Sarah Chronis

Sarah Chronis (Amsterdam, 27 augustus 1986) is in Nederlânsk aktrise. Hja is benammen bekend fan har rol as Eva Persijn yn 'e soapsearje Onderweg naar Morgen.

Sarah Chronis
akteur
persoanlike bysûnderheden
echte namme	Sarah Chronis
nasjonaliteit	Nederlânsk
berne	27 augustus 1986
berteplak	Amsterdam (Noard-Hollân)
etnisiteit	Gryksk Nederlânsk
jierren aktyf	2001 – no
offisjele webside
Sarah Chronis yn 'e IMDb

Libben en karriêre

Jonkheid en oplieding

Chronis waard yn 1986 yn Amsterdam berne as de dochter fan aktrise Adriënne Kleiweg en de Grykske ûntwerper en keunstner Jorgos Chronis. Hja is de suster fan aktrise Iwana Chronis en fan DJ Mason (Iason Chronis). Chronis folge op 'e middelbere skoalle in HAVO-oplieding. Nei't se slagge wie foar har eineksamens, wurke se in fearnsjier as frijwillichster yn in weeshûs yn Brazylje. Werom yn Nederlân liet Chronis har ynskriuwe oan it konservatoarium om sang te studearjen, mar nei in jier besleat se dat dy oplieding tefolle talein wie op jazz, en hold se dermei op. Neitiid folge se aktearoplieding oan 'e Toanielakademy Maastricht.

Karriêre

As teenager siet Chronis op it Kinderen voor Kinderen-koar. Letter hie se û.m. in gastrol yn 'e komeedzjesearje Oppassen!!! en spile se de rol fan Loretta Danze yn tolve ôfleverings fan 'e rige Rozengeur & Wodka Lime. Yn 2005, fuort nei't se út Brazylje weromkommen wie, krige se de fêste rol fan Emma Romein yn 'e soapsearje Het Glazen Huis, dy't lykwols fanwegen ôffallende sjochsifers nei in pear moanne al fan 'e tillefyzje helle waard. Fan 2006 oant 2009 fertolke se fierders de rol fan Eva Persijn yn in oare soapsearje, Onderweg naar Morgen.

Chronis spile ek yn tillefyzjesearjes as Shouf Shouf!, Flow en Kinderen Geen Bezwaar. Fierders stie se op 'e planken as de boasaardige Sharpay Evans yn 'e reizgjende musical High School Musical, en hie se in rol yn it toanielstik De Vagina Monologen fan 'e Amerikaanske skriuwster Eve Ensler. Har debút as filmaktrise makke Chronis yn 2012 yn 'e komeedzjefilm Alleen Maar Nette Mensen. Yn 2014 spile se in ûntfieringsslachtoffer dat fereale rekket op ien fan har ûntfierders yn 'e rouwe dramafilm Bloedlink. Ek wie se yn 2015 te sjen as Hannah Hamel yn 'e searje Meiden van de Herengracht.

Yn 2019 die Chronis mei oan it njoggentjinde seizoen fan it realitytillefyzjeprogramma Wie is de Mol?, wêryn't se presintatrise Merel Westrik ûntmaskere as de mol, en sa it spul wûn. Fan maaie 2019 ôf spile Chronis in pearke yn 'e dramasearje Nieuwe Burenmei akteur Kay Greidanus, mei wa't se ek yn it echte libben in relaasje hat.

Filmografy

Filmografy as aktrise
jier	titel	rol of funksje	opmerkings
tillefyzje
1997	Oppassen!!!	Karen	gastrol; ôfl. Oppasopa's
1997	Kinderen voor Kinderen	harsels	sjongster yn it Kinderen voor Kinderen-koar
2002	Oppassen!!!	Katja	gastrol; ôfl. Stilte A.u.b.
2004	Rozengeur & Wodka Lime	Loretta Danze	weromkearende rol; 12 ôfl.
2005	Het Glazen Huis	Emma Romein	fêste rol yn in soapsearje
2006	Onderweg naar Morgen	Dionne van Dam	gastrol; 1 ôfl.
2006–2009	Onderweg naar Morgen	Eva Persijn	fêste rol yn in soapsearje
2007	Shouf Shouf!	Chantal	gastrol; ôfl. Autorijschool Mussi
2007	Jensen!	harsels	gast yn in praatprogramma
2008	Flow	Lana	fêste rol
2008	Taxi 656	sjongend famke	tillefyzjefilm
2009	Ik Kom bij Je Eten	harsels	dielnimster oan in realitytillefyzjeprogramma
2011	Kinderen Geen Bezwaar	Lidewij	gastrol; ôfl. Vrouwelijk Richtingsgevoel
2011	Truman	harsels	dielnimster oan in realitytillefyzjeprogramma
2011	Seinpost Den Haag	Natascha	weromkearende rol; 8 ôfl.
2014	Flikken Maastricht	Evelyn Keus	gastrol; ôfl. Ciao
2015	Meiden van de Herengracht	Hannah Hamel	weromkearende rol; 8 ôfl.
2015	Divorce	Fleur	gastrol; ôfl. Het Einde van het Begin
2015	Bureau Raampoort	Nadine van Haaften	minysearje
2017	Flikken Rotterdam	Sylvia van Dijk	gastrol; ôfl. All-in
2017	Centraal Medisch Centrum	Lana Vos	gastrol; 2 ôfl.
2018	Suspects	Aleid van Rossum	gastrol; ôfl. Missie Mali
2019	Wie is de Mol?	harsels	dielnimster oan in realitytillefyzjeprogramma
2019	Goede Tijden, Slechte Tijden	Romy Dublois	gastrol
2019	Nieuwe Buren	Sophie van Velzen	fêste rol
2019	DNA	Josje de Wit	gastrol; ôfl. #1.10
2020	Het Sinterklaasjournaal	juf Marjolijn	gastrol; 1 ôfl.
films
2012	Alleen Maar Nette Mensen	famke yn restaurant
2014	Bloedlink	Laura Temming
2015	Dames 4	Rosa
2017	Alles voor Elkaar	Nicole
2018	Zwaar Verliefd!	Marleen
2018	Bon Bini Holland 2	mem fan gesin / klant by FC Kip
2020	Zwaar Verliefd! 2	Marleen

Keppelings om utens

• (in) Folsleine filmografy fan Sarah Chronis yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch: dizze side.