Grindr, Saghdar, agus Cher
| Cineál | saothar liteartha  |
|---|---|
| Teanga | an Ghaeilge |
| Dáta foilsithe | 2022 |
| Céadléiriú | |
| Céadléiriú | 5 Samhain 2022 |
Dráma Gaeilge é Grindr, Saghdar agus Cher (2022), comhoibriú de chuid AerachAiteachGaelach idir Sam Ó Fearraigh, Ciara Ní É agus Eoin Mc Evoy. Triúr carachtar LADTA atá i gceist agus trí mhonalóg fite fuaite lena chéile.
Dá chéad léiriúchán, is ag Oireachtas na Gaeilge a cuireadh an dráma "i láthair an tslua, slua a líon Amharclann an Oireachtais in Óstán Brehon agus a d’éirigh ina sheasamh le bualadh bos a thabhairt don chomharghrúpa ag deireadh an léirithe."[1] Tá sé á chur i láthair ar fud na tíre ó shin i leith.[1][2][3][4][5][6][7][8][9][10][11][12][13][14]
Cúlra
[cuir in eagar | athraigh foinse]I ndiaidh léiriúchán rathúil Idir Mise agus Craiceann do Chluaise a chur i gcrích is ea ar "shocraigh Ní É agus Mc Evoy gur theastaigh uathu triail a bhaint as cur chuige nua" agus dráma a scríobh don stáitse.[5]
"Gidh go bhfuil go leor i gcoiteann againn mar Ghaeil agus mar dhaoine aiteacha," a dúirt Ó Fearraigh, "dar ndóigh tá eispéireas difriúil againn fosta agus bhí muid ag iarraidh scéalta ónár saol féin a shníomh tríd."[5] Ghlacadar cur chuige dá réir sin agus an dráma á chur i dtoll a chéile acu, ag gabháil dó "go neamhspleách ar a chéile ach bhí na scríbhneoirí i dteagmháil i gcónaí ionas go bhféadfadh na gnéithe éagsúla den phlota a bheith fite fuaite ina chéile."[8]
Scéal
[cuir in eagar | athraigh foinse]Tarraingíonn fear tuaithe anáil dhomhain agus tógann sé a chéad chéim riamh thar an tairseach isteach i mbeár aerach. Fulaingíonn leispiach imeacht ‘Build-a-Willy’ ag cóisir cearc le scata ban díreach. Tugann fear aiteach atá sa tóir ar an gcraiceann bearradh gruaige dó féin nach bhfeicfidh ach fear amháin eile.
Is dráma é Grindr, Saghdar agus Cher ina ndéantar "iniúchadh ar chaidreamh triúr aiteach lena bpobal féin [...] agus léiríodh gur féidir leis an oíche chéanna a bheith an-difriúil do gach aon duine ag brath ar an bpribhléid atá acu agus ar an gcaoi a ndearcann siad ar an aiteacht agus ar a suíomh féin i measc an phobail aitigh."[15]
Carachtair
[cuir in eagar | athraigh foinse]- Dónall (Ó Fearraigh)
- Conch (Mc Evoy)
- Louise (Ní É)
Léiriúchán
[cuir in eagar | athraigh foinse]Maraon le "léaráidí áille le Margaret Lonergan"[6], teilgtear ar scáileán ar chúl an stáitse fotheidil Bhéarla "mar chabhair dóibh siúd sa lucht féachana nach bhfuil Gaeilge ar a dtoil acu".[5]
Tá foirne éagsúla léiriúcháin tar éis obair ar Grindr, Saghdar agus Cher a chur i láthair. I Scabhat Smock bhí ceol ó Bandia, Liam Grant a bhí i mbun fuaime, agus Alfredo Lopez a chinntigh "soilsiú atmaisféarach".[16] Fíbín sa Taibhdhearc a bhí ag obair air i nGaillimh, i Seanscoil Sailearna[7] agus i mBéal Feirste[12]
Ionaid Léirithe
[cuir in eagar | athraigh foinse]Cuireadh Grindr, Saghdar agus Cher i láthair mar chuid de roinnt mhaith féilte éagsúla: An tOireachtas, IMRAM, IDGTF, Bród na Gaeltachta, Féile Idirnáisiúnta Ealaíon na Gaillimhe, agus Outburst.
- Amharclann an Oireachtais i gCill Airne (An tOireachtas 5 Samhain 2022, agus an t-aisteoir Seán Ó Baoill i ról Dhónaill)[1]
- Amharclann Scabhat Smock (IMRAM, 17 Samhain 2022)[1][2]
- Club na Múinteoirí ón 8-10 Bealtaine 2023 mar chuid den IDGTF[3][4][5][6]
- Seanscoil Sailearna in Indreabhán (17-18 Iúil 2023)[7]
- An tSean Bheairic, an Fál Carrach (Bród na Gaeltachta, mí Iúil 2023)[8]
- An Taibhdhearc, Gaillimh (GIAF 25-29 Iúil 2023)[9][10][11]
- Cultúrlann McAdam Ó Fiaich, Béal Feirste (13-14 Samhain 2023)[12][8]
- Axis Bhaile Munna (14 Márta 2024)[13]
- McGowans Bhaile Phib, BÁC (Phizzfest, 11 Bealtaine 2024)[14]
Glacadh
[cuir in eagar | athraigh foinse]Le Grindr, Saghdar agus Cher, bhain pobal ealaíon LADTA "cloch mhíle thábhachtach eile amach" ar an mbóthar fada atá siúlta acu dar le Pat Butler ar Tuairisc.ie agus ó thaobh an chur i láthair féin de, "Rinne AerachAiteachGaelach gaisce a sheol amach an doras ag deireadh an tseó mé le croí maith mór, gáire ar mo bhéal agus an aoibh sin istigh a bhíonn ag duine tar éis dó ‘fíor-eispéireas’ amharclainne a bhlaiseadh.".[16]
"Oíche iontach" a bhí ann de réir The Reviews Hub, mar a luadh freisin an greann a bhain gáirí as gach duine beag beann ar a gcumas teanga, a soghonta is a bhí na carachtair in amantaí, agus a fhírinní is a ábhartha is a mhothaigh an scéalaíocht.[3]
Leag lucht The Guardian béim ar nua-aimsearthacht an dráma, go háirithe ó thaobh na teanga de.[17]
"Ainmníodh an dráma Grindr, Saghdar agus Cher i dtrí chatagóir i ngradaim IDGTF 2023, an chéad bhliain ar léiríodh dráma iomlán i nGaeilge mar chuid den fhéile". Is iad sin Gradam Oscar Wilde (feabhas scríbhneoireachta), Gradam Doric Wilson (idirphlé idir chultúir leis an amharclannaíocht) agus Gradam Eva Gore-Booth (feabhas aisteoireachta i ról baineann; Ciara Ní É a ainmníodh).[18]
Bhuaigh AerachAiteachGaelach an duais in 2023 "i gcatagóir na nEalaíon agus na Siamsaíochta i ngradaim náisiúnta LADTA na nGALAS, éacht d'eagraíocht Ghaeilge agus iad san iomaíocht le grúpaí agus taibheoirí sa dá theanga ó cheann ceann na tíre"[19]
Tá rún ag Mc Evoy agus ag Gareth Evans-Jones an dráma a thiontú go Breatnais.[20]
Naisc sheachtracha
[cuir in eagar | athraigh foinse]- Réamhbhlaiseadh
- Agallamh don BBC
- Físeán de chuid Mholscéal
- Físeán de chuid Mheon Eile
- Suíomh AerachAiteachGaelach
Tagairtí
[cuir in eagar | athraigh foinse]- ↑ 1.0 1.1 1.2 1.3 "Grindr, Saghdar ⁊ Cher ag an Oireachtas agus IMRAM". AerachAiteachGaelach (9 Samhain, 2022). Cartlannaíodh an bunleathanach ar 23 Márta 2024. Dáta rochtana: 09 Bealtaine 2024.
- ↑ 2.0 2.1 "Why Ciara is making more space in the world of Gaelic performance". PressReader [ Irish Daily Mail ] (11 Samhain 2022). Cartlannaíodh an bunleathanach ar 25 Márta 2024. Dáta rochtana: 09 Bealtaine 2024.
- ↑ 3.0 3.1 3.2 Emma Devlin (9 Bealtaine 2023). "Grindr, Saghdar agus Cher – Teacher’s Club, International Dublin Gay Theatre Festival 2023, Dublin". The Reviews Hub. Cartlannaíodh an bunleathanach ar 9 Bealtaine 2023. Dáta rochtana: 09 Bealtaine 2024.
- ↑ 4.0 4.1 "Grindr, Saghdar agus Cher". International Dublin Gay Theatre Festival (2023). Cartlannaíodh an bunleathanach ar 29 Márta 2023. Dáta rochtana: 09 Bealtaine 2024.
- ↑ 5.0 5.1 5.2 5.3 5.4 Éanna Ó Caollaí (08 Bealtaine 2023). "‘Mionlach laistigh de mhionlach atá ionainn’". The Irish Times. Cartlannaíodh an bunleathanach ar 08 Bealtaine 2023. Dáta rochtana: 09 Bealtaine 2024.
- ↑ 6.0 6.1 6.2 "Dráma ceannródaíoch aiteach Gaeilge á léiriú ar stáitse". RTÉ (02 Bealtaine 2023). Cartlannaíodh an bunleathanach ar 02 Bealtaine 2023. Dáta rochtana: 09 Bealtaine 2024.
- ↑ 7.0 7.1 7.2 "*Grindr, Saghdar ⁊ Cher* i gConamara". AerachAiteachGaelach (14 Iúil 2023). Cartlannaíodh an bunleathanach ar 25 Márta 2024. Dáta rochtana: 09 Bealtaine 2024.
- ↑ 8.0 8.1 8.2 8.3 Pádraig Mac Oitir (24 Samhain 2023). "'Grindr, Saghdar & Cher' ar ardán i mBéal Feirste". Meon Eile. Cartlannaíodh an bunleathanach ar 30 Márta 2024. Dáta rochtana: 09 Bealtaine 2024.
- ↑ 9.0 9.1 "Grindr, Saghdar agus Cher". Galway International Arts Festival (2023). Cartlannaíodh an bunleathanach ar 27 Meitheamh 2023. Dáta rochtana: 09 Bealtaine 2024.
- ↑ 10.0 10.1 "Grindr, Saghdar agus Cher". Taibhdhearc (2023). Cartlannaíodh an bunleathanach ar 25 Márta 2024. Dáta rochtana: 09 Bealtaine 2024.
- ↑ 11.0 11.1 Judy Murphy (21 Iúil 2023). "New Taibhdhearc show follows lives of young LGBTQ people on fateful night". Connacht Tribune [Galway City Tribune]. Cartlannaíodh an bunleathanach ar 21 Iúil 2023. Dáta rochtana: 09 Bealtaine 2024.
- ↑ 12.0 12.1 12.2 "Grindr, Saghdar agus Cher". Outburst Arts (2023). Cartlannaíodh an bunleathanach ar 25 Márta 2024. Dáta rochtana: 09 Bealtaine 2024.
- ↑ 13.0 13.1 "Axis Bhaile Munna gnóthach le linn Seachtain na Gaeilge agus ciorcal comhrá, taispeántais grianghraifeanna agus dráma Gaeilge". RTÉ (06 Márta 2024). Cartlannaíodh an bunleathanach ar 06 Márta 2024. Dáta rochtana: 09 Bealtaine 2024.
- ↑ 14.0 14.1 "Theatre: Grindr, Saghdar agus Cher". Eventbrite.
- ↑ Eoin Mc Evoy ⁊ Stiofán Ó Briain (06-2023). "Fianaise an chlaochlaithe" 11-13. Cartlannaíodh an bunleathanach ar 29-05-2023. Dáta rochtana: 2024-03-16.
- ↑ 16.0 16.1 Pat Butler (24 Samhain 2022). "LÉIRMHEAS: Fíor-eispéireas amharclainne ó AerachAiteachGaelach a ardaíonn an croí". Tuairisc.ie. Cartlannaíodh an bunleathanach ar 24 Samhain 2022. Dáta rochtana: 11 Bealtaine 2024.
- ↑ Colin Crummy (13 Márta 2024). "‘It gives me freedom’: from the Oscars to the Baftas to Sundance – why Irish Gaelic is everywhere". The Guardian. Cartlannaíodh an bunleathanach ar 13 Márta 2024. Dáta rochtana: 11 Bealtaine 2024.
- ↑ "Trí ainmniúchán d’AAG ag Gradaim an International Dublin Gay Theatre Festival 2023". AerachAiteachGaelach (14 Bealtaine 2023). Cartlannaíodh an bunleathanach ar 09 Bealtaine 2024.
- ↑ "Bua ag AAG sna GALAS". AerachAiteachGaelach (8 Deireadh Fómhair 2023). Cartlannaíodh an bunleathanach ar 25 Márta 2024.
- ↑ "Féilire". AerachAiteachGaelach. Cartlannaíodh an bunleathanach ar 26 Márta 2024. Dáta rochtana: 11 Bealtaine 2024.
 | Is síol faoin drámaíocht nó dráma é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |
 | Is síol a bhaineann leis an dtéarma LADT é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |
 | Is síol faoi Oileán na hÉireann é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |