Pentagrampuzel
In pentagrampuzel is in puzel dy ’t gebrûk makket fan in pentagram as regelmjittige stjermearhoek.
Rûchwei kinne trije soarten pentagrampuzels ûnderskieden wurde:
- Taalkundige pentagrampuzel
- Rekkenkundige pentagrampuzel
- Meganyske pentagrampuzel. Bygelyks in draaibere kubus as fariant fan de Rubiks kubus of in puzelspul mei in metalen ring.[1]
Taalkundige pentagrampuzel
[bewurkje seksje | boarne bewurkje]In taalkundige pentagrampuzel is in fariant fan de anagrampuzel. Der binne puzels mei inkelfâldige pentagrammen, mar ek mei dûbele pentagramfoarmen. Faak steane de letters binnen in dûbelde ring om it pentagram.
_b_320_2.jpg)
Op de úteinen fan elk linestik stiet in letter, dus 10 letters yn totaal. De tsien letters foarmje mei elkoar in anagram fan it oplossingswurd. Dit wurd kin fûn wurde troch fan in bepaalde letter ôf de linen fan it pentagram te folgjen. Dit kin linksom óf rjochtsom dien wurde. Troch by de goede letter te begjinnen wurdt it oplossingswurd fûn. Dizze puzzelsoarte is al âld. Yn 1887 ferskynde in puzel mei dûbeld pentagram yn it Dútske famyljeblêd Die Gartenlaube. De puzel ferskynde ûnder de namme Druidenfuss (druïdefoet).
Rekkenkundige pentagrampuzel
[bewurkje seksje | boarne bewurkje]-
opjefte 1 -
oplossing 1 -
opjefte 2 -
oplossing 2
In rekkenkundige pentagrampuzel bestiet út fiif linestikken dy’t ûnderling kontakt hawwe yn 10 punten. Dizze punten moatte fold wurde mei de getallen 1 o/m 10. [2] Elke line hat fjouwer getallen dy’t mei elkoar de linesom foarmje. De opdrachten kinne ferskillend wêze, bygelyks: 1. Folje de lege sirkels mei getallen sadat de som fan de getallen lâns elke line dezelde wearde hat. Soms binne al in pear sirkels yn it foar ynfold. [3] 2. It getal binnen de fiif trijehoeken fan de stjer is gelyk oan de som fan de trije getallen yn de omjouwende sirkel. It getal yn ‘e midden fan de stjer is gelyk oan de som fan de fiif getallen yn de omjouwende sirkels. De getallen yn de sirkels kinne allinnich 0 oant 9 wêze en elk getal mei mar ien kear brûkt wurde. At der al trije sirkels ynfold binne, hoege der noch mar sân oare sifers fûn te wurden.
| Boarnen, noaten en/as referinsjes: |
|
| Taalpuzels | |
|---|---|
|
anagrampuzel
• drûdel
• filippine
• hertpuzel
• hynstesprong
• kryptogram
• krúswurdpuzel
• paspuzel
• pazurgo
• pentagrampuzel
• petpuzel
• rebus
• sânglêspuzel
• scrabble
• sitaatpuzel
• slashpuzel
• spiraalpuzel
• Sweedske puzel
• taartpuzel
• trochrinner
• weefpuzel
• wordfeud
• wurdfrissel
• wurdian
• wurdl
• wurdljedder
• wurdriuwen
• wurdsiker
• wurdwjirm
| |