Barrancabermeja

Barrancabermeja Bratach a' bhaile Gearradh-arm no Seula
Mapa a' bhaile
Sealladh air a' bhaile
Suidheachadh
Dùthaich	Coloimbia
Roinn	Santander
Àirde	75m
Co-chomharran	07º 04' 03' Tuath 73º 50' 50' Iar
Feartan fiosaigeach
Farsaingeachd	1,154 km²
Àireamh-shluaigh	190,058 (2005)
Dlùths	164.69/km²
Duilleag oifigeil	Comhairle a’ Bhaile

'S e baile mòr agus port na h-aibhne cudromach faisg air Girón ann an Santander, Coloimbia,   a th' ann am Barrancabermeja.  Tha e suidhichte 136km air falbh bho Bhucaramanga, prìomh-bhaile na roinne, 75m os cionn ìre na mara. 'S e baile le gnàth-shìde theth a th' ann le teodhachd mu 29˚ thar cheann fad na bliadhna. Cha deach am baile a stèidheachadh ach ann an 1922 ged a bha taigh neo dhà ann fiù' s ann an 1536. Tha e ainmeil air feadh na dùthcha air sàilleabh gu bheil gnothach na h-ola ann an Coloimbia stèidhichte an seo.

Freumhan an Ainm

'S e ainm fa leth Spàinntis a th'ann am Barrancabermeja. ‘S ann à dà fhacal ‘s a tha e: barranca (mòr-ghil) agus bermejo (ruadh). Bheireadh sin A’ Mhòr-ghil Ruadh dhuinn sa Ghàidhlig.

Sluagh a' bhaile

Ged a tha  170,810 nan tàmh anns a' bhaile, chan eil ach  19,248 a' fuireach a-muigh anns na sgìrean dùthchasail am broinn crìochan a' bhaile. Tha fearrann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin. Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail. Taobh chinnidh, ' s e daoine geala a th'ann a' mhòr-chuid dhe na daoine ann an Barrancabermeja (is mòran dhuibh mestizos). ‘S e Tùsanaich a th’ann an 0.2% agus tha 16.3% dhe daoine le freumhan ann an Afraga.  ' S urrainn dhan 91.8% dhe na daoine ann an Barrancabermeja leughadh agus sgrìobhadh. A tuilleadh air sin, tha fòn aig an taigh aig 55.2% dhe na dachannan.

Fèisean

Thathar a’ cumail am iomadach seòrsa dhe fhèis ann an Barrancabermeja. Chithear fèilltean  caitligeach, leis gur e dùthaich le mòr-chuid chaitligeach a th’ann fhathast,  fèisean na stàite agus tachartasan ionadail a sheallas cho làidir ‘s tha beairteas cultarail na dùthcha.

• Fèis an Neo-eisimeileachd: 20mh An t-Iuchar.

Eachdraidh

Chunnaic daoine às an Roinn Eòrpa am baile, air an robh Latora neo Latocca, airson a' chiad turais air 12 an Dàmhair 1536. Chleachdadh na Spàinntich an t-àite seo airson tursan sgrùdaidh a dheànamh suas an abhainn. Ged a bha daoine a' fuireach ann fad nan linntean, 's e dìreach ann an 1922, aig toiseach toisichidh gnothach an Ola, nuair a dh'fhàs am baile na bh mhotha. Chan e rud gun trioblaid a bh' ann idir. Nuair a bha José Eustasio Rivera an lùib Comisean Sgrùdaidh nan Dùthchannan Cèin agus nan Colonaidhean ann an 1935 dh’fhoillsich e sreath dhe artigilean ann an Nuevo Tiempo de Bogotá, air an robh "Falsos postulados nacionales" (Gàidhlig: Beachd-bharailean-brèige Nàiseanta), anns an do dh’ fhàg e air iomadh daoine, an ceann-suidhe Pedro Nel Ospina Vásquez agus an t-seann mhinistear Esteban Jaramillo, nam measg, gu robh iad ri foill agus coirbeachd, a thaobh cùmhnantan na pìoba a bheireadh ola eadar Cartagena de Indias agus Barrancabermeja.

 

Ceanglaichean A-mach

An t-sìde ann an Barrancabermeja