Santy Yndianereservaat

It Santy Yndianereservaat (Ingelsk: Santee Indian Reservation) is it reservaat fan 'e federaal erkende Santy Sû Naasje (Santee Sioux Nation) yn it noardeasten fan 'e Amerikaanske steat Nebraska.

Santy Yndianereservaat Santee Indian Reservation
De Congregational Church, in nasjonaal monumint.
polityk
haadplak	Niobrara (Nebraska)
stamme	Santy Sû Naasje
lân	Feriene Steaten
steat	Nebraska
sifers
ynwenners	878 (2000)
oerflak	447,8 km²
bef.tichth.	2,0 / km²
oar
stifting	1863
tiidsône	UTC-6
simmertiid	UTC-5
webside	www.santeedakota.org
kaart
Yndianereservaten yn 'e steat Nebraska. It Santy Reservaat is werjûn yn read.

Algemien

Om persiis te wêzen leit it reservaat yn Knox County, oan 'e súdigge fan 'e rivier de Missoury, dy't dêr de grins mei Súd-Dakota foarmet. Neffens offisjele gegevens fan 'e Amerikaanske folkstelling fan 2000 wennen der doe 878 minsken yn it reservaat, wêrfan't 64,1% Yndianen wiene, en 33,7% blanken. It Santy Reservaat hat in oerflak fan krapoan 450 km². It haadkertier fan 'e stamme is fêstige yn Niobrara, dat feitliken bûten it reservaat leit; it grutste plak ýn it reservaat is it doarp Santee, fuort oan 'e noardgrins.

Skiednis

De namme fan it reservaat, Santy (Santee), is in alternative (no grutdiels ferâldere) beneaming foar de Eastlike Dakota, foar wa't it reservaat bedoeld wie. It waard yn maart 1863 oprjochte troch it Amerikaanske Kongres, al liet de formele erkenning troch de Amerikaanske presidint noch op him wachtsje oant febrewaris 1866.

De grûn waard sa ferdield: 133 km² foar de bou fan wenten (homesteads), 157½ km² foar yndividueel tawiisd weidlân, 4,6 km² foar it agintskip fan it Buro fan Yndiaanske Saken, in skoalle en in missy, en de rest as mienskiplik eigendom fan 'e stamme.

Keppelings om utens

• (in) Offisjele webside fan it Santy Yndianereservaat

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.