Ahi ! fait-il, Renart, Renart,
Encor pendrez à une hart,
Se de ceste puis eschaper
Je vos cuit tant batre et fraper.
Ha ! Diex, ce dist Tybert li Chaz,
Con nos a mort cil ort rachaz,
Cil rous puans, cil bareterres !
Séu sera par toutes terres.
Es-vos poingnant sire Frobert
Et Dant Costant et Dant Robert,
Dant Brun oïrent gramenter.
Lez la paroi vont escouter,
Qant il oent que c’est Dant Bruns,
Par les denz bieu, ce dist li uns,
C’est Bruns li Ors, li Chaz Tybert,
Ne li aura mestier haubert,
Qu’autre foiz m’ont-il fet domage.
Par poi que li vilains n’enrage,
Il apele toz ses voisins
Et ses parenz et ses amis.
Or ça, baron, or ça, à l’ors !
Et li vilain viengnent le cors,
Qu’il portent flael et maçue,
Grant merveille est s’on ne le tue.
Tigarz i vint, Brisefouace,
Et le filz Robert de la Place,
Et Hondeberz, Bruisebrachie
Néis sa fame a-il huchie :
Page:Le Roman du Renart, 1826, tome 1.djvu/372
Le texte de cette page a été corrigé et est conforme au fac-similé.
