Maurice Quentin de La Tour

Maurice Quentin de La Tour
keunstner
Selsportret Maurice Quentin de La Tour
persoanlike bysûnderheden
nasjonaliteit	Frânsk
berne	5 septimber 1704
berteplak	Saint-Quentin (Aisne)
stoarn	febrewaris 1788 (83 jier)
stjerplak	Saint-Quentin
wurkpaad
wurksum as	portrettist
streaming	Rokoko
medium	pastelkryt
jierren aktyf	1719-1788
offisjele webside
RKD_profyl

Maurice Quentin de La Tour (Saint-Quentin, 5 septimber 1704 - Saint-Quentin, 17 febrewaris 1788), ek wol bekend as Quentin de La Tour, wie in Frânsk portrettist.

Libben en wurk

Portret fan Belle van Zuylen troch
Maurice Quentin de La Tour (1771)

Latour waard berne as de tredde soan fan de muzikant François de La Tour. Doe't er fyftjin wie ferfear er nei Parys. Hy gie dêr yn lear by de Flaamske skilder Jacques Spoede. Yn 1724 wenne er yn Reims en in jier letter yn Ingelân. Om 1727 hinne festigde er him wer yn Parys en lei er him ta op it wurkjen mei pastelkryt. Yn 1737 eksposearre er foar it earst op de Paryske salon mei de portretten fan Madame Boucher, de oare helte fan de skilder François Boucher, en l'Auteur qui rit ('Selsportret, laitsjend'), de earsten fan in rige fan 150 portretten dy't er yn de kommende 36 jier op de salon ynbringe soe.

Yn 1746 waard La Tour lid fan de Académie Royale de Peinture et de Sculpture. Yn 1750 waard er troch de Frânske kening Loadewyk XV beneamd ta hofskilder, hy soe oanbliuwe oant 1773. Hy makke portretten fan tal fan foaroansteande Frânsen lykas Madame de Pompadour en Rousseau. Yn 1766 en 1767 wurke er yn Nederlân, yn Zuilen (Utert) en Amsterdam.

Maurice Quentin de La Tour hie 30 jier lang in ferhâlding mei Marie Fel, sopraan by de Opera. De wilens tige begoedige La Tour stichte in keunstoplieding yn 1782. Teffens stipe er earme froulju yn de finzenis en ynfalide en âlde keunstners en artysten.

Yn 1784 luts er him werom yn syn berteplak út reden fan geastlike sûnens. Hy stoar dêr yn de âldens fan 83 jier. De stêd krige syn neilittenskip (in soad pastels) en is hjoed de dei te besjen yn Museum Antoine Lécuyer yn Saint-Quentin (Aisne). Erfgenamt Jean-François de La Tour († 1807), chevalier de l'ordre royal militaire de Saint-Louis, krige syn bûtenpleats.

Galery

• 
  Voltaire
• 
  Marquise de Pompadour
• 
  Jean-Jacques Rousseau
• 
  Jean d'Alembert
• 
  Emilie du Chatelet
• 
  Keninginne Marie Leszczyńska
• 
  Belle van Zuylen 1766
• 
  Prins Henry Benedict Stuart
• 
  Charles Louis Auguste Fouquet
• 
  Kening Loadewyk XV fan Frankryk
• 
  Mlle Ferrand Meditating on Newton
• 
  Pierre-Louis Laideguive
• 
  Jacques du Mont Le Romain
• 
  Maurice de Saxe
• 
  Portret fan Gabriel Bernard de Rieux
• 
  Louis de France, dauphin (1745)
• 
  Louis XV
• 
  Jean-Joseph Cassanéa de Mondonville

Keppeling om utens

• In ynteraktive tour troch syn wurk

Boarnen, noaten en referinsjes

Boarnen, noaten en/as referinsjes:

Abécédario de P.-J. Mariette et autres notes inédites de cet amateur sur les arts et les artistes. Archives de l'art français. 1856. t. III, 1854–56, pp. 66–78. de Goncourt, Edmond and Jules. French XVIII Century Painters. (1867) pp. 165, 171, 176 (first published Paris, 1867, fasc. 4, reprinted New York, 1948; second edition, 1873, pp. 271, 281-282). Tourneux, Maurice. La Tour, biographie critique. (Paris, 1904) p. 40. Jeffares, Neil, s.v. 'La Tour, Maurice-Quentin de', In Dictionary of Pastellists Before 1800, http://www.pastellists.com/Articles/LaTour2a.pdf https://neiljeffares.wordpress.com/2016/09/19/maurice-quentin-de-la-tours-parents/ Commons Wikimedia Commons  Ofbylden dy't by dit ûnderwerp hearre, binne te finen yn de kategory Maurice Quentin de La Tour fan Wikimedia Commons.