De Weyert

De Weyert is in achtkante stellingmole yn Makkingea út 1868. De wynmûne hat as funksje nôtmûne.

De Weyert
mûne / mole
lokaasje
provinsje	Fryslân
gemeente	Eaststellingwerf
plak	Makkingea
adres	Lyclamawei 15
koördinaten	52° 58' N 6° 13' E
bysûnderheden
type mûne	stellingmûne
funksje	nôtmûne
flecht	19,10 meter
boujier	1868
oare ynformaasje
eigner	Gem. Eaststellingwerf
monumintale status	ryksmonumint
monumintnûmer	31725
Webside
Museum mûne Makkingea
Kaart

Skiednis

Oarspronklik waard de mûne yn 1868 op De Gordyk boud en dêr brûkt as houtseachmole.

Yn 1913 ferhûze de mûne nei it buorskip Twitel by Makkingea. Yn 1925 ferhûze de mûne op 'e nij nei it hjoeddeiske plak.

Yn 1984 wie der in restauraasje. Eigner fan de mûne is de gemeente, de mûne wurdt beheard troch Stifting nôtmole De Weyert. It is in ryksmonumint.

De Weyert ferwiist nei Weyert Zeephat, de mounder dy't de mûne yn Twitel en dêrnei yn it doarp werbouwe liet en oant de âldens fan 90 jier op 'e mûne wurke.

Beskriuwing

De Weyert is in achtkante, reiddutsen stellingmûne op in fjouwerkante, foar in part stiennen ûnderbou. De wjukken fan de mûne hawwe in selsswichtingsysteem (kleppen ynstee fan seilen) en hawwe in flecht fan 19,10 meter. De stelling is 6,35 meter heech.

Gebrûk

De Weyert is in mealreeë mûne en der is in winkel foar produkten fan de mûne. Yn 'e ûnderbou fan de mûne is it museum Oold Ark ûnderbrocht mei in samling âld reau.

Sjoch ek

• Mole yn Fryslân

Keppeling om utens

• Moledatabank oer De Weyert

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory De Weyert fan Wikimedia Commons.