Hidden Hills (Kalifornje)
| Hidden Hills | ||
| ||
| De Long Valley Road-poarte nei Hidden Hills | ||
| Bestjoer | ||
| Lân |  Feriene Steaten
| |
| Steat |  Kalifornje
| |
| County |  Los Angeles
| |
| Sifers | ||
| Ynwennertal | 1.856 (2010) | |
| Oerflak | 4,4 km² | |
| Befolkingsticht. | 424,4 / km² | |
| Stêdekloft | Los Angeles | |
| Oar | ||
| Stifting | 1961 | |
| Postkoade | 91302 | |
| Tiidsône | UTC-8 | |
| Simmertiid | UTC-7 | |
| Koördinaten | 34°10′03″N 118°39′39″W | |
| Offisjele webside | ||
| www.hiddenhillscity.org | ||
| Kaart | ||
| ||
| De lizzing fan Hidden Hills yn Los Angeles County en yn 'e steat Kalifornje. | ||
Hidden Hills is in stêd yn it suden fan 'e Amerikaanske steat Kalifornje, ûnder de reek fan Los Angeles, oan 'e westgrins fan Los Angeles County. Neffens gegevens fan 'e folkstelling fan 2010 wennen der doe krapoan 1.900 minsken, wêrûnder in protte akteurs út 'e filmyndustry fan Hollywood en oare ferneamde Amerikanen. Hidden Hills stie ferskate kearen boppe-oan op 'e ranglist fan rykste stêden fan 'e Feriene Steaten.
Skiednis
[bewurkje seksje | boarne bewurkje]Hidden Hills waard yn 'e 1950-er jierren ûntwurpen en oanlein troch A.E. Hanson, in ferneamde Kalifornyske lânskipsarsjitekt en fêstgoedûntwikkeler. It plakje krige yn 1961, tagelyk mei syn earste bewenners ek daliks stedsrjochten.
Geografy
[bewurkje seksje | boarne bewurkje]Hidden Hills leit yn 'e súdlike Simi Hills, oan 'e westein fan 'e San Fernandofallei, dy't ta de stêd Los Angeles heart. It is in sletten mienskip mei in publyk tagonklike legere skoalle by ien fan 'e trije tagongspoarten. Oan 'e noardkant grinzget de stêd oan it natoerpark de Upper Virgenes Canyon Open Space Preserve, dat bedoeld is foar hynsteriden, fytsen, kuierjen en oare foarmen fan rekreaasje. Besuden Hidden Hills leit it Leonis Adobe National Historic Landmark, in iepenloft-pioniersmuseum.
Demografy
[bewurkje seksje | boarne bewurkje]Neffens gegevens fan 'e folkstelling fan 2010 wie doe fan 'e befolking fan Hidden Hills 15,9% âlder as 65 jier en 28,6% jonger as 18 jier. Fierders bestie 16,9% fan 'e húshâldings út ien persoan, wylst 0% fan 'e befolking ûnder de earmoedegrins libbe. Wat de etnyske opbou fan 'e befolking oangiet, dy wie yn 2010 sa: 87,4% blanken; 6,6% Latino's; 2,3% Aziaten; 2,0% swarten; 1,7% oaren of fan mingd etnysk komôf.
Ferneamde ynwenners fan Hidden Hills binne û.m.: realitystjer Kim Kardashian, sjongster en aktrise Jennifer Lopez, aktrise Denise Richards, countrysjongster LeAnn Rhimes, popstjer Britney Spears en rapper Kanye West. Ek special effects-technikus en Oscar-winner Grant McCune wenne oant syn dea yn 2010 yn Hidden Hills.
Keppelings om utens
[bewurkje seksje | boarne bewurkje]| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |