Wim Brands

	Wim Brands
	tillefyzje- en/of radiopersoanlikheid
	Wim Brands yn 2015
	persoanlike bysûnderheden
nasjonaliteit	Nederlânsk
berne	29 maart 1959
berteplak	Brummen
stoarn	4 april 2016 (57 jier)
stjerplak	Amsterdam
	wurkpaad
wurksum as	Dichter, programmamakker, sjoernalist
medium	Radio, telefyzje
bekend fan	VPRO-telefyzjeprogramma Boeken
jierren aktyf	1978-2016

Wim Brands (Brummen, 29 maart 1959 – Amsterdam, 4 april 2016) wie in Nederlânsk dichter, sjoernalist en presintator.

Biografy

Brands waard berne en opbrocht yn Brummen. Yn 1978 wie Brands syn debút as dichter yn it Hollands Maandblad fan K.L. Poll; hy wie doe 19 jier. Syn wurk ferskynde yn literêre tydskriften en hy publisearre de dichtbondels Inslag (1985), Koningen, de gehavende (1990), Zwemmen in de nacht (1995), In de metro (1997), De schoenen van de buurman (1999), Ruimtevaart (2005), Neem me mee, zei de hond (2010) en 's Middags zwem ik in de Noordzee (2014). Op 26 jannewaris 2012 ferskynde by Compaan Utjouwers syn karlêzing De vijftig beste gedichten van Wim Brands en yn april 2017 de Verzamelde gedichten, bondels mei net-publisearre materiaal mei in neiwurd fan Thomas Verbogt.

Brands wurke foar de Nederlânske omrop VPRO fan 1987 ôf oan. Fan Wim Noordhoek learde er it fak^[1] en tegearre betochten se it radioprogramma De Avonden, mar Brands wie it meast bekend as presintator fan it telefyzjeprogramma Boeken. In programma mei in ferlykbere foarm ûnder syn lieding op Radio 1 wie Brands met boeken.

Brands wurke as sjoernalist foar it Leidsch Dagblad en Vrij Nederland. Fan 2010 ôf wie er ferbûn oan de Schrijversvakschool Amsterdam as dosint poëzy en foardracht en yn septimber 2012 fersoarge er, nei Marcel Möring en Pieter Steinz, foar boekhannel Donner yn Rotterdam it boekeprogramma Brands in Donner.

Brands wie foar it lêst as presintator fan Boeken te sjen op 20 maart 2016. Op 4 april 2016 die Brands himsels te koart. Hy waard 57 jier.

Keppelingen om utens

Brands blogt, bloch fan twa moannen yn 2010 by Tirade
Wim Brands yn de DBNL
Een goede morgen met Wim Brands fan sneon 26 septimber 2015

Boarnen, noaten en referinsjes

Boarnen, noaten en/as referinsjes:

↑ Ynterview Wim Brands: oer it bestaan fan God en de selsmoard fan syn heit HP/De Tijd, 5 april 2016

Ofbylden dy't by dit ûnderwerp hearre, binne te finen yn de kategory Wim Brands fan Wikimedia Commons.

[1] Ynterview Wim Brands: oer it bestaan fan God en de selsmoard fan syn heit HP/De Tijd, 5 april 2016

[1]