Läigem/mo

Täkst aw mooringer frasch

Läigem of Sööderläigem (ap Tjüsch: Süderlügum, ap Dånsch: Sønder Løgum) as en gemiine önj e Kris Nordfraschlönj. Önj’t norden lade et norddiilj foon e gemiine Humptoorp än e gemiine Älhood, önj’t ååsten läit Weestre, önj’t sööden lade e gemiine Leeksguurd än Braarep, önj’t söödweesten läit et sööddiilj foon e gemiine Humptoorp än önj’t weesten Oowentoft. Et heet 2290 manschne (2019)^[1].

Geografii

E gemiine läit önj e Kårhiird. E Ooksenwäi gungt dör e gemiine.

Di Natörschöölberik Swuunsmååre än Kråånikmååre (Naturschutzgebiet Schwansmoor und Kranichmoor) läit önjt ååsten foon e gemiine.

Histoore

Läigem wörd 1177 for di jarste keer schraftlik nååmd. Foon 1889 tu 2007 wus dåt e hoodstää foont Åmt Läigem. Di 28. önj e Biikenmoune 1970 wörd Wimelsbel diilj foon e gemiine.

Di 1. önj e Ismoune 2008 wörd e gemiine diilj foont Åmt Söödtuner.

Toorpe

Läigem (Süderlügum) läit önj e mal foon e gemiine.
Läigemfälj (Süderlügumfeld)
Wimelsbel (Wimmersbüll/Vimmersbøl) läit önjt weesten foon e gemiine.

Ferkiir

Läigem heet en hüüljpunkt aw e Mjarschboon. E hüüljpunkt as di leeste, for e boon e gränse tut Dånsch ouergungt.

Stroote:

Loonsstroote 1
Loonsstroote 2
Loonsstroote 192
Loonsstroote 301

Politiik

E gemiine heet 13 sate önj’t gemiinefertreesing. Sunt e wool önjt iir 2018 heet:

CDU: 3 sate.
SPD: 3 sate.
SSW: 4 sate.
WGS: 3 sate^[2].

Wjartschap

Foole winkraftmeelne stönje önjt norden foon e gemiine, twasche e Gränsstroot (Grenzstraße) än e gräns tu e gemiine Älhood.

Kwäle

[1] Nordfriesland: County in Schleswig-Holstein, citypopulation.de

[2] Ergebnis Kommunalwahl Süderlügum 2018, Amt Südtondern

[1]

[2]