Kristiansand

Kristiansand is in stêd yn Noarwegen. It is de haadstêd fan de provinsje (yn it Noarsk fylke) Agder. De stêd leit oan de kust, by de mûning fan de rivier de Otra, yn it fierste suden fan it lân.

Kristansand
Kristiansand
Wapen
Polityk
Lân	Noarwegen
Provinsje	Agder
Gemeente	Kristiansand
Stedsyndieling	12 stedsdielen
Sifers
Oerflak	276,37 km2
dêrfan lân	260,07 km2
dêrfan wetter	16,3 km2
Ynwennertal	112.588 (2021)
Befolkingstichtens	352 inw./km
Oar
Stifting	1641
Tiidsône	UTC 1
Simmertiid	UTC 2
Offisjele webside
Offisjeel webstee
Kaart

Net te betiizjen mei Kristiansund, in stêd yn 'e midden fan Noarwegen.

Kristiansand is in relatyf jonge stêd, dy't yn 1641 troch de Deenske kening Kristiaan IV stifte waard. It sintrum fan de stêd, kvadraturen, wurdt skaaimerke troch in folslein rjochthoekich strjittepatroan.

As 'haadstêd fan it Suden' lûkt it plak in soad fakânsjegongers út Noarwegen. By de stêd leit in bistetún, Dyreparken, dêr't ek in attraksjepark oan keppele is. Alle jierren yn july wurdt it festival Quart holden, ien fan de grutte festivals yn Noarwegen.

Ynfrastruktuer

Ut Kristiansand wei sette fearboaten ôf fan de rederijen Color Line en Fjord Line nei Hirtshals yn Denemark. Sûnt 2022 hat de rederij Holland Norway Lines in fearferbining opset fanút de Eemshaven yn Grinslân.

Troch Kristiansand rinne twa wichtige dyken. De E18 ferbynt de stêd mei Oslo. De E39 ferbynd Kristiansund mei Stavanger

Kristiansund leit oan de spoarline fan Oslo nei Stavanger, it stasjon leit njonken de fearhaven en is der troch in kopstasjon. It fleanfjild Kjevik leit krekt bûten de stêd Kristiansand, en hat ferbiningen mei Oslo, Bergen, Stavanger, Keappenhaven en Amsterdam.

Berne yn Kristiansand

• Anton Jörgen Andersen, Komponist
• Jens Bjørneboe, skriuwer
• Camilla Collett, skriuwster
• Mette-Marit fann Noarwegen, frou fan de Noarske kroanprins
• Agnes Kittelsen, aktrise
• Petter Rudi, fuotballer
• Fredrik Strømstad, fuotballer
• Andreas Thorkildsen, atleet, wrâldkampioen
• Henrik Wergeland, dichter

Galery

• 
  De rivier Otra rint troch de stêd
• 
  Jachthaven
• 
• 
  Domtsjerke
• 
  Strânpromenade
• 
  Kristiaan IV fan Denemark en Noarwegen
• 
  Christiansholm
• 
  Fearhaven yn kristiansand
• 
  Stasjon fan Kristiansand

Boarnen, noaten en referinsjes

Boarnen, noaten en/as referinsjes:

Kristiansand en omkriten (ned) Kristiansand Zoo en Ferdivedaasjepark www.kristiansand.kommune.no Webstee Kristiansand Commons Wikimedia Commons  Ofbylden dy't by dit ûnderwerp hearre, binne te finen yn de kategory Kristiansand fan Wikimedia Commons.