Mícheál Ó Laoire

Mícheál Ó Laoire

Beathaisnéis
Breith	8 Bealtaine 1936 Corcaigh, Éire
Bás	11 Bealtaine 2006 70 bliana d'aois Saint-Sever-de-Rustan, An Fhrainc
Siocair bháis	Bás tionóisceach (Bá)
Áit adhlactha	Saint-Sever Abbey (en)
Teachta Dála
14 Nollaig 1982 – 20 Eanáir 1987 (díscaoileadh na parlaiminte) Téarma parlaiminte: 24ú Dáil Toghcheantar: Baile Átha Cliath Thiar Theas Toghadh i: Olltoghchán na hÉireann, Samhain 1982
Teachta Dála
9 Márta 1982 – 4 Samhain 1982 (díscaoileadh na parlaiminte) Téarma parlaiminte: 23ú Dáil Toghcheantar: Baile Átha Cliath Lár Toghadh i: Olltoghchán na hÉireann, Feabhra 1982
Tánaiste
30 Meitheamh 1981 – 9 Márta 1982 ← Seoirse Ó Colla – Réamann Mac Searraigh ⊟
Teachta Dála
30 Meitheamh 1981 – 27 Eanáir 1982 (díscaoileadh na parlaiminte) Téarma parlaiminte: 22ú Dáil Toghcheantar: Baile Átha Cliath Lár Toghadh i: Olltoghchán na hÉireann, 1981
An tAire Turasóireachta, Cultúir, Ealaíon, Gaeltachta, Spóirt agus Meán
30 Meitheamh 1981 – 9 Márta 1982 ← Seoirse Ó Colla – Ailbhe Mac Raghnaill ⊟
Feisire de Pharlaimint na hEorpa
Ina hionadaí do: Páirtí an Lucht Oibre 16 Iúil 1979 – 30 Meitheamh 1981 Téarma parlaiminte: Céad Pharlaimint na hEorpa Toghcheantar: Baile Átha Cliath (toghcheantar na hEorpa) Toghadh i: toghchán Pharlaimint na hEorpa 1979
Teachta Dála
5 Iúil 1977 – 21 Bealtaine 1981 (díscaoileadh na parlaiminte) Téarma parlaiminte: 21ú Dáil Toghcheantar: Baile Átha Cliath Thuaidh-Lár Toghadh i: Olltoghchán na hÉireann, 1977
Teachta Dála
14 Márta 1973 – 25 Bealtaine 1977 (díscaoileadh na parlaiminte) Téarma parlaiminte: 20ú Dáil Toghcheantar: Baile Átha Cliath Thuaidh-Lár Toghadh i: Olltoghchán na hÉireann, 1973
Teachta Dála
2 Iúil 1969 – 5 Feabhra 1973 (díscaoileadh na parlaiminte) Téarma parlaiminte: 19ú Dáil Toghcheantar: Baile Átha Cliath Thuaidh-Lár Toghadh i: Olltoghchán na hÉireann, 1969
Teachta Dála
21 Aibreán 1965 – 21 Bealtaine 1969 (díscaoileadh na parlaiminte) Téarma parlaiminte: 18ú Dáil Toghcheantar: Baile Átha Cliath Thuaidh-Lár Toghadh i: Olltoghchán na hÉireann, 1965
Ceannaire Pháirtí an Lucht Oibre
Faisnéis phearsanta
Scoil a d'fhreastail sé/sí	Coláiste na Toirbhirte
Teanga dhúchais	Béarla
Gníomhaíocht
Suíomh oibre	Strasbourg An Bhruiséil
Gairm	polaiteoir, abhcóide
Ball de pháirtí polaitíochta	Páirtí an Lucht Oibre
Teangacha	Béarla

Abhcóide agus polaiteoir sinsearach Éireannach ab ea Mícheál Ó Laoire (8 Bealtaine, 1936 – 11 Bealtaine, 2006), nó Michael O'Leary mar atá aithne air as Béarla. Agus é ina cheannaire ar Pháirtí an Lucht Oibre, chaith sé sealanna mar Aire Saothair, Aire Fuinnimh agus Tánaiste. Níos déanaí ina shaol, d'aistrigh sé go dtí Fine Gael.

A shaol

Mac le tábhairneoir, rugadh Mícheál Ó Laoire i gCathair Chorcaí sa bhliain 1936. Oileadh é ag Coláiste na Toirbhirte, Coláiste na hOllscoile Corcaigh agus ansin Ollscoil Columbia i Nua-Eabhrac. Tar éis dó filleadh abhaile, thosaigh sé ag éirí gníomhach i bpolaitíocht an lucht oibre, agus fostaíodh é mar Oifigeach Oideachais ag Ceardchumann Oibrithe Iompair agus Ilsaothair na hÉireann.

Toghadh Ó Laoire go Dáil Éireann don chéad uair mar iarrthóir ón Lucht Oibre tar éis bua in olltoghchán na bliana 1965. Agus é istigh sa Dháil, thosaigh sé ag iarraidh seasamh eite chlé a pháirtí a neartú. Ar dtús, bhí sé glan in aghaidh comhrialtas a chuir ar bhun le Fine Gael, ach tar éis olltoghchán na bliana 1969, bhí sé den tuairim go raibh gá ann le straitéis nua. Nuair a bhunaigh an dá pháirtí comhrialtas sa bhliain 1973, ceapadh Ó Laoire ina Aire Saothair.

Sa bhliain 1977, rinne sé iarracht ceannaireacht an pháirtí a bhaint amach dó féin, ach fuair Proinsias Mac Bhloscaidh an ceann is fearr air. D'éirigh Mac Bhloscaidh as an bpost, áfach, nuair a chaill sé a shuíochán ag an olltoghchán sa bhliain 1981, agus roghnaíodh Ó Laoire d'aon ghuth chun teacht i gcomharbacht air. Sa bhliain 1979, toghadh é go Parlaimint na hEorpa ón thoghcheantar Bhaile Átha Cliath.

I rith an chomhrialtais idir Fine Gael agus an Lucht Oibre idir 1981 agus 1982, rinneadh Tánaiste agus Aire Fuinnimh de. Go gairid tar éis briseadh an rialtais ag olltoghchán na bliana 1982, shiúil Ó Laoire amach as an bpáirtí agus chuaigh sé isteach i bhFine Gael. Toghadh é ar ais sa Dháil arís.

Sa bhliain 1985, chuir Ó Laoire bille comhalta phríobháidigh ar cholscaradh ós comhair na Dála. Leis an éacht seo, cuireadh a lán brú ar an rialtas, agus bhí orthu reifreann a eagrú sa bhliain ina dhiaidh sin.

Nuair a bhunaíodh an Páirtí Daonlathach sa bhliain 1985, deirtear gur mhachnaigh sé faoi dul isteach leo.

Ní dheachaigh Ó Laoire san iomaíocht in olltoghchán na bliana 1987, agus d'fhill sé ar ais ar Chorcaigh chun obair a dhéanamh mar abhcóide arís. Ceapadh é mar bhreitheamh den Chúirt Dúiche sa bhliain 1997.

Bhásaigh Ó Laoire agus é ar shaoire san Fhrainc i mí na Bealtaine na bliana 2006.