Aleksandra Ekster
Alexandra Ekster ou Exter de nome completo Alexandra Alexandrova Ekster (Александра Экстер; en ruso: Александра Александровна Экстер, en ucraíno: Олександра Олександрівна Екстер) [1], nada en Białystok o 18 de xaneiro de 1882 e finada en París o 17 de marzo de 1949, foi unha pintora cubo-futurista, supremacista e construtivista, amais dunha dos fundadores do Art déco.
 (1915)  | |
| Nome orixinal | (ru) Александра Экстер |
|---|---|
| Biografía | |
| Nacemento | 6 de xaneiro de 1882 (Xuliano) Białystok, Polonia |
| Morte | 17 de marzo de 1949 (67 anos) Fontenay-aux-Roses (Francia) |
| Outros nomes | Exster, Aleksandra Aleksandrovna Ekster, Aleksandra Aleksandrovna |
| Educación | Académie de la Grande Chaumière Kyiv Art School (en)  |
| Actividade | |
| Campo de traballo | Pintura, teatro, filme, gráficos, deseño de vestiario e deseño |
| Ocupación | pintora, artista gráfica, deseñadora, artista, escenógrafa, diseñador de vestuario, ilustradora, artista téxtil |
| Empregador | Wchutemás (1921–1924) |
| Membro de | |
| Movemento | Vanguarda russa (pt) |
| Alumnos | Vera Rockline (pt) e Epstein Marko Isayovich (en) |
| Descrito pola fonte | Women Artists of Russia's New Age 1900–1935, (p.117) Amazons of the avant-garde (en) , (p.131)Grande Enciclopedia Soviética (1926—1947) |
   | |
Traxectoria
editar
Naceu en Białystok, daquela pertencente á Rusia Imperial e hoxe parte de Polonia, no seo dunha familia rica, os Grigoróvich. Estudou na escola de arte de Kíiv e, no ano 1907, na Académie de la Grande Chaumière en Montparnasse, París. Dende 1908 a 1924 viviu en San Petersburgo, Odesa, París, Roma e Moscova.
En 1908 participou na exhibición do grupo Zvenó (Eslabón) organizada por David Burliuk e Vladímir Burliuk, entre outros, en Kíiv. En 1914 Ekster, xunto con Kasimir Malévich, Alexandr Archipenko, Vadym Meller, Sonia Delaunay e outros, participou no Salon des Indépendants en París. Nese mesmo ano participou na International Futurist Exhibition en Milán.
Entre 1915-1916 traballou na cooperativa de vilas Skoptsí eVerbovka xunto con Kazimir Malevich, Yevgenia Pribýlskaya, Natalia Davídova, Nina Genke, Liubov Popova, Ivan Puni, Olga Rozánova, Nadezhda Udaltsova e outros. Máis tarde fundou un grupo de traballo en ensino (MDI) en Kíiv (1918-1920). Meller, Petrytsky, Red'ko, Chelitschev, Shifrin, Nikritin traballaron alí. Durante ese tempo ela tamén foi un dos nomes máis importantes do Teatro Alexandr Taírov
En 1919 xunto cos artistas da vangarda rusa, Kliment Red'ko e Nina Genke-Meller, decoraron as rúas e prazas de Kíiv e Odesa polas celebracións da Revolución en estilo abstracto. Traballou como deseñadora de vestiario no Estudo de Ballet da bailarina Bronislava Nijinska (a irmá de Vatslav Nizhinskii).
No ano 1921 converteuse na directora do curso elemental Cor no Grupo de Traballo (VKhUTEMAS) en Moscova, posto que mantivo ata 1924 cando emigrou a Francia para obte-la cátedra en Arte Moderna en París. Dende 1926 a 1930 Ekster foi catedrática na Academia de Arte Contemporánea Leger. En 1936 participou na exposición Cubismo e Arte Abstracta en Nova York e nunha exposición exclusivamente dedicada a ela en Praga e en París. En 1936 comezou a traballar como ilustradora de libros para a empresa de publicidade Flammarion en París. Continuou neste traballo ata 1949, cando morreu no arrabalde de Fontanay-aux-Roses, en París.
Notas
editar- ↑ "Александра Экстер / Alexandra Ekster". Peoples.ru.
Véxase tamén
editarWikimedia Commons ten máis contidos multimedia na categoría: Aleksandra Ekster  |