Novosibirsk (oblast)

Novosibirsk (Russysk: Новосибирская область, Novosibirskaja oblast) is in oblast fan Ruslân. De haadstêd Novosibirsk leit 3.191 km fan Moskou.

Novosibirsk oblast Новосибирская область
flagge	wapen
polityk
soarte gebiet	Oblast
lân	Ruslân
federaal distrikt	Sibearje
ekonomyske regio	West-Sibearje
haadplak	Novosibirsk
grutste plak	Novosibirsk
taal	Russysk
Etnyske groepen	Russen (88,74%), Dútsers (1,16%) Tataren (0,91%), Oekraïners (0,83%) (stân: 2010)
sifers
ynwennertal	2.780.292 (2022)
oerflak	177.756 km²
befolkingstichtens	15,64 ynw. / km²
oar
stifting	28 septimber 1938
tiidsône	UTC 7 (MSK 4))
koördinaten	55° 27' N 79° 33' E
webside	www.adm.nso.ru

Geografy

It gebiet leit yn it súdeastlike diel fan it Westsibearyske Leechlân tusken de Ob en de Irtysj. De oblast grinzget oan de oblasten Tomsk (noarden), Kemerovo (easten), de kraj Altaj (suden), oan de lângrins fan Kazachstan (súdwesten) en oan de oblast Omsk (west).

Foar it measte is it lânskip fan de oblast flak. Allinne de súdeastlike steppes hawwe wat mear reliëf. It noardlike diel bestiet út bosk. De oblast is ryk oan marren, wêrfan't de grutste marren yn it suden lizze. De grutste mar is de Tsjanymar, dy't troch de oanlis fan keunstmjittige eilannen en damen foar in diel opdrûge is. Oare marren binne de Sartlanmar en de Ubinskojemar. De rivieren yn de krite rinne nei de Ob.

Skiednis

De oblast waard op 28 septimber 1938 oprjochte.

Befolking

De befolking is foar mear as 90% Russysk. Dústers, Tataren en Oekraïners binne etnyske minderheden yn de oblast, mar dy wurde yn oantal lytser. Dêrfoaroer hawwe in soad minsken út de Transkaukaazje en Sintraal-Aazje harren yn de oblast nei wenjen set.

Befolkingsferrin

Jier	1926	1939	1959	1970	1979	1989	2002	2022
Ynwenners	1.588.000	1.863.000	2.299.000	2.505.000	2.618.000	2.782.000	2.692.300	2.780.292

Bestjoerlike yndieling en stêden

Haadstêd is Novosibirsk. De stêd is ek it bestjoerlike sintrum fan it Federaal Distrikt Sibearje. Njonken Novosibirsk binne Berdsk, Iskitim, Kûibysjev en Barabinsk de grutste stêden.

De oblast is ûnderferdield yn 30 rajons en 5 stedsdistrikten. Meiïnoar binne der 14 stêden en 17 plakken mei in stedsk karakter.

Stasjon Novosibirsk

Grutte stêden

Stêd	Namme	Wapen	Ynwenners	Lokaasje
Novosibirsk	Новосибирск	1.621.330 (2022)		55° 01' N 82° 55' E
Berdsk	Бердск	103.544 (2022)		54° 45' N 83° 06' E
Iskitim	Искитим	55.433 (2022)		54° 38' N 83° 18' E
Kûibysjev	Куйбышев	43.195 (2022)		55° 27' N 78° 18' E
Barabinsk	Барабинск	28.546 (2022)		55° 21' N 78° 21' E

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis: de:Oblast Nowosibirsk Commons Wikimedia Commons  Ofbylden dy't by dit ûnderwerp hearre, binne te finen yn de kategory Novosibirsk Oblast fan Wikimedia Commons.