Zirklip
Zirklipa (zirkulu eta klipen akronimoa), segurtasun eraztun edo Seeger eraztun ere deitua, pieza bat atxikitzeko edo eusteko erabiltzen den altzairuzko eraztun mota bat da. Material erdimalguaz egina, muturrak irekita dituen eraztun-itxurako pieza metaliko bat da. Mekanizatutako arteketan eta larakoen gainean jartzeko egokia da. Era horretan, zirklipak atxikitako piezari bira ematea uzteaz gain, alborantz desplazatzea eragozten dio.
