Armando Fernández Mazas
Armando Pompilio Fernández Mazas, coñecido como Chocolito, nado en Ourense o 30 de xaneiro de 1905 e finado na mesma cidade o 15 de marzo de 1996,[1] foi un mestre, xornalista e escritor galego.
  | |
| Biografía | |
|---|---|
| Nacemento | (es) Armando Pompilio Fernández Mazas 30 de xaneiro de 1905 Ourense, España |
| Morte | 15 de marzo de 1996 (91 anos) Ourense, España |
| Educación | Escola Normal de Santiago de Compostela |
| Actividade | |
| Ocupación | xornalista, escritor |
| Membro de | |
| Familia | |
| Irmáns | Cándido Fernández Mazas Mario Fernández Mazas |
  | |
Traxectoria
editarEstudou na Escola Normal de Ourense. No primeiro bienio da República ensinou en Bóveda de Amoeiro onde entrou en contacto coa Asociación de Trabajadores de la Enseñanza de Orense (ATEO). Colaborou na revista de ATEO, Escuela del Trabajo, con artigos sobre pedagoxía. En 1934 gañou en propiedade a praza de mestre na escola de Vilariño (O Pereiro de Aguiar), na que puxo en práctica os métodos activos. Militou en Izquierda Comunista de España (1932) e, en 1935, entrou no Partido Obrero de Unificación Marxista (POUM). Escribiu no periódico Espartaco, voceiro dos mozos antifascistas ourensáns.
Co golpe de Estado do 18 de xullo de 1936 foi cesado e destituído como mestre a principios de agosto por ser un dos dirixentes da ATEO.[2] Estivo fuxido, agochado en Castro Caldelas e entre 1942 e 1947 en Castro Laboreiro cunha identidade falsa. Logo instalouse en València, onde foi detido en 1955. En 1963 reingresou no maxisterio, primeiro tres anos na illa de La Gomera ata o seu destino definitivo en Pombeiro (Pantón), onde se xubilou en 1975.
Nos anos oitenta participou en Nova Escola Galega, e centrouse en recuperar a obra artística e literaria de seu irmán Cándido Fernández Mazas (creou a Editorial Andoriña en 1989, recollendo un antigo proxecto do ano 1933 de Cándido de crear Ediciones La Golondrina) e recuperar a memoria histórica dos mestres e intelectuais represaliados.
Obras
editar- Ourense, Atenas de Galicia, 1989.
- Política y Pedagogía. Memoria teórica de un maestro de la ATEO, 1990.
Notas
editar- ↑ Carlos Gurméndez (16 de marzo de 1996). "Armando Fernández Mazas, maestro y periodista". El País (en castelán).
- ↑ El Pueblo Gallego, 4-8-1936, p. 7.
Véxase tamén
editarBibliografía
editar- Dionisio Pereira (2007) "Os heterodoxos do comunismo galego (1931-1936)" Fundación Andreu Nin.
- "Fernández Mazas, Armando". Dicionario biográfico de Galicia 2. Ir Indo Edicións. 2010-2011. p. 75.
- "Fernández Mazas, Cándido". Diccionario enciclopédico galego universal 27. La Voz de Galicia. 2003-2004. p. 75. ISBN 84-7680-429-6.