Uplengen

Uplengen is in gemeente yn de dielsteat Nedersaksen, yn it distrikt Leer, dy't yn 1973 oprjochte waard út achttjin earder selsstannige doarpsgemeenten. It haadplak is Remels. De gemeente wurdt karakterisearre troch in miks fan agrarysk lân, natuergebieten en lytse doarpen.

Skiednis

Rekonstruksje fan 'e plankewei by Oltmannsfehn

Yn de Stapeler Moor by Oltmannsfehn waarden prehistoaryske houten paden ûntdutsen, wêrmei't de minsken doedestiids it fean oerstekke koenen. It houten paad by Oltmannsfehn datearret tusken rûchwei 2000 f. Kr. en 700 f. Kr.; it is dus in paad út de jongere brûnstiid of de âldere (foar-Romeinske) izertiid. Op de fjouwer kilometer brede heidestrook tusken Großsander en de hjoeddeistige Westersteder buorskip Hollriede waarden ek houten paden ûntdutsen, en ek yn it gebiet Südgeorgsfehn. Dy houten paden waarden letter - mei útsûndering fan dy by Oltmannsfehn - troch de de groeiende heidefjilden oergroeid. Mear as 1.500 ikebeammen binne kapt en ferwurke foar it houten paad fan Oltmannsfehn. Argeologen geane derfan út dat it sa'n twa jier wurk duorre om it paad te meitsjen.

Sûnt de iere midsiuwen is der sprake fan trochgeande bewenning troch Friezen.

Ekonomy, ynfrastruktuer en toerisme

Lânbou is noch altyd in wichtich ûnderdiel fan de ekonomy fan Uplengen, mei grutte boeren dy't har rjochtsje op it ferbouwen fan grienten, nôt en it hâlden fan fee. It toerisme spilete in tige lytse rol.

Uplengen hat goede ferbinings mei de omlizzende stêden en doarpen troch grutte diken en iepenbier ferfier. Troch it suden fan de gemeente rint de A28. De gemeente hat gjin eigen spoarferbining, mar wol in wiidweidich netwurk fan fyts- en kuierpaden.

Besjen wurdich

• Tsjerke fan Stapel: In midsiuwske tsjerke út de 13e iuw mei in rike histoarje.
• Natoergebiet Holle Sand: In boskgebiet mei in beboske sândunen.
• Stapeler Moor: In feangebiet yn it noardeasten fan de gemeente.
• Heimatmuseum Uplengen: In museum dat wijd is oan de skiednis en kultuer fan de gemeente.