Vickers Wellington

Vickers Wellington
Rol	Bommesmiter
Makker	Vickers
Earste flecht	15 juny 1936
Yn tsjinst	Oktober 1938
Ut tsjinst	Maart 1953
Tal makke	11.461 (1936-1945)
Brûkers	Royal Air Force, Royal Canadian Air Force, Fleet Air Arm, Poalske Loftmacht
Farianten	Vickers Warwick, Vickers VC.1 Viking

De Vickers Wellington wie in Britske twa-motorige, middelgrutte, lange-ôfstân bommesmiter dy't, mids jierren 30, ûntwurpen waard by Brooklands yn Weybridge yn Surrey, troch Vickers-Armstrongs haadûntwerper, R.K. Pierson. It tastel waard yn de earste jierren fan de Twadde Wrâldoarloch in soad brûkt as nachtbommesmter. Hy waard letter ferfongen troch swiere fjouwer-motorige bommewerpers sa as de Avro Lancaster en de Handley Page Halifax en foar in part troch de B-25 Mitchell (1943).
De Wellington waard wol de hiele oarloch troch ynset foar oare taken, sa as lesfleanmasjine en radarfleanmasjine, mar fral as in anti-dûkboat bestrider by de Kustwacht (Coastal Command). It wie ek de ienichste bommewerper dy't de hiele oarloch troch makke bleaun is. De Wellington wie bekend ûnder de poppenamme Wimpy, neamd nei J. Wellington Wimpy út de Popeye tekentelsjes.

Wellington Mark Ia, mei en profile Mark I (Vickersturrets), Mark II (Merlin motoren), Mark III (Hercules motoren, 4-gun sturtturret), GR Mark VIII (maritime ferzje Mark Ic, metric radar) en GR Mark XIV (maritime ferzje Mark X, centimetric radar). De geodesyske konstruksje fan de fleugels is goed te sjen.

De Wellington hie in saneamde geodesyske konstruksje fan aluminium spanten dy't him tige sterk makke en in soad skea ferneare koe. Untwerper Barnes Wallis, ynspirearre troch de loftskipbou, paste dy konstruksje earder ta op de Vickers Wellesley, in lichte bommewerper fan foar de oarloch.

De Wellington wie ien fan de twa bommewerpers dy't neamd is nei Arthur Wellesley, 1e Hartoch fan Wellington de oare is de Vickers Wellesley. Der binne yn totaal 16 farianten fan de Wellington produsearre.

Technyske feiten (B.Mk.III)

• Motoren: 2 x Bristol Hercules-XI-stjermotoren fan 1500 HK (1119KW) it stik
• Spanwiidte: 26,26 m
• Lingte: 18,54 m
• Hichte: 5,31 m
• Leechgewicht: 8.417 kg
• Fleangewicht: 13.381 kg
• Bemanning: 6
• Grutste faasje: 410 km/o op 3.810 m
• Tsjinstfleanhichte: 5790 m
• Fleanberik: 2.478 km
• Bewapening: 2 x Browning M1919 MGn, kaliber .303 (Britsk) (7,7 mm), 4x 7,7-mm-MG yn de sturt, 2x 7,7-mm-MG wjerskanten romp, oant 2.041 kg bommen ynwindich

Technyske feiten (Mk.X)

• Motoren: 2 x Bristol Hercules VII/XVI 14-silinder-dûbbelstjermotor fan 1585 HK it stik
• Spanwiidte: 26,30 m
• Lingte: 19,70 m
• Heech: 5,35 m
• Leechgewicht: 11.500 kg
• Fleangewicht: 14.300 kg
• Bemanning: 6
• Grutste faasje: 408 km/o
• Tsjinstfleanhichte: 7325 m
• Fleanberik: 2125 km
• Bewapening: seis x 7,7 mm Browning MGn; Bommelading maks. 2720 kg

Keppeling om utens

• Wellington bemannings en harren ûnderfinings
• Wellingtons of 26 Squadron SAAF Wellingtons flein yn WWII troch it 26 Squadron SAAF yn Takoradi, Goudkust, West-Afrika as dûkboatbestriders.

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Category:Vickers Wellington fan Wikimedia Commons.