Max Erwin von Scheubner-Richter
| Max Erwin von Scheubner-Richter | |
|---|---|
 | |
| Beatha | |
| Breith | Riga, 21 dhen Fhaoilleach 1884 |
| Dùthaich |
 A' Ghearmailt |
| Bàs | München, 9 dhen t-Samhain 1923 |
| Nàdar a’ bhàis |
unnatural death (en)  (leòn peileir) |
| Teaghlach | |
| Athair | Karl Friedrich Richter |
| Foghlam | |
| Cànain | Gearmailtis |
| Dreuchd | |
| Dreuchd | dioplomat agus neach-poileataigs |
|
Com-pàirtiche
| |
| Seirbheis san arm | |
| Ìre | leifteanant |
| Strì | An Cogadh Mòr |
| Creideamh | |
| Pàrtaidh poileataigeach | Am Pàrtaidh Nàsach |
B' e neach-teòiridh Nàsach às An Laitbhe a bh' ann am Max Erwin von Scheubner-Richter (Latbhais: Ludvigs Rihters, Riga, 21 am Faoilleach 1884 - München, 9 an t-Samhain 1923).[1] Na Ghearmailteach cinnidheach Baltach, rugadh agus thogadh von Scheubner-Richte ann an coimhearsanchd mhion-shluagh, far a bhuinneadh e do theaghlach bùirdeasach - bha athair na cheòladair proifeiseanta. Fhuair e a chuid foghlaim aig Rīgas Tehniskā universitāte, agus an uair sin rinn e dotaireachd ann am München. Bha e an sàs ann am mailisidh na làimhe deise ann na Ar-a-mach na Ruise ann an 1905 agus phòs e aig Mathilde von Scheubner, a bha 19 bliadhna na b' aosta na esan.[2] Chuir e seachad bliadhnaichean A' Chogaidh Mhòir na shaighdear anns an fhronta an ear, far an robh a chuid chomasan ann an Ruisis feumail, agus na riochdaire dioplòmasach ann an Erzurum ann an Impireachd nan Otomanach.[3] Chunnaic e gu robh Uile-losgadh an aghaidh nan Airmeinianach a' tachairt agus rinn e càineadh air.[4] Ghabh e anns na Freikorps an dèidh A' Chogaidh. Bha e na bhall a' Phàirtidh Nàsach on toiseach-toisichidh agus bha e an sàs ann an Hitlerputsch ann an 1923, anns a fhuair e bàs. Thug von Scheubner-Richter buaidh uabhasach fhèin làidir air Adolf Hitler.
Iomraidhean
[deasaich | deasaich an tùs]- ↑ Evans, Richard J. (2004). The Coming of the Third Reich. Penguin Press, ISBN 978-1-86320-004-5.
- ↑ Michael Kellogg, The Russian Roots of Nazism: White Émigrés and the Making of National Socialism, 1917–1945, Cambridge University Press, 2005, ISBN 9780521070058.
- ↑ Martin Kröger: Im wilden Kurdistan. Die militärische Expedition in der Osttürkei 1914–1916. Ann an: Wilfried Loth, Marc Hanisch: Erster Weltkrieg und Dschihad. Oldenbourg, München, 2014.
- ↑ Schaller, Dominik J. (2002). Kieser, Hans-Lukas; Schaller, Dominik J., Armenian genocide and the Shoah.