Lanmérik laten
.svg)
Lanmérik laten-an (èspangnòl : América Latina oben Latino américa ; potidjé : América Latina) sa jénéralman défini kou parti di Lanmérik annan lakèl péy-ya gen pou lanng ofisyèl dé lanng ronman, ki-lé-di dérivé di laten (èspangnòl, potidjé ké fransé). Lanmérik laten ka anglobé ensi Lanmérik ispannik-a, sèrten zilé dé Karayb, ensi ki kazi-totalité di Lanmérik di Sid é di Lanmérik santral. Byen ki fransé-a sa roun lanng ronman, téritwè-ya ki gen kou lanng ofisyèl fransé-a sa an jénéral pa rétni pou défini Lanmérik laten, jénéralman konsidéré kou fòrmen dé sèl péy endépandan don lanng ofisyèl-ya sa ronman ; kidonk « Lanmérik ispannik » an ajoutan Brézil, é pafwè Ayti, menm Puerto Rico oben Béliz.
Kou Lanmérik di Nò-a, popilasyon-an di Lanmérik laten sa étnikman divèrsifyé. Rélijyon-an ki prédonminant an Lanmérik laten sa kristchannism-an, prensipalman katolisism-an. Lanmérik laten-an gen roun sipèrfisi di anviron 20 010 600 km2, swé pli di 3,9 % di sirfas-a di Latè, ké 13,5 % di so sirfas émèrjé. An 2012, so popilasyon sa èstimen à pli di 600 milyon di zabitan.
Lorijin di lèsprésyon-an
[chanjé | Chanjé wikikod]Étimoloji ké aparisyon di lidé-a di Lanmérik laten
[chanjé | Chanjé wikikod]
Lèsprésyon « Lanmérik laten » té itilizé pou pronmyé fwè-a pa powèt kolonbyen-an José María Torres Caicedo an 1856 é pa sosyalis chilyen-an Francisco Bilbao, toulédé pròch di Lamennais.
Konsèp-a di roun Lanmérik laten ka opozé so kò à roun Lanmérik anglo-s sagson ké protéstan té roupran pa lantouraj-a di Napoléon III. An 1861, a o non di défans-a di sa péy-ya « laten », ki konsidéré kou kiltirèlman pròch di Lafrans-a, ki anprò-a voyé roun lèspédisyon di Mègsik annan roun kontègs di panlatinism.
Définisyon di Lanmérik laten
[chanjé | Chanjé wikikod]Listwè ké périmèt di Lanmérik laten
[chanjé | Chanjé wikikod]Lèsprésyon « Lanmérik laten » pouvé fika divèrsman konprann, menm si définisyon-an di périmèt ki ka korèsponn pa toujou prési, kou ka konsidéré asé jénéralman ki Lanmérik laten sa konstitchwé di 19 péy, listé ki anba, san enkli sistématikman Puerto Rico, ki « asosyé » o Létazini.
Péy ki enkli annan Lanmérik laten
[chanjé | Chanjé wikikod]| Péy | Popilasyon | Sipèrfisi | Kapital | Pli gran lavil | Chèf di Léta |
|---|---|---|---|---|---|
| Larjantin | 43,4 milyon | 2 766 890 km2 | Buenos Aires | Buenos Aires | Mauricio Macri |
| Bolivi | 10,8 milyon | 1 098 581 km2 | Souk | Santa Cruz de la Sierra | Evo Morales |
| Brésil | 206 milyon | 8 547 877 km2 | Brasilya | São Paulo | Michel Temer |
| Chili | 16,6 milyon | 756 950 km2 | Santiago | Santiago | Sebastián Piñera |
| Kolonbi | 48,4 milyon | 1 141 748 km2 | Bogota | Bogota | Juan Manuel Santos |
| Costa Rica | 5 milyon | 51 100 km2 | San José | San José | Carlos Alvarado |
| Kiba | 11,1 milyon | 110 861 km2 | La Havane | La Havane | Miguel Díaz-Canel |
| Lékwatò | 16,2 milyon | 283 560 km2 | Quito | Guayaquil | Lenín Moreno |
| Gwatémala | 14,3 milyon | 108 890 km2 | Gwatémala | Gwatémala | Jimmy Morales |
| Londiras | 8,3 milyon | 112 090 km2 | Tegucigalpa | Tegucigalpa | Juan Orlando Hernández |
| Mègsik | 119,7 milyon | 1 972 550 km2 | Mègsiko | Mègsiko | Enrique Peña Nieto |
| Nikaragwa | 6,2 milyon | 129 494 km2 | Mannangwa | Mannangwa | Daniel Ortega |
| Pannanman | 3,7 milyon | 75 640 km2 | Pannanman | Pannanman | Juan Carlos Varela |
| Paragwé | 6,5 milyon | 406 750 km2 | Asuncion | Asuncion | Horacio Cartes |
| Pérou | 30,4 milyon | 1 285 220 km2 | Lima | Lima | Martín Vizcarra |
| Répiblik donminiken | 10 milyon | 48 730 km2 | Sen-Donmenng | Sen-Donmenng | Danilo Medina |
| Salvador | 6,3 milyon | 21 040 km2 | San Salvador | San Salvador | Salvador Sánchez Cerén |
| Lourougwé | 3,4 milyon | 176 220 km2 | Montevideo | Montevideo | Tabaré Vázquez |
| Vénézwéla | 30,6 milyon | 916 445 kmz | Karakas | Karakas | Nicolás Maduro |
| TOTAL | 608,2 milyon | 20 010 636 km2 |
Téritwè ki pafwè enkli annan Lanmérik laten
[chanjé | Chanjé wikikod]| Péy | Popilasyon | Sipèrfisi | Kapital | Pli gran lavil | Chèf di Léta |
|---|---|---|---|---|---|
| Ayti | 10,9 milyon | 27 750 km2 | Port-au-Prince | Port-au-Prince | Jovenel Moïse |
| Puerto Rico | 4 milyon | 8 870 km2 | San Juan | San Juan | Donald Trump, gouvèlman Alejandro García Padilla. (N.B. : péy ki « asosyé » o Létazini) |
| Béliz | 335 000 | 22 966 km2 | Belmopan | Belize City | Colville Young |
Démografi
[chanjé | Chanjé wikikod]Lenpòrtans di popilasyon-an
[chanjé | Chanjé wikikod]
Péy di Lanmérik laten sa péplé di fason byen diféran, an partikilyé an tèrm di enpòrtans di popilasyon-an di chak péy. Ensi Brézil-a gan 220 milyon di zabitan ké Mègsik-a ka konté enpé pli di 119 milyon di zabitan, alò ki Lourougwé-a ka konté mwen di 4 milyon di zabitan. Dé péy ka posédé pli di 100 milyon di zabitan, Dé pli di 40 milyon, kat ròt ant 10 milyon ké 16 milyon, senk péy ka konté ant 5 ké 10 milyon di zabitan.
Lorijin di popilasyon-an
[chanjé | Chanjé wikikod]Popilasyon-an di Lanmérik laten sa égalman roumarkab pa divèrsité-a di so lorijin étnik-ya, pas kontinan-an - koté wonm-an aparèt bokou pli tardivman ki asou laplipa dé ròt kontinan - té wè rivé sigsésivman plizyò vag di pèpman di lorijin divèrs.
Popilasyon anmérendjen
[chanjé | Chanjé wikikod]Popilasyon anmérendjen-an sa isou di pèpman pré-kolonnyal. Sa popilasyon endjen-yan, orijinèr di Lazi, té masivman èstèrminen o moman di konkèt èspangnòl-a, an partikilyé o Mègsik, o kontak dé maladi ki vini di Léròp (tèl ki varyòl-a), okèl yé pa té pouvé opozé pyès défans natirèl.