Antoine Lavoisier
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2017.) |
Antoine-Laurent de Lavoisier, nado en París o 26 de agosto de 1743 e guillotinado[1] na mesma cidade o 8 de maio de 1794, foi un químico francés e unha figura central da Revolución científica no século XVIII. Está considerado o pai da química moderna polos seus detallados estudos sobre a oxidación dos corpos, o fenómeno da respiración animal e a súa relación cos procesos de oxidación, análise do aire, uso da balanza para establecer relacións cuantitativas nas reaccións químicas establecendo a súa famosa lei de conservación da masa, estudos en calorimetría etcétera.
.jpg)
A súa muller foi Marie Lavoisier, tamén química, que foi axudante na súa obra e promoveu o seu legado.
Traxectoria
editarPrimeiros anos e educación
editarLavoisier naceu nunha familia acomodada de París e recibiu unha educación privilexiada. Despois de estudar dereito, Lavoisier decidiu dedicarse á ciencia, campo no que demostrou unha grande capacidade.
Contribucións á ciencia
editarA súa contribución máis importante foi a formulación da lei da conservación da masa, que establece que a masa dun sistema pechado permanecerá constante, independentemente dos procesos que ocorran dentro del. Ademais, realizou estudos cruciais sobre a oxidación dos corpos (oxidoredución) e a respiración animal, establecendo unha relación entre ambos procesos.
Tamén destacou no campo da calorimetría, onde realizou estudos meticulosos para entender como se transfire o calor durante as reaccións químicas. Alén disto, Lavoisier é lembrado pola súa análise do aire e pola súa insistencia no uso da balanza como ferramenta para establecer relacións cuantitativas nas reaccións químicas.
Vida persoal
editarEn 1771, Lavoisier casou con Marie-Anne Pierrette Paulze, unha muller que se convertería nunha axudante científica esencial para o seu traballo. Marie traducía documentos científicos do inglés para o francés, axudaba a realizar experimentos e debuxaba os aparatos que usaban. O seu traballo foi fundamental para a comunicación dos descubrimentos de Lavoisier ao mundo.
Últimos anos e legado
editarDurante a Revolución Francesa, Lavoisier foi acusado de conspiración contra o pobo francés debido á súa asociación coa Ferme Générale, unha organización encargada de recadar impostos. Foi guillotinado en 1794.
Retrato de Antoine Lavoisier e a súa esposa
editar
Antoine-Laurent e Marie-Anne Pierrette Paulze Lavoisier, retratados polo artista Jacques-Louis David, representan unha parella moderna e científica en roupa de moda pero sinxela. Este famoso retrato, que os presenta como os fundadores da química moderna, está en no Metropolitan Museum of Art, de Nova York.
No entanto, estudos recentes revelaron que a obra foi considerabelmente alterada durante o seu proceso de creación. Usando tecnoloxías modernas como a reflectografía infravermella (IRR) e a fluorescencia de raios X macro (MA-XRF), os investigadores descubriron que Marie Lavoisier orixinalmente estaba representada cun sombreiro enorme adornado con cintas e flores artificiais, e que os instrumentos científicos no primeiro plano foron engadidos nunha fase posterior da pintura.
Ademais, estes estudos tamén revelaron que o cadro foi modificado en resposta aos cambios políticos e sociais da época: na Revolución Francesa, os Lavoisier decidiron alterar a súa imaxe para evitar chamar a atención dos revolucionarios. De feito, a posición de Lavoisier como recadador de impostos coa Ferme Générale, que lle permitiu pagar unha obra de arte luxuosa, foi finalmente o que o enviou á guillotina en 1794, acusado ademais de "vender tabaco malo".[2]
Notas
editar- ↑ Ciencia hecha en Pareja, https://www.bbvaopenmind.com/ciencia-hecha-en-pareja , consultado o 30 de xullo de 2016
- ↑ Pullins, Silvia A. Centeno, Dorothy Mahon, David. "Refashioning the Lavoisiers". The Metropolitan Museum of Art (en inglés). Consultado o 2023-07-23.
Véxase tamén
editar| Commons ten máis contidos multimedia sobre: Antoine Lavoisier |
| A Galipedia ten un portal sobre: Francia |
- Lei de conservación da masa
- Joseph Priestley
- Marie Lavoisier
- Revolución científica
- Revolución química
- Revolución Francesa
- Revolución industrial
- Calorimetría
|
Este artigo sobre química é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |