Antón Gómez-Reino
Antón Gómez-Reino Varela, nado como Antonio Gómez-Reino Varela e coñecido como Toné, nado na Coruña o 7 de marzo de 1980, é un político galego.
_Por_una_PAC_m%C3%A1s_justa._Tone_G%C3%B3mez-Reino..jpg)
.svg){kind=small}
Traxectoria
editarÉ técnico en saúde ambiental e activista social na Coruña. Foi un dos asinantes do Manifiesto Mover Ficha, que iniciou o movemento que callou en Podemos. Foi un dos impulsores da Marea Atlántica. En xaneiro de 2015 integrouse no equipo de Breogán Riobóo, primeiro secretario xeral do partido en Galicia.[1]
É deputado no Congreso dos Deputados dende 2016 (XI lexislatura). Encabezou a lista de En Marea pola provincia da Coruña nas eleccións xerais de 2015 e nas de 2016, así como a lista de En Común-Unidas Podemos pola mesma circunscrición nos comicios de abril e de novembro de 2019.
Foi secretario xeral de Podemos en Galicia dende outubro de 2018, cando gañou as eleccións primarias sobre Carolina Bescansa[2]. Mantívose ata decembro de 2022, cando foi substituído por Borja San Ramón.
Nas eleccións ao Parlamento de Galicia de 2020 foi elixido como candidato do Grupo Común da Esquerda para a presidencia da Xunta de Galicia, como líder da coalición de Podemos Galicia, Esquerda Unida, Anova e as mareas municipalistas.[3] A formación non obtivo ningún escano, polo que se mantivo como deputado no Congreso.
Notas
editar- ↑ "El candidato de A Coruña a liderar Podemos en Galicia recibe el aval de Pablo Iglesias" Faro de Vigo, 25/1/2015 (en castelán).
- ↑ "Gómez-Reino derrota a Bescansa y desarma la oposición a Pablo Iglesias". La Voz de Galicia (en castelán). 2018-10-25. Consultado o 2019-11-13.
- ↑ "Acordo de coalición Podemos, EU, Anova e mareas municipalistas, con Gómez Reino como candidato". Nós Diario. 21 de febreiro de 2020. Consultado o 21 de febreiro de 2020.
Véxase tamén
editarWikimedia Commons ten máis contidos multimedia na categoría: Antón Gómez-Reino  |