Siaslacht bi Haliglun (1864)
 Tekst üüb Fering
|
De Siaslacht bi Haliglun (üüb Tjiisk: Seegefecht bei Helgoland of Seegefecht vor Helgoland, üüb Deensk: Søtræfningen ved Helgoland of Slaget ved Helgoland) wiar en siaslacht uun't Nuurdsia, dat de 9. Mei 1864 uun de Naist Sleeswich-Holstians Krich twesken a siastridjkreeften faan Preussen an Uasterrik üüb det ian sidj an a siastridjkreeften faan Denemark (komandöör: Edouard Suenson) üüb det öler sidj wiar. De uasterriks komandöör Wilhelm von Tegetthoff bruch a slacht uf, üüs sin flagskap ial fanget, an toog ham mä sin geschwaader iin uun't skül faan dön neutraal weedern faan Hailglun turag, dat do tu det Ferianigt Köningrik hiart. Uk wan a deensken a slacht woon, hed det neen iinflööd muar üüb a ferluup faan a krich, auer al de 12. Mei en algemian woopenrau iin uun kreeft treed, an Denemark hed a krich ferleesen. Det wiar de letst siaslacht twesken holtskeb an tu salew tidj de letst, diaruun Denemark paart hed.
A Skeb
[Bewerke | Kweltekst bewerke]| Denemark | Uasterrik | Preussen |
|---|---|---|
| Niels Juel | SMS Schwarzenberg | Preußischer Adler |
| Jylland | SMS Radetzky | SMS Blitz |
| Hejmdal | SMS Basilisk |
Det deensk skap Jylland lait nü uun en museeum uun Ebeltoft, bi Aarhus.