Saarõ Evar

Saarõ Evar (Evar Saar, sünd. 1969) om keeletiidläne, aokiränik ja talopidäjä. Tä om perit Urvastõ kihlkunnast Horma küläst Vahtsõ-Horma talost. Evar om Võromaa inemiisi käest kor'anu kümnit tuhandit kotussõnimmi, noid uurnuq nink noist loonuq Aoluulidsõ Võromaa Kotussõnimmi Andmõbaasi (AVKA). Kotussõnimeq omma kantuq avaligult Eesti põhikaardi ja erälde kihina Maa-ammõdi kaardiserveri kotussõnimmi rakõndusõ pääleq. Tä om olnuq võro aabidsakogo ja sõnaraamadu tüürühmä liigõq, om kirotanuq võrokeelitsit juttõ ja luulõtuisi Umalõ Lehele, Võro-Seto tähtraamatuhe ja muialõ, tennüq võrokeelitsit raadiosaatit nink mitmit kõrdo üles astnuq Kaika suvõülikoolõn. Evar om opanu Tarto Ülikoolin võro kiilt ja juhtnuq tudõngidõ keelekorjust. 2014. a tull´ vällä Saarõ Evari luulõtuisi kogo.

Haridus

• 1984-1987 Osola Põhikuul
• 1987-1996 Võro I Keskkuul
• 1996-2001 Tarto Ülikuul, B.A. aokirändüsen
• 2001-2002 Tarto Ülikuul, M.A. eesti ja soomõ-ugri keeletiidüsen
• 2002-2008 Tarto Ülikuul, PhD eesti ja soomõ-ugri keeletiidüsen

Tüükotussõq

• 1995-2004 Võro Instituudi spetsialist-kotussõnimeuurja
• aastagast 2004 Võro Instituudi tiidrü

Ütiskundlinõ tegevüs

• Evar om Võro Seldsi VKKF juhatusõ liigõq. Aastagil 1997-1998 oll' tä juhatusõ edemiis.
• Sõmmõrpalo vallavolikogo liigõq.

Teossõq

• "Võrumaa kohanimede analüüs enamlevinud nimeosade põhjal ja traditsioonilise kogukonna nimesüsteem", Tarto, 2008, doktoritüü.
• „Kõnõla mõtsan mädänü puuga. Luulõtuisi aastist 1991-2014“, Vahtsõ-Horma talu, 2014.

Tunnustusõq

• 2004 - Valgõtähe V klass

Välislink

• Aoluulidsõ Võromaa Kotussõnimmi Andmõbaas
• Saarõ Evar: tiidmise olõ saanu Võrumaa inemiisi käest. Uma Leht 16. joulukuu 2008
• Ojari Triinu. Vällä om tulnu kats mõtsahõngolist umakiilset raamatut. Uma Leht 9. süküskuu 2014