Ernst Nicol

Tekst üüb Öömrang

Redangsbuat efter Nicol sin föörstelangen

Ernst Willy Nicol (* 12. Detsember 1923 uun Flensborag; † 8. Oktuuber 2022) wiar en skapsbauinjenöör.

Leewent

Ernst Nicol liard iarst skapsbauer bi't Flensburger Schiffbau-Gesellschaft. Efter a Ööder Weltkriich werket hi bi a Kröger bredern üüb't Husumer Schiffswerft, iar hi 1987 uun rente ging. Hi hää flook skapstypen tiakent, det wiar containerskeb, faskkodern, slebern, an uk pasajiirdampern an jachten.

Bekäänd wurden as Nicol mä san ploon för en slööden redangsbuat, wat ei onergung küd. Diar kaam hi üüb, üs hi uun a Hüsemer huuwen en blikduus siig, wat ei onerging. Sin werew wul diar oober ei föl faan wed, an so hää hi di ploon üüb aanj reegnang widjer ferfulagt. Ham ging det diaram, dat minsken uun sianuad flooksis uk uun en redangsbuat noch amkaam, auer det amkapt of folrinjd. Diaram hää hi sin slööden redangsbuat 1954 üs patent uunmeldet. Enkelt werwer haa do uk sok buaten baud, man iarst 1960 wurd jo internatsionaal tuläät. An iarst 1983 san jo aueraal föörskrewen wurden, do wiar sin patent oober al loong uflepen, an hi hed diar niks muar faan. 2013 füng hi oober imerhen noch det bundesfersiinstkrüs.

Luke uk diar

• Ernst Nicol: Retter der Seeleute, 7. Nofember 2015 (sh:z)