. Buenos Aires.
• Como los ví. Buenos Aires.

Poesía

• La cofradía de los pescadores. Buenos Aires.

Véxase tamén

Bibliografía

• Arturo Patricio Carril na Enciclopedia da emigración.

• Pérez Leira, Lois (2011). Protagonistas de una historia colectiva II. Vigo: Grupo de Comunicación de Galicia en el Mundo. pp. 77–82. ISBN 978-84-938464-4-2. 

Ligazóns externas

• Ficha no Seminario de Estudos Comarcais da Costa da Morte.

• Ficha en Apuntamentos para unha enciclopedia histórica do anarquismo galego (C)