Valli

El valli de Fljótsdalur nel esti d'Islandia es un ejempru dun valli d'escuasu relievi.

Vallis Calchaquíes ena provincia de Salta, Argentina.

Un valli (del latín vallis) es una depressión dela superficie terrestri entri dambas dos vertientis, con forma incliná i alargá, que conforma una cuenca idrográfica nel suyu hondón s'aloja un cursu fluvial.

Nun relievi jovin preominan los vallis «en V», caraterísticu delos vallis fluvialis: las vertientis, pocu modelás pola erosión, convergin nun hondón mu estrechu. Pol contrariu, un estau avançau dela erosión da lugal ala delos vallis aluvialis, de hondón planu i cumpriu, hechus pol depósitus aluvialis entri los qualis puei divagal el cursu d'agua. Los vallis en U, caraterísticus delos vallis o "artesas" glacialis, tienin las sus pareis mu íngrimis i el hondón cóncavu. En ciertus casus, al retrocedel un antiguu glaciar, el lechu d'unu delos sus afluentis qu'a muncha artura por cima del de aquel i desemboca ena su vertienti, a menúu, formandu saltus d'agua. Un tercel tipu de valli es en forma de cuna o batea: son cumprius, de suavi pendiente i superficialis.

Quandu un riu es caturau pol otru o quandu el suyu lechu es cerrau pol morrenas u otru tipu de depósitus, qu'a más abaxu un valli muertu o riu decapitau, que ya nu tien un cursu d'agua. Notrus cassus, un valli nu tien salia natural, pol cerra-lu una contrapendienti, i las aguas que por él discurrin penetran nel suelu i prosigui el cursu suyu puna redi suterránea. Esus vallis ciecus son propius delos terrenus cársicus. Assimesmu, en muchas regionis árias los rius nu puein salil dela su cuenca idrográfica, discurriendu pol vallis endorreicus. Un valli puei abel siu íntegramenti escavau nun terrenu sedimentariu pol el su cursu d'agua, inque polo general, esti s'abri pasu pol depressionis d'origin tectónicu. Sigún sean estas, se tien un valli de fratura, de fossa, d'ángulu de falla, etc. Un valli longitudinal está orientau paralelamenti a los plieguis duna cordillera, en tantu que un valli apescolau es perpendicular a ellus.

En latitudis i altitudis más baxas, estus vallis formaus glacialmenti puein abel siu creaus o ampliaus duranti glaciacionis inque ogañu están libris de yelu i ocupaus pol arroyus u rius. En çonas desérticas, los vallis puein estal completamenti secus o lleval un cursu d'agua so en contás ocasionis. En çonas cársticas de roca caliça, los vallis secus tamién puein sel el resultau dun drenaji suterráneu en lugal de superficial. Los vallis del Rift surgin prencipalmenti delos movimientus dela tierra, más que dela erosión. Los geógrafus describin muchus tipus deferentis de vallis, gastandu términus que puein sel d'ussu global u aplica-si solu localmenti.

Formación de vallis

Los vallis puein forma-si pol destintus processus. Lo mejol es que surgin pola erosión duranti largus periodus pol movimientu del agua i se conocin cumu vallis fluvialis. Normalmenti, los vallis que continin arroyus alimentan vallis más grandis que, a la vezi, alimentan vallis más grandis de nuevu, llegando finalmenti al mari u ábati a una cuenca de drenaji interna. Enas çonas polaris i a gran altitú, los vallis puein sel erosionaus pol glaciaris; estus suelin tenel un perfil en forma de U en sección transversal, en contrasti colos vallis fluvialis, que tiendin a tenel un perfil en forma de V. Otrus vallis puein surgil prencipalmenti pol procesus tetónicus cumu el rifting. Los tres processus puein contribuyil al desenvolvimiento dun valli a lo largu del tiempo geológicu. La parti plana (o relativamenti plana) dun valli entri los sus laus se denomina hondón del valli. El hondón del valli sueli estal formau pol sedimentus fluvialis i puei tenel terraças fluvialis.

Vallis fluviales

El valli del riu Halikko en Halikko, Finlandia

Valli del riu Palakaria que tieni nacencia en Vitosha Montaña, véasi al hondón, en Bulgaria

El desenvolvimiento dun valli fluvial dépendi delas caraterísticas del lechu rocosu pol que discurri el riu u arrayu, dela deferencia d’altitú entri la su parti superiol i inferiol i, pol supuestu, del clima. Pol general, el caudal aumenta riu abaju i la pendienti diminuí. Nel valli superiol, la correnti erosionará más eficazmenti el suyu lechu pol corrasión pa producil un valli en horma de V de laus empinaus. La presencia de bandas de roca más resistentis, de fallas geológicas, fracturas, i pliegues puei determinal el cursu del arrayu i dal lugal a un cursu tortuosu con espolones entrelazados.

Nel valli meyu, nel que han confluíu numerous arrayus, el valli sueli sel más anchu, el fluju más lentu i puein producil-si tantu erosión cumu deposición. Ena sección meya del cursu dun riu se produci más erosión lateral, ya que las huercis corrientis nel esteriol dela su curva erosionan la orilla. Pol contrariu, la deposición puei tenel lugal nel interiol delas curvas, ondi la correnti es muchu más lenta, lo que aizi que el riu adoti un caratel meandriforme. Nel valli inferiol, los gradientis son más bajus, los meandrus puein sel muchu más amplius i el resultau puei sel una llanura de inundación más ancha. La deposición domina sobri la erosión. Una cuenca fluvial u de drenaji típica incorporará ca unu d’estus deferentis tipus de vallis.

Algunas secionis duna correnti u vallis fluvialis puein habel incisu verticalmenti el suyu cursu ata tal puntu que el valli que ocupan se describi mejol cumu una garganta, barrancu u cañón. La rápia reducción del cauci puei debel-si a la elevación localiça dela superficie terrestri u al rejuvenecimiento del cursu d’agua cumu resultau, pol ejempru, duna reducción del niveli de basi al que se erosiona el riu, pol ejempru, la disminución del niveli global del mari duranti una edad de hielo. Tal rejuvenecimiento tamién puei dal lugal a la producción de terrazas fluvialess.

Vallis glaciares

Valli en horma de U nel Afon Fathew cerca de Dolgoch, Galis

Un valli glaciar nel Mount Hood Wilderness amostrandu una caraterística horma de U, la acreción rocosa de "escombrus" del hondón i los amplius hombrus

.

Dessistin varias hormas de vallis asociaus a la glaciación. Los verdaderus vallis glaciares son los que han siu cortaus pol un glaciar que puei u nu siguil ocupandu el valli ena atualidá. Estus vallis tamién puein denominar-si fosas glaciares. Suelin tenel una sección transversal en horma de U i son caraterísticus delas çonas montañosas enas que s’a producíu u se sigui produciendu glaciación.

La parti superiol dun valli glaciar sueli estal hormá pol una u más cavidadis en horma de sillón, u 'circos', escavás pol movimiento de rotación ladera abaju dun glaciar de circu. Duranti los periodus glaciares, pol ejempru, duranti el Pleistoceno, es en estus lugaris ondi se horman inicialmenti los glaciares i endispués, a midía que avança la era glaciar, se extiendin ladera abaju a través de vallis que préviamenti habían siu formaus pol agua en lugal de yelu. La abrasión pol movimiento del yelu i, en particulal, del material rocosu incrustau nel, provoca el ensanchamiento i la profundización del valli pa producil la caraterística horma de U u artesa con laus relativamenti empinaus, inclusu verticalis, i un hondón relativamenti planu.

Los espolones entrelazadoss asociaus al desenvolvimiento delos vallis fluvialis se erosionan preferentementi pa producil espolones truncadoss, típicus delos paisajis montañosus glaciares. El estremu superiol dela depresión pol abaju delos circos que apurtan yelu puei sel un estremu del valli en horma de U u final de depresión. Los escalonis de vallis (u 'escalonis de roca') puein sel el resultau de deferentis tasas de erosión debías tantu a la naturaleça del lechu rocosu (dureça i juntas, pol ejempru) cumu a la huerça del yelu en movimiento. En algunus lugaris, puei escaval-si una cuenca rocosa que más tardi puei llenal-si d’agua pa hormal un lago cintiforme u bien de sedimentus. Enas çonas costeras se alcuentran fiordos d’esti tipu. La horma del valli resultanti de todas estas influencias solu puei aicel-si visibli tras el retrocesu del glaciar que lo horma. Un riu u arrayu puei permanecel nel valli; si es más chicu delo que cabría esperal dau el tamañu del suyu valli, puei consideral-si un ejempru d’arroyo inadaptado.

Vista panorámica de dambus dos vallis en horma de U que se fusionan ena montaña Pirin, Bulgaria

.

Otrus vallis enteressantis escavaus pol glaciares son:

Valle de Yosemite (Estaus Uníus) Valle lateral del riu austriacu Salzach pol sus direciones paralelas i desembocaduras colgantis. El del riu St. Mary nel Parque Nacional de los Glaciares en Montana, Estaus Uníus.

Túnel

Un valli túnel es un valli grandi, largu i en horma de U, cortau originalmenti baju el yelu glaciar cerca del margi delas capas de yelu continentales cumu la que ogañu cubri la Antártia i la que antiguamenti cubría porcionis de tous los continentis duranti eras glaciares pasás. Estus vallis puein tenel ata 100 km (62 mi) de longitú, 4 km (2.5 mi) de anchura i 400 m (1,300 ft) de profundidá (la su profundidá puei varial a lo largu del suyu recorriu). Los vallis del túnel se hormarun pola erosión ídrica subglacial. En el suyu día sirvun cumu vías de drenaji subglacial que transportaban grandis volúminis d’agua de deshielu. Las sus secionis transversalis presentan flancus escarpaus similaris a las pareis delos fiordus, i los sus hondóns planus son típicus dela erosión glaciar subglaciar.

Agua de desyelu

Nel norti d’Uropa Central, la capa de yelu escandinava avançó duranti las distintas glaciacionis ligeramenti cuesta arriba en contra del relievi. Cumu resultau, las sus aguas de desyelu fluyun paralelas al margi de yelu pa llegal a la cuenca del Mari del Norti, formandu enormis vallis planus conocíus cumu Urstromtäler. A deferencia delas otras formas de vallis glaciares, estus se formun polas aguas de desyelu delos glaciaris.

Valli Hooker de Nueva Zelanda nel Parqui Nacional de Aoraki / Monti Cook, col Final del glaciar Hooker... nel Lago Hooker al hondón

.

Tipus de vallis

Valli de Aburrá, está ena cordillera Central delos Andis. Allí está assitiá la ciá de Medellín.

Garganta nel riu Yangtsé, en China, amostrandu la mayol inclinación dela ladera izquierda (que qu’a la derecha dela imagen) a pesal dela mesma costitución geológica delas dambas dos orillas.

Geomorfológicamenti dessistin deferencias entri los vallis angostus i los vallis amplius, las prencipalis se describin a continuación.

Caraterísticas delos vallis en forma de V

Las corrientis d’agua que generalmenti ocupa la parti más baja del valli se presenta completamenti confiná i huertimenti controlá pala migración lateral, desta manera los procesus d’ajusti del cauci se presentan directamenti nel hondón del cauci modificandu la pendienti i inclusivi incisandu el lechu; asociau a estus procesus se puei presental inestabilidá d’orillas i deslizamientos. La cercanía delas montañas al cauci aizin que estus vallis sean generalmenti pocu atrativus pa desarrollus urbanísticus.

El desenvolvimiento delos vallis encañonaus está íntimamenti relacionau cola intensidá delos procesus geomorfológicus que forman el valli i cola geología, concretamenti cola composición litológica u colas fallas. Los materialis delos vallis varían dendi roca hirme ata suelus residualis ena forma de coluvionis, fluju d’escombrus entri otrus materialis deposicionalis.

La localiçación delos vallis encañonaus es más frecuenti enas partis altas dela cuenca idrográfica ondi los rius tienin pocu caudal, las pendientis son altas i las pareis del valli frecuentementi muestran roca firme sin cobertura. Quandu las montañas que circundan el valli son mu resistentis a la meteorización i a la erosión, el valli presenta una configuración encañoná entavía nel recorriu meyu dela cuenca. frecuentementi se alcuentran cataratas i rápidus en los cursus d’agua que drenan estus vallis.

Inque generalmenti se crei que los vallis en V son perfectamenti simétricus, lo ciertu es que tamién apresentan ciertu grau d'asimetría, siendu la pared u ladera dela izquierda de mayol pendienti o inclinación que la dela derecha (tratándu-si del emisferiu Norti).

Ejemplus de valli en horma de V en Svaneti, Montañas del Cáucasu.

Caraterísticas delos vallis cumprius

Los vallis cumprius están associaus enos famosus rius de planici (madurus i viejus) ondi el cauci ocupa una parti reducía del valli ya que la planici aluvial es amplia. En esta se puein observal rasgus del paisaji que nu se alcuentran en los vallis encañonaus cumu son: terraças aluvialis, diquis, naturalis, madreviejas, caucius abandonaus, complexus d’orillaris. 1 Al igual que la planici, el cauci tamién es ampliu presentándu-si relacionis anchu profundidá mayolis de 10. La llanura está sujeta a inundacionis recurrentis, pol lo que esta nu es estática ni establi.  

La llanura está compuesta, generalmenti, pol sedimentus nu consolidaus que se erosionan rápidamenti duranti inundacionis i crecías del riu. El canal dun riu puei cambial de posición ena amplia llanura de inundación i esta, a su vezi, es modificá periódicamente polas inundacionis, a midía que el canal se desplaza dun lugal a otru.

Duranti los periodus d’aguas normalis u bajas, el riu que corri pol valli, qu’a confinaú al suyu cauci i nu se derrama sobri la planici de inundación. La planici de inundación creá pola erosión lateral i pol retrocesu gradual delas pareis del valli, se llama planici de inundación erosional i se carateriça por una delgá cubierta de grava, arena i limu d’unus cuantus decímetrus u pocus metrus d’espesol. D’otru lau, baju el hondón de muchus vallis amplius se alcuentran depósitos de grava, arena i limu que alcançan 100 u más metrus d’espesol. Estus gruesus depósitos se horman quandu las condicionis variantis huerçan al riu a dejal caél la su carga a lo anchu del hondón del valli; esta planici de inundación hormá pola costrución del hondón del valli u agradación, se llama planici de inundación de agradación.

Las planicis de inundación d’esti tipu son muchu más comunis que las erosionalis i normalmenti tiendin a alcuentral-si nel cursu inferiol delos rius. Dambas dos planicis de inundación, la erosional i la de agradación, muestran formas cumu meandrus, trençamientos, bordus naturalis, depósitos de sedimentus, caucius divagantis.

Ejemplus de valli en forma de U en Acatlán (Hidalgo), Valle de Acatlán.

Incisión i ensanchamiento delos vallis

Tantu nel pasau cumu nel presenti, varius procesus han actúau i están actuandu nel sentíu de profundizal i ensanchal los vallis, inque las evidencias de dicha ación, se puein perdel u debilitar con el tiempu. Si se dejara a una correnti en libertá d’alcançal pol sí mesma el suyu nivel-base, erosionaría el lechu directamenti hacia abaju, hormandu un abismu de pareis verticalis nel procesu.

Inque cumu la correnti nu es el únicu agenti que trabaja ena hormación del valli, las pareis dela mayoría delos vallis s’inclinan hacia arriba i hacia huera del hondón del valli. Con el tiempu entavía las pareis delas gargantas más abruptas s’inclinarán hacia huera con relación al eji delos sus vallis. Con hormi una correnti corta hacia abaju i profundiza el suyu cauci dentru dela superficie del terrenu, la meteorización, el escurrimiento i los movimientos en masa entran en juegu, desgastandu constantementi las pareis del valli, aiziéndu-las retrocedel, apartándu-si entri sí.

El material baju la influencia dela gravedá, es arrastrau delas pareis del valli abaju i descargau ena correnti, pa sel movíu alanti rumbu finalmenti alos océanus.

El resultau es un valli cuyas pareis se ensanchan afuera i arriba, dendi la correnti, pa hormal un perfil transversal típicu.

La velocidá con que las pareis del valli son reducias i los ángulus que adotan, dépendin de varius factoris, siempri pensandu en tiempus geológicus, es izil millonis d’añus. Si las pareis están aizas de material sin consolidal (que es vulnerabli a la erosión i al movimiento en masa), la velocidá será rápia; inque si las pareis están constituyías de roca resistenti, la velocidá de erosión será mu lenta, i las pareis podrán levantal-si ábati verticalmenti dendi el hondón del valli. Amás de cortal hacia abaju en el suyu cauci, una correnti corta tamién de lau a lau, u lateralmenti en los sus bordus.

Enas primeras etapas de ensanchamiento del valli, quandu la correnti está entavía pol encina del suyu nivel-base, preomina la erosión hacia abaju. Posteriormenti, ...a midía que la correnti s’aproxima al suyu nivel-base, la erosión hacia abaju va siendu ca vezi menus importanti; en esta etapa se destina a la erosión delos sus bordus una proporción más grandi dela energía dela correnti. Cumu esta oscila dun lau a otru, horma sobri el hondón del valli una planici de inundación que tiendi a ensanchal-si siempri i el valli se aizi ca vezi más ampliu.

Golipeal tamién

• Ríu