Antonio Mouriño Villar

Antonio Mouriño Villar, nado na Buratiña (Celanova) o 12 de xuño de 1954, é un político galego vinculado ao PPdeG.

Antonio Mouriño Villar

Biografía
Nacemento	12 de xuño de 1954 (70 anos) A Buratiña, España
Alcalde de Celanova
1991 – 2012 (dimisión) ← Manuel Gómez Rojo – José Luís Ferro Iglesias →
Actividade
Ocupación	político
Partido político	Partido Popular de Galicia

Traxectoria

Administrativo en Celanova, Nas eleccións municipais de 1987 foi candidato de AP-CdG, como representante de Centristas de Galicia. Unha dimisión en 1989 permitiulle ser concelleiro na oposición por Centristas de Galicia, partido político que se acabaría integrando no PPdeG. Nas municipais de 1991 o PPdeG de Celanova, encabezado por Ricardo Mínguez Abajo obtivo 5 concelleiros e Centristas de Galicia liderado polo propio Mouriño outros cinco, sendo o máis votado, conseguiu unha maioría relativa que lle permitiu gobernar durante toda a lexislatura. A finais de 1991 Centristas de Galicia integrouse no PPdeG. Finalmente nas municipais de 1995, o partido de Antonio Mouriño conseguiu a maioría absoluta, situación que se reproduciu nas seguintes eleccións municipais de 1999, 2003, 2007 e 2011. Dimitiu en 2012 para presentarse ás eleccións autonómicas dese ano e foi elixido deputado do Parlamento de Galicia, onde permaneceu ata 2016. En febreiro de 2023 foi expulsado do PPdeG acusado de pedi-lo voto para o alcalde independente Antonio Puga.

Véxase tamén

Bibliografía

• Alejandro Mínguez González (2019). 40 anos votando en Celanova, Didot, ISBN 978-84-17495-68-8.

Outros artigos

• Eleccións municipais en Celanova

Ligazóns externas

• Ficha no Parlamento de Galicia Arquivado 01 de xuño de 2013 en Wayback Machine.