Aldetrine

	Aldetrine
	Bestjoer
Lân	Nederlân
Provinsje	Fryslân
Gemeente	Weststellingwerf
	Sifers
Ynwennertal	215 (1 jannewaris 2023)
Befolkingsticht.	9,89 km², wêrfan: ; - lân: 9,60 km² ; - wetter: 0,28 km²
Stêdekloft	22 ynw. / km²
	Oar
Postkoade	8479
Tiidsône	UTC 1
Simmertiid	UTC 2
Koördinaten	52° 51' N 5° 56' E
	Offisjele webside
	Side Sonnegea-Aldetrine
	Kaart
	;

Aldetrine (Nederlânsk: Oldetrijne; Stellingwerfsk: Ooldetriene) is in doarp yn de gemeente Weststellingwerf. It leit súdwestlik fan Wolvegea en noardeast fan Munnikebuorren. De taal fan 'e ynwenners is meast Stellingwerfsk. It doarp foarmet mei Sonnegea in twillingdoarp.

Aldetrine hat 215 (1 jannewaris 2023)^[2] ynwenners.

Skiednis

Aldetrine waard al yn in oarkonde út 1320 neamd as 'Oldentrinde'. De eardere herfoarme tsjerke wie oant de reformaasje oan Katarina fan Aleksanderje wijd.

Yn 1794 waard de tsjerke ferfongen troch in nije; ein 19e iuw barde dat nochris. Dy tsjerke wurdt hjoeddedei brûkt as doarpssintrum foar de doarpen Sonnegea en Aldetrine.

Der is in soad fean ôfgroeven yn dizze streek.

Súdeast fan Aldetrine kin mei in kabelpont foar fuotgongers en fytsers de Linde oerstutsen wurde rjochting Oldemarkt.

Mienskip

It doarpssintrum is yn 'e mande mei Sonnegea en underbrocht yn de eardere herfoarme tsjerke fan Aldetrine. Sonnegea-Aldetrine hat in histoaryske wurkgroep.

Skoalle

De mienskiplike iepenbiere basisskoalle mei Sonnegea hjit De Lantscheene, dat lângrins of doarpsgrins betsjut. Yn 2023 makke de gemeente bekend dat fanwegen brek oan bern de skoalle sletten wurdt.^[3]^[4]

Befolkingsferrin

Jier	1910	1959	1964	1969	1973	2007	2013	2021
Ynwenners	439	155	144	137	130	180	209	245

Berne

Herman Wesstra (1843-1911), arsjitekt
Hanneke de Jong (1952-), skriuwster

Publikaasje

Jan Boonstra, Henk Spijker, Grietje Postma: "Sonnega-Oldetrijne"

Strjitten

De Meenthe, De Weeren, Tsjerkhofsleane, Pieter Stuyvesantwei, Sonnegeawei.

Sjoch ek

Fryske doarpen.

Keppeling om utens

Boarnen, noaten en referinsjes

Boarnen, noaten en/as referinsjes:

Wikimedia Commons

Ofbylden dy't by dit ûnderwerp hearre, binne te finen yn de kategory Aldetrine fan Wikimedia Commons.

52° 52' NB, 5° 57' EL

	Weststellingwerf
Doarpen en útbuorrens: Aldeholtpea • Aldeholtwâlde • Aldetrine • Aldlemmer • Blesdike • De Blesse • Boyl • Easterstreek • Finkegea • De Hoeve • De Langelille • Munnikebuorren • Nijeholtpea • Nijeholtwâlde • Nijetrine • Nijlemmer • Noardwâlde • Pepergea • Sânhuzen • Skerpenseel • Slikenboarch • Sonnegea • Spangea • Steggerda • Teridzert • Wolvegea
Buorskippen: Boekelte • De Grêft • Rysberkampen • Skoattersyl (foar in part)
· ·

[1] ttps://opendata.cbs.nl/statline

[2] ttps://opendata.cbs.nl/statline

[3] Ljouwerter Krante, 20 oktober 2022

[4] Stellingwerf, 13 jannewaris 2023

[1]

[2]

[3]

[4]