Earehôf Drylts

It Earehôf Drylts is in ûnderdiel fan it algemiene begraafplak fan Drylts. De grêven lizze flakby de yngong. Der steane twa stiennen mei dêrop de nammen:

Namme	Funksje	Underdiel	Sq	Ferstoarn	Leeftyd
Roland Montgomery Bull	Navigator/radar operator	Royal Canadian Air Force	410 Sq	10-04-1943	24
John Edward Leach	Piloat	Royal Canadian Air Force	410 Sq	10-04-1943	26

Skiednis

Op 10 april 1943 patrouillearre in Mosquito, de DZ 743 fan it No. 410 Squadron RCAF, yn Súdwest-Fryslân. Tichtby it stasjon fan Drylts waard in trein ûnder fjoer nomd. Dêrby kaam de Mosquito ûnder fijannich fjoer te lizzen. It fleantúch draaide skerp en besocht leech oer it stasjon te fleanen om de minsken op it perron te jeien mar rekke dêrnei troch syn lege fleanhichte de beamtoppen op de Stedsleane en stoarte del. De twa bemanningsleden kamen dêrby om it libben. Se waarden begroeven op it algemiene begraafplak yn Drylts.

Efter de twa CWGC-grêven steane twa saneamde stele, by de grêven fan de Fryske fersetsstriders Hendrik Huizenga en Jurjen Hoomans. Beiden waarden by in razzia op 5 april 1945 yn Drylts oppakt. Mei trije oare fersetsstriders waarden se op 6 april 1945 troch de Dútsers fusillearre op de Sânfurderhoeke tusken Sondel en Nijemardum. Nei de oarloch, op 23 oktober 1946, waarden se opnij beïerdige op it algemiene begraafplak yn Drylts.