Feneto

Feneto; Veneto
Lokaasje yn Itaalje
Algemien
Haadstêd	Feneesje
Oerflakte	18.354,35 km²
Befolking	4.853.176 (31.07.2024)
Befolkingstichtens	264,55 ynw./km²
Oare ynformaasje
Heechste punt	Marmolada: 3.343 m
Oantal gemeenten	560
Provinsjes	Belluno, Padua, Rovigo, Feneesje, Verona, Vicenza

Feneto (Fenesiaansk: Vèneto) is in yn 1948 oprjochte regio yn Itaalje. De regio grinzget oan: Eastenryk, Friûly-Julysk Feneesje, de Golf fan Feneesje (Adriatyske See, Middellânske See), Emylje-Romanje, Lombardije en Trentino-Súd-Tiroal. De regio strekt him út fan de Karnyske Alpen yn it noarden oant en mei de rivier de Po yn it suden. Yn it westen wurdt Feneto begrinze troch de Gardamar en de rivier de Minsio, yn it easten troch de Adriatyske See en de rivier de Tagliamento. De haadstêd is Feneesje.

Lânskip

Wat it lânskip oanbelanget is Feneto yn trije stikken te ferpartsjen:

Geberchte

De eastlike Dolomiten en in part fan de súdlike Karnyske Alpen hearre by Feneto. Dat gebiet komt sawat oerien mei de provinsje Belluno. Cortina d'Ampezzo is hjir it wichtichste wintersport- en simmerferbliuwplak.

Leechflakte

Yn de leechflakte lizze de grutste stêden fan de regio wêrûnder Feneetsje, Verona en Padua. Fierders is dit in wichtich lânbougebiet, dêr't in protte wyn produsearre wurdt. Besuden fan Padua en Vicenza wurdt de leechflakte ûnderbrutsen troch in lyts heuveleftich gebiet, de Monti Berici en de Colli Euganei.

Kust

It grutste part fan de kust wurdt yn beslach nommen troch de lagunes en de delta fan de rivier de Po. De regionale haadstêd Feneesje is boud op in oantal eilannen yn de grutste lagune: de Laguna Veneta. Oan it noardlikste diel fan de kust lizze in soad sânstrânen - hjir lizze ek de drokbesochte badplakken Jesolo, Bibione en Caorle.

Provinsjes

Njonken de metropolitane stêd Feneesje telt de regio noch seis provinsjes.

Provinsje	Ofkoarting	Haadstêd	Oantal gemeenten
Belluno	BL	Belluno	60
Padua (Padova)	PD	Padua	101
Rovigo	RO	Rovigo	50
Treviso	TV	Treviso	94
Feneesje (Venezia)	VE	Feneesje	44
Verona	VR	Verona	98
Vicenza	VI	Vicenza	113

Gemeenten

De regio hat fan 'e 560 gemeenten sechtjin gemeenten mei mear as 30.000 ynwenners (sifers ISTAT 30 juny 2024). De haadstêden fan 'e provinsjes wurde mei fette letter wjerjûn.

*Gegevens bywurke op 30 juny 2024*
Posysje	Wapen	Gemeente	Ynwennertal	Oerflak (km²)	Oerflak (km²)	Provinsje metropolitane stêd
1º		Verona	255.769	198.92	1.285.79	Verona
2º		Feneesje	250.141	415.90	601.45	Feneesje
3º		Padua	207.456	93.03	2.230.00	Padua
4º		Vicenza	110.921	80.57	1.376.70	Vicenza
5º		Treviso	85.553	55.58	1.539.28	Treviso
6º		Rovigo	50.072	108.81	460.18	Rovigo
7º	\|	Chioggia	47.440	187.91	252.46	Feneesje
8º		Bassano del Grappa	42.401	47.06	901.00	Vicenza
9º	-	San Donà di Piave	41.980	78.88	532.20	Feneesje
10º	-	Schio	38.942	66.21	588.16	Vicenza
11º		Mira	37.664	99.14	379.91	Feneesje
12º		Belluno	35.447	147.22	240.78	Belluno
13º		Conegliano	34.449	36.38	946.92	Treviso
14º		Castelfranco Veneto	33.137	51.61	642.07	Treviso
15º	-	Villafranca di Verona	33.052	57.34	576.42	Verona
16º	-	Montebelluna	31.224	49.01	637.09	Treviso

Trivia

Yn de regio Feneto wennet ek in Dútsktalige minderheid, dy't Zimbern neamd wurdt.

Ofbylden

Feneesje.
Monte Pelmo.
Padua.
Verona.
Vicenza.

Keppeling om utens

(it) Regione Veneto

Ofbylden dy't by dit ûnderwerp hearre, binne te finen yn de kategory Feneto fan Wikimedia Commons.

Regio's fan Itaalje
Abruzzen - Aostadelling - Apûlje - Basilikata - Feneto - Emylje-Romanje - Friûly-Julysk Feneesje - Kalaabrje - Kampaanje - Latium - Liguerje - Lombardije - Marke - Molise - Piëmont - Sardynje - Sisylje - Trentino-Súd-Tiroal - Toskane - Umbrje
· ·