Canadá

El nombri Canadá provien de la palra iruquesa "publau" o "conjuntu de cabañas", refiríndu-se enicialmenti a Stadaconé, un assitiamentu nel lugal duna ciá atualmenti en Québec. Mas alanti escomençó a gastal-se essi nombri pa tol país.

Geografía

Canadá tien costa con los ucéanus Atlánticu, Pacíficu i Árticu. La su costa está mu ricurtá i está helá, uníndu-se con el continenti asiáticu. Hazi arrayu conos Estaus Uníus al sul i al noroesti (estau d'Alaska) L'ária más puebrá es el valli del Ríu San Lorenzu.

Frora i fauna

Gran parti el su territóriu tien arvuris pa maera, cumu el pinu i el cedru. Tamien tien grandis praeras i bosquis. La fauna se paeci a la d'Uropa el Norti i Ásia: Osus, lobus, coyotis, lionis americanus, pumas... I nel norti el país tamien osus polaris. En algotras zonas puein velsi castoris i mas roedoris juntu con arcis i renus. Cumu es un país grandi albondu, ái mucha varieá d'espéciis polos cámbeus de climi.

Devisión pulítica

Canadá está deviiu enos territoris siguientis:

- Territori Yukon.
- Territorius del noroesti.
- Nunavut.
- Columbia Británica.
- Alberta.
- Saskatchewan.
- Manitova.
- Untariu.
- Québec.
- Nueva Brunswick.
- Nueva Escocia.

Luengas

En Canadá se plaran dos luengas oficialis, peru no en tol territoriu. Estas son el ingrés i el francés (esti sobri tó en Quebec). Amás se palran otras luengas, anque con un caraiti minoritariu, comu las luengas aboríginis (angunas dellas son el cree, el inuktituk i el ojibwa). Angunas destas luengas son oficialis enos Territorius del Noroesti. La presencia d'otras palras s'ebi en gran media a la enmigracion. Destacan el chinu, el italianu, el castellanu...

Atijus

En Commons ai conteníu multimedia sobre Canadá.

Paisis d'América